Hadiis: Ad zãmaan yaoolem, neb n na n wa tɩ b yʋʋmã paoodẽ, b yaa yalemba, b yeta bõn-naandsã sẽn yɩɩd sõmã wã koεεga, b yita lɩslaamgã pʋgẽ wala peemd sẽn yit bõn-tãoodgẽ wã

عَنْ عَلِيٍّ رَضِيَ اللَّهُ عَنْهُ: إِذَا حَدَّثْتُكُمْ عَنْ رَسُولِ اللَّهِ صَلَّى اللهُ عَلَيْهِ وَسَلَّمَ فَلَأَنْ أَخِرَّ مِنَ السَّمَاءِ أَحَبُّ إِلَيَّ مِنْ أَنْ أَكْذِبَ عَلَيْهِ، وَإِذَا حَدَّثْتُكُمْ فِيمَا بَيْنِي وَبَيْنَكُمْ فَإِنَّ الحَرْبَ خَدْعَةٌ، سَمِعْتُ رَسُولَ اللَّهِ صَلَّى اللهُ عَلَيْهِ وَسَلَّمَ يَقُولُ:
«يَأْتِي فِي آخِرِ الزَّمَانِ قَوْمٌ حُدَثَاءُ الأَسْنَانِ سُفَهَاءُ الأَحْلاَمِ، يَقُولُونَ مِنْ خَيْرِ قَوْلِ البَرِيَّةِ، يَمْرُقُونَ مِنَ الإِسْلاَمِ كَمَا يَمْرُقُ السَّهْمُ مِنَ الرَّمِيَّةِ، لاَ يُجَاوِزُ إِيمَانُهُمْ حَنَاجِرَهُمْ، فَأَيْنَمَا لَقِيتُمُوهُمْ فَاقْتُلُوهُمْ، فَإِنَّ قَتْلَهُمْ أَجْرٌ لِمَنْ قَتَلَهُمْ يَوْمَ القِيَامَةِ».
[صحيح] - [متفق عليه] - [صحيح البخاري: 3611]

Yii a ʿAli ɭbn Abɩɩ Ṭaalib nengẽ (Wẽnd yard be a yĩnga): m sã yẽs yãmbã, sẽn yi Wẽnd Tẽn-tʋʋmã nengẽ (Wẽnd pʋʋsg la A tɩlgr be a yĩnga) bɩ y reege, tɩ ad mam sẽn na n vũ n yi saasẽ wã n lʋɩ n noom maam n yɩɩd m sẽn na n yag n rogl-a, la mam sã n yẽs sẽn be maam la yãmb sʋka, bɩ y bãng tɩ zabr yaa belgre, m wʋma Wẽnd Tẽn-tʋʋmã (Wẽnd pʋʋsg la A tɩlgr be a yĩnga) t'a yetẽ:
«Ad zãmaan yaoolem, neb n na n wa tɩ b yʋʋmã paoodẽ, b yaa yalemba, b yeta bõn-naandsã sẽn yɩɩd sõmã wã koεεga, b yita lɩslaamgã pʋgẽ wala peemd sẽn yit bõn-tãoodgẽ wã, b lɩɩmaoongã ka gãndg b kokoyã ye, la yãmb sẽn seg-b zĩig ning fãa bɩ y kʋ-ba, ad b kʋʋbã tara keoor dũni yikr raare, ne ned ning sẽn kʋ-ba».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 3611]

bilgrã

Muumin-rãmbã naabã, a ʿAli ɭbn Abɩɩ Ṭaalib (Wẽnd yard be a yĩnga) a yeelame: yãmb sã n wʋm maam tɩ m yẽsdẽ, tɩ Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) n yeele, bɩ y bãng tɩ mam ka bɩnd ye, m ka sɩlemde, m vẽnegdame n yeel zãng wala a sẽn yeelã. Lak mam sẽn na n yi saasẽ n lʋɩ n yaa yol-yol ne maam n yɩɩd m sẽn na n yẽs yãmb Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) tɩ yaool n yaa zĩri-beedo, la sã n yaa maam ne yãmb sʋk yẽsgo, bɩ y bãng tɩ zabr yaa belgre, m tõoeme n bɩle, maa m maan sɩlem, maa m rat bũmb a to m sẽn gomdã. La mam wʋma Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) t'a yetẽ: Neb n na n wa zãmaan yaoolem, sẽn yaa rasãmba, tɩ b yʋʋmã paoodẽ, tɩ b yama yaa valemse, yaa Alkʋrãanã la b yeta n wʋsgd a karengo, b yitame n bas lɩslaangã, n maand n zʋʋgd a todsã, wala peemd sẽn yit a tãoodgẽ wã, b lɩɩmaoongã ka gãndg b kokolondã ye. Yãmb sẽn sεg-b zĩig ning bɩ y kʋ-ba, tɩ b kʋʋbã tara keoor dũni yikr raarã.

Sẽn be Hɑdiisã yõod-rãmbẽ

1. A vẽnegd n wilgda hawaarigã (Lɩslaangã naam kɩɩsdbã) sɩf-rãmba sãnda.
2. Bee hadiisã pʋga, sẽn yaa tagmase, sẽn be Nabiyaamdmã tagmas-rãmbã pʋgẽ, ne Nɑbiyɑɑmã sẽn kõ kibare (Wẽnd pʋʋsg lɑ A tɩlgr be ɑ yĩngɑ) bũmb ning sẽn na n wa yɩ a poorẽ rãmbẽ wã, t'a sɩd wa yɩ wala a sẽn togsã.
3. Wilgdame tɩ sakdame tɩ b solg gomde, maa gom n yege zabrẽ, la belgr zabrẽ wã a yɩta woto, a yɩta ne solg n belge, la sẽn wõnd rẽ, la bas-m-yam la alkaool yidgr ka lagem be ye, bala hadiis-rãmb n wa n gɩdg rẽ.
4. An-nawawiy (Wẽnd na yols-a) a yeelame: (B yeta bõn-naandsã sẽn yɩɩd sõma wã koεεgã) a võorã: yaa sẽn vẽnegã, wala b sẽn yeelã: Bʋʋd ka be sã n ka Wẽnd bʋʋdã ye, la sẽn wõnd rẽ, b sẽn boon n tʋgd Wẽnd Gafẽ wã (A Naam zẽk yã).
5. A ɭbn Hagar yeelame (Wẽnd na yols-a): (B lɩɩmaoongã ka gãndg b kokoyã): a rat n yeelame tɩ b lɩɩmaoongã ka tablg b sũurẽ wã ye; bala bũmb ning sẽn be koko-raoogẽ wã, n ka gãndg beenẽ, a ka tõe n ta sũurẽ wã ye.
6. A Al-Ƙaaḍiy yeelame (Wẽnd na yols-a): bãngdbã zemsa taaba, tɩ hawaarɩgã la sẽn wõnd b bãmbã, sẽn yaa bidah wã rãmba la kεdgdbã, b sã n wa yi n na n zab ne lɩslaambã taoor soaba, n yõsg b zabrẽ wã, n welg zãmã wã, yaa tɩlae tɩ b zab ne-ba, la yaa b sẽn bugs-b la b kõ-b padmas poorẽ.