فەرموودە: خێرترین ڕۆژ کە خۆر تێیدا هەڵهاتبێت ڕۆژی هەینیە
عَنْ أَبِي هُرَيْرَةَ رضي الله عنه أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ:
«خَيْرُ يَوْمٍ طَلَعَتْ عَلَيْهِ الشَّمْسُ يَوْمُ الْجُمُعَةِ، فِيهِ خُلِقَ آدَمُ، وَفِيهِ أُدْخِلَ الْجَنَّةَ، وَفِيهِ أُخْرِجَ مِنْهَا، وَلَا تَقُومُ السَّاعَةُ إِلَّا فِي يَوْمِ الْجُمُعَةِ».
[صحيح] - [رواه مسلم] - [صحيح مسلم: 854]
المزيــد ...
لە ئەبی هوڕەیڕەوە -ڕەزای خوای لێبێت- کە پێغەمبەر -صلى الله علیه وسلم- دەفەرموێت:
«خێرترین ڕۆژ کە خۆر تێیدا هەڵهاتبێت ڕۆژی هەینیە ؛ لەو ڕۆژەدا ئادەم خوڵقێنرا، ولەو ڕۆژەدا کرایە بەهەشتەوە، ولەو رۆژەدا لێی دەرکرا، وقیامەت لە هیچ ڕۆژێكدا بەرپا نابێت جگە لە ڕۆژی هەینی نەبێت».
[صەحیحە] - [موسلیم گێڕاویەتیەوە] - [صحيح مسلم - 854]
پێغەمبەر -صلى اللە علیە وسلم- باسی ئەوەمان بۆ دەكات خێرترین ڕۆژ کە خۆر تێیدا هەڵهاتبێت ڕۆژی هەینیە، لە تایبەتمەندیەكانی ئەم ڕۆژە: خوای گەورە ئادەمی لەم ڕۆژەدا خوڵقاند -علیه السلام-، ولەم ڕۆژەدا کرایە بەهەشتەوە، ولەم رۆژەدا لێی دەرکرا ودابەزی بۆ سەر زەوی، وقیامەت لە هیچ ڕۆژێكدا بەرپا نابێت جگە لە ڕۆژی هەینی نەبێت.
لە سوودەکانی فەرموودەکە
- فەزڵ وپلە وپایەى ڕۆژی هەینی بەسەر ڕۆژەکانى تری هەفتەوە.
- هاندان بۆ بە زۆری ئەنجامدانى کردەوە چاکەکان لە ڕۆژی هەینیدا، بۆئەوەى خواى گەورە ڕەحم بە بەندە بکات، وخۆی بپارێزێت لە توڕەیی پەروەردگار.
- ئەم تایبەتمەندیانەی ڕۆژی هەینی كە لە فەرموودەكەدا باسكراوە، ووتراوە: بۆ باسكردنی فەزڵی وپلەوپایەی ڕۆژی هەینی نییە ؛ چونكە دەركردنی ئادەم لە بەهەشت وبەرپابوونی قیامەت ئەمانە فەزڵ نین، هەروەها ووتراوە: بەڵكو هەموویان فەزڵن، دەرچوونی ئادەم لە بەهەشت هۆكار بوو بۆ بوونی نەوەكانی لە پێغەمبەران وپیاوچاكان، وبەرپابوونی قیامەت هۆكارە بۆ نزیكبوونەوەی پاداشتی چاكەكاران وئەوەی خودا بۆیانی ئامادە كردووە بەدەستی دەهێنن لە ڕێزلێنانی جۆراوجۆر.
- تایبەتمەندی تری ڕۆژی هەینی باسكراوە لە گێڕانەوەی تردا، لەوانەیش: لەو ڕۆژەدا خوای گەورە تەوبەی ئادەمی قبوڵ كرد، ولەو ڕۆژەدا وەفاتی كرد، ولە هەینیدا کاتێک هەیە ؛ هەر بەندەیەكی ئیماندار داوای هەرشتێك لە پەروەردگاری بكات پێی دەبەخشێت.
- باشترین ڕۆژەكانی ساڵ ڕۆژی عەفەرەیە، ووتراوە: ڕۆژی قوربانیكردنە، وباشترین ڕۆژەكانی هەفتە ڕۆژی هەینیە، وباشترین شەو شەوی قەدرە.
پۆلێنکردنەکان
زیاتر
- فەرموودە: کاتێک دانیشتبووین لای پێغەمبەری خودا -صلى اللە علیە وسلم- پیاوێک دەرکەوت وهاتە لامان، جلەکەی زۆر سپی وقژی زۆر ڕەش بوو وبەوە ناکات کەسێکی موسافیر بێت وکەسیش لە ئێمە نایناسێت
- فەرموودە: ئەی بەندەکانم، من ستەمم لە سەر نەفسی خۆم حەرامکردووە بۆیە ستەم لە یەکتری مەکەن، ئەی بەندەکانم، هەمووتان گومڕان جگە لە ئەوانە نەبێت کە من هیدایەتم داون بۆیە داوای هیدایەت لە من بکەن هیدایەتتان دەدەم
- فەرموودە: خوای گەورە مۆڵەت دەدات بە کەسی زاڵم وستەمکار؛ بەڵام کە گرتی ئەوا بەری نادات وتۆڵەی لێدەسێنێتەوە
- فەرموودە: واز لە پرسیارکردن بهێنن سەبارەت بە ئەو شتانەى کە فەرمانم پێنەکردوون یان نەهیم لێ نەکردوون، ئەوەی بووە هۆی تیاچوونی ئەوانەی پێش ئێوە زۆر پرسیار کردن وناکۆکیان بوو بەرامبەر پێغەمبەرانیان، ئەگەر نەهیم لێکردن لەسەر شتێک ئەوا خۆتانی لێ بە دوور بگرن، وئەگەر فەرمانم پێکردن بە کردەوەیەک ئەوا ئەنجامی بدەن بە گوێرەی تواناتان
- فەرموودە: سوێند بە ئەوەی نەفسی منی بەدەستە، نزيكە دابەزینی کوڕی مەریەم لە نێوانتان فەرمانڕەوایەکی دادپەروەر، خاچ دەشکێنێت
- فەرموودە: پرسیار سەبارەت بەڕەچەڵەکی عەرەب دەکەن؟ باشترینیان لە جاهیلیەتدا؛ باشترینیانە لە ئیسلامدا ئەگەر لە ئاینەکەیان تێبگەن
- فەرموودە: کاتێک خواى گەورە ئادەمی دروستکرد -صلى اللە علیە وسلم- پێی فەرموو: بڕۆ سەلام لە ئەوانە بکە -کۆمەڵێک فریشتە دانیشتبوون- گوێبگرە چۆن وەڵامی سەلامەکەت دەدەنەوە؛ ئەوە سەلامکردنی تۆ ونەوەکانتە