فەرموودە: ((ئه‌ز ب وی كه‌مه‌ یێ نه‌فسا من د ده‌ستیدا، نێزیكه‌ كوڕێ مه‌ریه‌مێ (عیسا) د ناڤ هه‌وه‌دا بهێته‌ خوار وه‌ك دادوه‌ره‌كێ دادپه‌روه‌ر، ڤێجا دێ خاچێ شكێنیت، دێ به‌ڕازی كوژیت، دێ زێڕه‌سه‌رێ (جزیێ) ڕاكه‌ت و ناهێلیت و مال و سامان ژی دێ هند زێده‌ بیت هه‌تا وی ڕاده‌ی كه‌س وه‌رناگریت))

عَنْ أَبِي هُرَيْرَةَ رَضِيَ اللَّهُ عَنْهُ قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«وَالَّذِي نَفْسِي بِيَدِهِ، لَيُوشِكَنَّ أَنْ يَنْزِلَ فِيكُمْ ابْنُ مَرْيَمَ حَكَمًا مُقْسِطًا، فَيَكْسِرَ الصَّلِيبَ، وَيَقْتُلَ الخِنْزِيرَ، وَيَضَعَ الجِزْيَةَ، وَيَفِيضَ المَالُ حَتَّى لاَ يَقْبَلَهُ أَحَدٌ».
[صحيح] - [متفق عليه] - [صحيح البخاري: 2222]

ئه‌بو هوره‌یره‌ (خودێ ژێ ڕازی بیت) دبێژیت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت:
((ئه‌ز ب وی كه‌مه‌ یێ نه‌فسا من د ده‌ستیدا، نێزیكه‌ كوڕێ مه‌ریه‌مێ (عیسا) د ناڤ هه‌وه‌دا بهێته‌ خوار وه‌ك دادوه‌ره‌كێ دادپه‌روه‌ر، ڤێجا دێ خاچێ شكێنیت، دێ به‌ڕازی كوژیت، دێ زێڕه‌سه‌رێ (جزیێ) ڕاكه‌ت و ناهێلیت و مال و سامان ژی دێ هند زێده‌ بیت هه‌تا وی ڕاده‌ی كه‌س وه‌رناگریت)).
[صحيح] - [متفق عليه] - [صحيح البخاري - 2222]

شیکردنەوە

پێغه‌مبه‌ر (صه‌لات و سه‌لامێن خودێ ل سه‌ر بن) سویند دخۆت ل سه‌ر نێزیكبوونا هاتنه‌خوارا عیسایێ كوڕێ مه‌ریه‌مێ (سلاڤ لێ بن) دا كو ب دادپه‌روه‌ری و ب شه‌ریعه‌تێ موحه‌ممه‌دی (صه‌لات و سه‌لامێن خودێ ل سه‌ر بن) بڕیارێ د ناڤبه‌را خه‌لكیدا بدەت، ئه‌و دێ وێ خاچێ شكێنیت یا فه‌له‌ ب مه‌زن ڕادگرن، هه‌روه‌سا عیسا (سلاڤ لێ بن) دێ به‌ڕازی كوژیت، كا چاوا ئه‌و (سلاڤ لێ بن) دێ زێڕه‌سه‌رێ ژ ناڤ خه‌لكی ڕاكه‌ت و دێ خه‌لكی هه‌مییێ هانده‌ت بهێنه‌ د ناڤ ئیسلامێدا. مال و سامان ژی دێ هند زێده‌ بیت هه‌تا وی ڕاده‌ی كه‌س وه‌رناگریت ژ به‌ر زه‌نگینییا خه‌لكی و هاتنه‌خوارا به‌ره‌كه‌ت و خێرێن زێده‌.

لە سوودەکانی فەرموودەکە

1. پشتڕاستكرن و بنه‌جهكرنا هاتنه‌خوارا عیسای (سلاڤ لێ بن) ل دویماهیكا زه‌مانی و كو ئه‌و نیشانه‌كا (مه‌زنا) قیامه‌تێیه‌.
2. شه‌ریعه‌تێ پێغه‌مبه‌ری (صه‌لات و سه‌لامێن خودێ ل سه‌ر بن) ب چ شه‌ریعه‌تێن دی ناهێته‌ هه‌لوه‌شاندن.
3. هاتنه‌خوارا به‌ره‌كه‌تێ د مالیدا ل دویماهیكا زه‌مانی، د گه‌ل هندێ خه‌لك دێ دلێ خۆ ژێ كێشن و ئێدی گرنگییێ پێ ناده‌ن.
4. مزگینیدان ب مانا ئایینێ ئیسلامێ، چونكی عیسا (سلاڤ لێ بن)ل دویماهیکا زەمانی دێ ل دویڤ ئیسلامێ بڕیاران ده‌ت.