ဟဒီးဆ်: အကြင်သူသည် မည်သည့်အမလ်ကောင်းမှုကိုမဆို ပြုလုပ်ရာ၌ ငါတမန်တော်၏ အမိန့်မပါရှိခဲ့လျှင် ထိုအရာသည် ပယ်ဖျက်ခြင်းခံရမည်ဖြစ်သည်။
عن عائشة رضي الله عنها قالت: قال رسول الله صلى الله عليه وسلم : "من أحدث في أمرنا هذا ما ليس منه فهو رد " وفي رواية " مَن عَمِلَ عملًا ليس عليه أمرُنا فهو رَدٌّ".
[صحيح] - [متفق عليه]
المزيــد ...
အာအိရှဟ်(ရဿွိယလ္လာဟုအန်ဟာ)က ဆင့်ပြန်ခဲ့သည်။ အလ္လာဟ်အရှင်မြတ်၏ ရစူလ်တမန်တော် (ဆွလ္လလ္လာဟုအလိုင်ဟိဝစလ္လမ်)က မိန့်ကြားတော်မူသည်။
မည်သူမဆို ကျွန်ုပ်တို့၏ ဤသာသနာတော်၌ မပါရှိသည့်အရာကို တီထွင်ဖန်တီးခဲ့လျှင် ထိုအရာသည် ပယ်ချခြင်းခံရမည်ဖြစ်သည်။ အခြားဆင့်ပြန်ချက် တစ်ရပ်တွင် လာရှိသည်မှာ- အကြင်သူသည် မည်သည့်အမလ်ကောင်းမှုကိုမဆို ပြုလုပ်ရာ၌ ငါတမန်တော်၏ အမိန့်မပါရှိခဲ့လျှင် ထိုအရာသည် ပယ်ဖျက်ခြင်းခံရမည်ဖြစ်သည်။
[ဤဟဒီးဆ်သည် ဆွဟီးဟ် အဆင့်ရှိသည်။] - [ဗုခါရီကျမ်းနှင့် မွတ်စ်လင်မ်ကျမ်း။]
ရှရီအဟ် တရားလမ်းစဉ်၏ မည်သည့်ရှုထောင့်နှင့်မျှ ကိုက်ညီမှုမရှိသော လုပ်ရပ် သို့မဟုတ် အပြောဆိုများ တနည်းအားဖြင့် ရှရီအဟ် တရားလမ်းစဉ်၏ အထောက်ထားများနှင့် စည်းမျဉ်းဥပဒေများက ညွှန်ကြားပြသထားခြင်းမရှိသော လုပ်ရပ်၊ အပြောအဆိုများသည် ပြုလုပ်သူထံမှ ပယ်ချခြင်းခံရမည်ဖြစ်ပြီး၊ လက်ခံသဘောတူခြင်းခံရမည် မဟုတ်ပေ။
ဟဒီးဆ်မှ သိမှတ်ဖွယ်ရာများ
- စီရင်ဆုံးဖြတ်သူတစ်ဦး၏ စီရင်ဆုံးဖြတ်ချက်သည် (သာသနာ့)အမိန့်တစ်ခု၏ အနှစ်သာရသဘောကို မပြုပြင်မပြောင်းလဲနိုင်ပေ။ အဘယ်ကြောင့်ဆိုသော်ကိုယ်တော်က “ငါတမန်တော်၏ အမိန့်မပါရှိခဲ့လျှင်”ဟုမိန့်တော်မူထားသည်။ “အမိန့်”ဟူသည် သာသနာကို ဆိုလိုသည်။
- အစ္စလာမ်သာသနာတော်သည် ရှရီအဟ်တရားလမ်းစဥ်အပေါ်၌ တည်ဆောက်ထားသည်။
- ယုံကြည်ချက်ဆိုင်ရာ တရားသစ်တီထွင်မှုနှင့် အမလ် ကျင့်ဆောင်မှုပိုင်းဆိုင်ရာ တရားသစ် တီထွင်မှုတိုင်းသည် မှားယွင်းသည်။ ဥပမာအားဖြင့် အလ္လာဟ်အရှင်မြတ်၏ ဂုဏ်တော်၊ နာမတော်များ၏ အဓိပ္ပါယ်ကို ငြင်းပယ်ခြင်း၊ (အိရ်ဂျအ်) အီမာန်သက်ဝင်ယုံကြည်ထားပါက မည်သည့် အပြစ်အကုသိုလ်ကို ကျူးလွန်သည်ဖြစ်စေ မည်သို့မျှဆိုးကျိုးမရှိဟု ယုံကြည်ခြင်း၊ သက္ကဒီရ် အကောင်း၊အဆိုး ဟူသ၍ကို အရှင်မြတ်က သတ်မှတ်ရေးဆွဲထားကြောင်းကို ငြင်းပယ်ခြင်း၊ အပြစ်အကုသိုလ် ကျူးလွန်ရုံမျှနှင့် ကာဖိရ်ဖြစ်သည်ဟု ယုံကြည်ခြင်း၊ ခဝပ်ကိုးကွယ်မှုတွင် တရားသစ်တီထွင်ခြင်း စသည်တို့ဖြစ်သည်။
- သာသနာသည် အတွေးခေါ် အယူအဆနှင့် ကောင်းသည်ဟု ထင်မြင်ချက်တို့ဖြင့် ပြဌာန်းထားခြင်း မဟုတ်ပေ။
- အစ္စလာမ်သည် ပြီးပြည့်စုံသော သာသနာဖြစ်ကြောင်း ညွှန်ပြထားသည်။
- သာသနာတော်တွင် ရှရီအဟ်နှင့် မကိုက်ညီသောတရားသစ်တီထွင်မှုတိုင်းသည် ပယ်ချခြင်းခံရမည်။ ဒုတိယဆင့်ပြန်ချက်တွင် တရားသစ်တီထွင်မှုတိုင်းသည်ပယ်ချခြင်းခံရမည်ဖြစ်ကြောင်း အတိအလင်းပါရှိသည်။ ၎င်းတရားသစ်သည် ပြုလုပ်သူက အသစ်တီထွင်ထားသည်ဖြစ်စေ သို့မဟုတ် ယခင်ကပင် ရှိနေခဲ့သည်ဖြစ်စေ အတူတူပင်ဖြစ်သည်။
- တရားတော်က တားမြစ်ထားသည့် ကတိကဝတ်၊စာချုပ်ဟူသမျှသည် အချည်းနှီးသာဖြစ်ပြီး ၎င်း၏ အကျိုးရလဒ်များကိုလည်း ခံစားခွင့် မရှိပါ။
- (ကိစ္စတစ်ခုကို)တားမြစ်ခြင်းသည် (ယင်းကိစ္စ အတည်မဖြစ်ကြောင်း) ပျက်ပြယ်ကြောင်းကို ဖေါ်ပြနေသည်။အဘယ်ကြောင့်ဆိုသော် တားမြစ်ခံရသော ကိစ္စတိုင်းသည် သာသနာ့ကိစ္စ မဟုတ်သည့်အတွက် ၎င်းတို့ကို ပစ်ပယ်ရန် တာဝန်ရှိသည်။
အမျိုးအစားများ
ထပ်၍
- ဟဒီးဆ်: တစ်ရက်တွင် ကျွန်တော်တို့သည် အလ္လာဟ်အရှင်မြတ်၏ ရစူလ်တမန်တော်ထံ၌ ထိုင်နေကြစဉ် လွန်စွာဖြူဖွေးသည့်အဝတ်အစားများ ဝတ်ဆင်ထားပြီး အလွန်မည်းနက်သော ဆံပင်ရှိသည့် ပုဂ္ဂိုလ်တစ်ဦး ကျွန်တော်တို့ရှေ့၌ ရုတ်တရက် ရောက်ရှိလာခဲ့သည်။ ထိုသူ၌ ခရီးထွက်လာသည့်လက္ခဏာ မတွေ့ရသလို ကျွန်တော်တို့ထဲတွင် သူ့ကိုသိသူ တစ်ဦးမျှလည်းမရှိပေ။
- ဟဒီးဆ်: အို - ငါအရှင်၏ကျွန်အပေါင်းတို့ ငါအရှင်မြတ်သည် မတရားမှုကို မိမိအပေါ်တွင် ဟရာမ် အဖြစ်သတ်မှတ်ထားတော်မူသည်။ ထို့အတူ အသင်တို့ ကြား၌လည်း ၎င်းအား ဟရာမ်အဖြစ် သတ်မှတ်တော်မူလိုက်သည်။ သို့ရှိရာ အသင်တို့အချင်းချင်း မတရားမှုမပြုကြလေနှင့်။ အို - ငါအရှင်၏ကျွန်အပေါင်းတို့ ငါအရှင်လမ်းမှန်တရားချီးမြှင့်သူမှအပ အသင်တို့အားလုံးသည် လမ်းမှားနေကြသူများဖြစ်ကြသည်။ သို့ရှိရာ အသင်တို့သည် ငါအရှင့်ထံတော်ပါးတွင် လမ်းမှန်တရားကို တောင်းခံကြလေကုန်၊ ငါအရှင်မြတ်သည် အသင်တို့အား လမ်းမှန်တရား ချီးမြှင့်တော်မူမည်။
- ဟဒီးဆ်: ဧကန်အမှန် အလ္လာဟ်အရှင်မြတ်သည် မတရားပြုသူအား အချိန်ဆိုင်းငံ့ခွင့် ပေးထားတော်မူသည်။ အရှင်မြတ်က ၎င်းအား အရေးယူသည့်အခါ လွတ်မြောက်ခွင့် ပေးမည်မဟုတ်ပေ။
- ဟဒီးဆ်: မည်သူမဆို အကွယ်ရှိအကြောင်းအရာများကို ဟောကြားသူထံသွား၍ တစ်စုံတစ်ရာ မေးမြန်းကာ ၎င်းအား ထောက်ခံခဲ့လျှင် ရက်ပေါင်း လေးဆယ်တိုင် ထိုသူ၏ ဆွလာသ်လက်ခံခြင်းခံရမည် မဟုတ်ပေ။
- ဟဒီးဆ်: ဖရ်ဿ်ွများကိုသာ ကျင့်သုံးခြင်း။