Hadiis: Ned ning sẽn wɑ n tɩʋʋs bũmb tõnd yel-kãngɑ pʋgẽ, sẽn pɑ be ɑ pʋgẽ, tʋʋm-kãngɑ pɑ reegd ye
عَنْ عَائِشَةَ رضي الله عنها قَالَتْ: قَالَ رَسُولُ اللهِ صلى الله عليه وسلم:
«مَنْ أَحْدَثَ فِي أَمْرِنَا هَذَا مَا لَيْسَ فِيهِ فَهُوَ رَدٌّ» متفق عليه.
ولمسلم: «مَنْ عَمِلَ عَمَلًا لَيْسَ عَلَيْهِ أَمْرُنَا فَهُوَ رَدٌّ».
[صحيح] - [متفق عليه] - [صحيح البخاري: 2697]
المزيــد ...
Yii a ʿAaɩša nengẽ (Wẽnd yard be a yĩnga) a yeelame: Wẽnd Tẽn-tʋʋmã yeelame (Wẽnd pʋʋsg la A tɩlgr be a yĩngɑ):
«Ned ning sẽn wɑ n tɩʋʋs bũmb tõnd yel-kãngɑ pʋgẽ, sẽn pɑ be ɑ pʋgẽ, tʋʋm-kãngɑ pɑ reegd ye» A Bʋhaarɩ la a Muslim n reeg-a. La a Muslim welg n yeelame: "ned ning sẽn maana tʋʋmde, tɩ ka tõnd n sagelle, ad rẽnda lebd n kõ a soabã».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 2697]
Nabiyaamã, (Wẽnd pʋʋsg la A tɩlgr be a yĩngɑ) vẽnegdame n wilgdẽ, tɩ ned ning sẽn tʋg n wa ne bũmb dĩinã pʋgẽ, maa a tʋg n maana tʋʋmd tɩ daliil ka be a zugu, sẽn yi Alkʋrãanẽ wã maa Sunnah pʋgẽ, b na n lebs-a-la a soaba, ka na n reeg Wẽnd nengẽ ye.
Sẽn be Hɑdiisã yõod-rãmbẽ
- Tũud-rãmbã tikr yɩta ne bũmb ning sẽn wa Alkʋrãanã la Sunnah pʋgẽ, rẽnd ned ka sõmb n tũ Wẽnde, (A Naam zẽkame), rẽndame tɩ yaa ne bũmb ning Wẽnd sẽn kõ sorã, ka sõmb n tũ-A ne yel-sɩngdsã lɑ yel-pɑɑlã ye.
- Wilgdame tɩ dĩinã ka ne yam maa f sẽn get bũmb ning tɩ yaa sõma fo nengẽ ye, la ad dĩinã yaa Wẽnd Tẽn-tʋʋmã pʋgbo (Wẽnd pʋʋsg la A tɩlgr be a yĩngɑ).
- Hadiis-kãngã wilgda dĩinã sẽn pidã.
- Bid'ah wã yẽ yaa bũmb fãa b sẽn yẽbg dĩinã pʋgẽ, t'a rag n ka be Nabiyaamã, (Wẽnd pʋʋsg la A tɩlgr be a yĩngɑ) la a sahaabsã wakatẽ ye, sẽn yaa loεεga, maa gomde, maa tʋʋmde.
- Hadiis-kãngã yaa yẽgr sẽn yi lɩslaamdã yẽgẽ, a leb yaa wala zɩlem-mɑgdgɑ ne tʋʋmã, rẽnd sẽn mik tɩ tʋʋmã fãa b sẽn ka rat-a ne Wẽnd yĩnga, tʋʋmdã soab pɑ tɑr yel-sõmd ye, yaa woto bala tʋʋm fãa sẽn ka zems ne Wẽnd Tẽn-tʋʋmã sẽn wa ne wã, (Wẽnd pʋʋsg la A tɩlgr be a yĩngɑ) yẽndɑ yaa bũmb b sẽn lebsd-a ɑ soabã nengẽ.
- yel-paals nins b sẽn gɩdgã, yaa dĩinã yεla, ka dũni yεl ye.
Sagsã
Pɑɑgã
- Hadiis: lɩslaangã yaa f maan kaset tɩ soab sẽn na n tũ n tɩlg ka be rẽnda Wẽnde, la a Mʋhammad yaa Wẽnd Tẽn-tʋʋma, la f yals ne Pʋʋsgo la f yãk Zaka n kõ, la f loe Ramadaane, la f kaag Roogã tɩ f sã n paam sor n na n tʋg beenẽ
- Hadiis: Yaa Mam yembse, ad Mam gɩdga wẽgd Mam zugu, n maan-a t'a yaa haraam yãmb ne taab sʋka, bɩ y ra wẽg taab ye
- Hadiis: kõ maam kibare, rẽ yĩnga mam sã n pʋʋs wakat-rãmb a nu wã, la m loe Ramadaanã, la m maan halaalã
- Hadiis: Ad Wẽnd tõe n yaoolga wẽgdã, t'A sã n wa yõk-a a ka põsgd-A ye
- Hadiis: Ned ning sẽn wa yel-soaandɩ togsd nengẽ, n sok-a bũmbu, b ka reegd a Pʋʋsgo, rasem pis-naase
- Hadiis: Ned ning sẽn boola n tʋg kãndgre, a soab tara keoore wala neb nins sẽn pʋg-a wã, tɩ rẽndã me ka boogd bãmb keoorã baa fʋɩ