ھەدىس: كىمكى بىزنىڭ دىنىمىزدە يوق بولغان بىر ئىشنى پەيدا قىلىدىكەن ئۇ ئىش رەت قىلىنىدۇ
عَنْ عَائِشَةَ رضي الله عنها قَالَتْ: قَالَ رَسُولُ اللهِ صلى الله عليه وسلم:
«مَنْ أَحْدَثَ فِي أَمْرِنَا هَذَا مَا لَيْسَ فِيهِ فَهُوَ رَدٌّ» متفق عليه.
ولمسلم: «مَنْ عَمِلَ عَمَلًا لَيْسَ عَلَيْهِ أَمْرُنَا فَهُوَ رَدٌّ».
[صحيح] - [متفق عليه] - [صحيح البخاري: 2697]
المزيــد ...
ئائىشە رەزىيەللاھۇ ئەنھا ھەدىس بايان قىلىپ مۇنداق دەيدۇ، پەيغەمبەر ئەلەيھىسسالام مۇنداق دېگەن:
«كىمكى بىزنىڭ دىنىمىزدە يوق بولغان بىر ئىشنى پەيدا قىلىدىكەن ئۇ ئىش رەت قىلىنىدۇ». بىرلىككە كەلگەن ھەدىس. مۇسلىمنىڭ رىۋايىتىدە: «كىمكى بىزنىڭ دىنىمىزدا بولمىغان بىر ئىشنى قىلسا ئۇ ئىش رەت قىلىنىدۇ»دەپ كەلگەن.
[سەھىھ(بەش شەرت تولۇق بولغادا ھەدىس سەھىھ بولىدۇ)] - [ھەدىسنى بۇخارى ۋە مۇسلىم بىردەك قوبۇل قىلغان] - [سەھى بۇخارى - 2697]
پەيغەمبەرئەلەيھىسسالام دىندا بولمىغان يىڭى بىر ئىشنى دىندا پەيدا قىلغان ياكى قۇرئان-ھەدىستىن دەلىل بولمىغان بىر ئىشنى دىندىن دەپ قىلغان كىشىنىڭ قىلمىشلىرى ئاللاھنىڭ ھوزۇرىدا قوبۇل قىلىنمايدىغانلىقى ۋە ئۆز ساھىبىغا قايتۇرىلىدىغانلىقىنى بايان قىلىدۇ.
ھەدىسنىڭ پايدىلىرىدىن
- ئىبادەتنىڭ قۇرۇلمىسى كىتاپ-سۈننەتتە كەلگەن دەلىلگە كۆرە بولىدۇ، ئاللاھ تائالاغا بىدئەت، خۇراپات ۋە يېڭىدىن پەيدا قىلغان يول بويۇنچە ئىبادەت قىلمايمىز بەلكى شەرىئەت يولغا قويغان دەلىل بويۇنچە ئىبادەت قىلىمىز.
- دىن دېگەن كۆز قاراش ۋە چىرايلىق كۆرۈش بىلەن بولمايدۇ، ھەقىقەتەن پەيغەمبەرئەلەيھىسسالامغا ئەگىشىش بىلەن بولىدۇ.
- بۇ ھەدىس دىننىڭ مۇكەممەل بولغانلىقىنىڭ دەلىلىدۇر.
- بىدئەت دېگەن: ئەقىدە، سۆز-ھەرىكەتلەردىن پەيغەمبەرئەلەيھىسسالام ۋە ساھابىلارنىڭ دەۋرىدە بولمىغان، كېيىن دىندا يېڭىدىن پەيدا بولغان بارلىق نەرسىلەردۇر.
- بۇ ھەدىس ئىسلامنىڭ ئاساسىدىن بىر ئاساستۇر، بۇ ئەمەللەر ئۈچۈن ئۆلچەمگە ئوخشاشتۇر، ھەرقانداق ئەمەل بىلەن ئاللاھنىڭ رازىلىقى مەقسەت قىلىنمىسا ئۇنى قىلغان كىشىگە ئەجىر-ساۋاپ بېرىلمەيدۇ. ھەر قانداق ئىش-ھەرىكەت پەيغەمبەرئەلەيھىسسالامنىڭ كۆرسەتمىسىگە مۇۋاپىق بولمايدىكەن ئۇ ئىش قىلغۇچىنىڭ ئۆزىگە قايتۇرىلىدۇ.
- يېڭىدىن پەيدا بولغان ئىشلار؛ دىنى ئىبادەتلەردىن بولسا چەكلىنىدۇ ئەمما دۇنيا ئىشلىرىدىن بولسا چەكلەنمەيدۇ.
ئەسەرلەر
تېخىمۇ كۆپ
- ھەدىس: ئىسلام دېگەن: ئاللاھدىن باشقا ئىبادەتكە لايىق ھېچ ھەق مەبۇد يوق ۋە مۇھەممەد ئەلەيھىسسالام ئاللاھنىڭ ئەلچىسى دەپ گۇۋاھلىق بېرىشىڭ، نامازنى بەرپا قىلىشىڭ، زاكاتنى ئادا قىلىشىڭ، رامىزان روزىسىنى تۇتىشىڭ ۋە يول چېقىملىرىغا قادىر بولالىساڭ ھەج-تاۋاپ قىلىشىڭ
- ھەدىس: ئى بەندىلىرىم! مەن ئۆزەمگە زۇلۇمنى ھارام قىلدىم، سىلەرگىمۇ ئۆز ئارا زۇلۇم قىلىشىشىڭلارنى ھارام قىلدىم، زۇلۇم قىلىشماڭلار. ئى بەندىلىرىم! مەن ھىدايەت قىلغاندىن باشقا ھەممىڭلار ئازغۇچىدۇر، مەندىن ھىدايەت تەلەپ قىلىڭلار، سىلەرنى ھىدايەت قىلىمەن
- ھەدىس: ھەقىقەتەن ئاللاھ تائالا زالىمغا مۆھلەت بېرىدۇ، ھەتتا ئۇنى تۇتقاندا ھەرگىز قويۇپ بەرمەيدۇ
- ھەدىس: كىمكى رەمبال-پالچىنىڭ يېنىغا بېرىپ ئۇنىڭدىن بىر نەرسە سورىسا، ئۇ كىشىنىڭ قىرىق كۈنلۈك نامىزى قوبۇل بولمايدۇ
- ھەدىس: مەن بەش ۋاقىت نامازنى ئادا قىلسام، رامىزان روزىسىنى تۇتسام، ھالالنى ھالال ۋە ھارامنى ھارام دەپ ئېتىقاد قىلسام
- ھەدىس: كىمكى توغرا يولغا چاقىرىدىكەن ئۇ كىشىگە توغرا يولغا ئەگەشكەنلەرنىڭ ئەجىر-ساۋابى بېرىلىدۇ، ئۇلارنىڭ ئەجىر-ساۋاپلىرىدىن ھېچ نەرسە كېمەيتىلمەيدۇ