Hadiis: Adem biig ka pids yolg tɩ yaa wẽnga, n yɩɩd pʋg ye, seka Adem biiga, rɩ-bers sẽn na tẽeg a poorã, la sã n mikame tɩ yaa tɩlae t'a rɩ, bɩ a pʋɩ tãabo, a yembrã rɩɩb yĩngã, la yembrã yũubã yĩnga, la yembrã yaa a vʋʋsgã yĩnga

عَنْ المِقْدَامِ بْنِ مَعْدِي كَرِبَ رَضِيَ اللَّهُ عَنْهُ قَالَ: سَمِعْتُ رَسُولَ اللهِ صَلَّى اللَّهُ عَلَيْهِ وَسَلَّمَ يَقُولُ:
«مَا مَلأَ آدَمِيٌّ وِعَاءً شَرًّا مِنْ بَطْنٍ، بِحَسْبِ ابْنِ آدَمَ أَكَلاَتٌ يُقِمْنَ صُلْبَهُ، فَإِنْ كَانَ لَا مَحَالَةَ، فَثُلُثٌ لِطَعَامِهِ، وَثُلُثٌ لِشَرَابِهِ، وَثُلُثٌ لِنَفَسِهِ».
[صحيح] - [رواه الإمام أحمد والترمذي والنسائي وابن ماجه] - [الأربعون النووية: 47]

Yii ɑ Al-miƙdɑɑm ɭbn Mɑ'ɑdiy Kɑrib nengẽ, (Wẽnd yɑrd be ɑ yĩngɑ) a yeelame: m wʋma Wẽnd Tẽn-tʋʋmã (Wẽnd pʋʋsg la A tɩlgr be a yĩnga) t'ɑ yetẽ:
«Adem biig ka pids yolg tɩ yaa wẽnga, n yɩɩd pʋg ye, seka Adem biiga, rɩ-bers sẽn na tẽeg a poorã, la sã n mikame tɩ yaa tɩlae t'a rɩ, bɩ a pʋɩ tãabo, a yembrã rɩɩb yĩngã, la yembrã yũubã yĩnga, la yembrã yaa a vʋʋsgã yĩnga».
[Naṣʋn Ṣahɩɩhʋn (Gom-sikdem sẽn manege)] - [رواه الإمام أحمد والترمذي والنسائي وابن ماجه] - [الأربعون النووية - 47]

bilgrã

Nabiyaamã (Wẽnd pʋʋsg la A tɩlgr be a yĩnga) peegda tõnd n tʋgd yẽgr sẽn yaa tɩbgã (logtoeemdã) yẽgre, yẽ me la gũus-m-meng ninga ninsaal sẽn gũud a laafɩ wã ne bũmb ningã, yẽ me la rɩɩbã boogre, n rɩt sẽn na yẽd a võorã, la a sẽn na paam pãng n maan a tʋʋmã, la rɩɩbã sẽn yɩɩd wẽnga yaa pʋga pidbu, bala tεgrã a wata ne bãas b sẽn ka tõe n bãng a tεka, zem tɩ na n yɩɩ tʋʋlle, maa na n yaoolame, sẽn solge, maa sẽn vẽenege. Rẽ poorẽ, tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeele: sã n mikame tɩ ninsaala yaa tɩlae t'a tεge, bɩ a maan rɩɩbã n zems pʋgã sẽn pʋɩ tãab n yãk yembre, tɩ tãab a yembrã yaa yũubã, tɩ tãab a yembrã yaa vʋʋsgã, sẽn na yɩl tɩ sesg la namsg la kʋɩɩng ra wa paam-a ye, t'a wa bas bũmb ning sẽn somb n maane, Wẽnd sẽn maan tɩ yaa tɩlae n rog-a wã a dĩinã la a dũni wã yεlẽ.

Sẽn be Hɑdiisã yõod-rãmbẽ

1. Yaa b ra wa yalg rɩɩbã la yũubã, la yãwã yaa yẽgr sẽn tigim logtoeemdã yẽgã zãnga, bala bee rɩ-tɩkã pʋgẽ bãase la yĩn-zabre.
2. Raabã rɩɩbã pʋgẽ, yaa sẽn na n gũ laafɩ wã la pãngã, la vɩɩmã manegrã be ne bãmbã b yiibã.
3. Pids pʋgã ne rɩɩbã, a tara namsg yĩngã la dĩinã wεεngẽ, a Ʋmar yeelame (Wẽnd yard be a yĩnga): «M bugsd-y lame tɩ y zãag rɩ-n-tɩgã, t'a ad a sãamda yĩngã la a maand kʋɩɩng ne Pʋʋsgã».
4. Rɩɩbã sã n yaa a bʋʋdã wεεngẽ a tara bugsi: yaa tɩlae, la yẽ la sẽn na paam n vɩɩmse, tɩ f sã n bas-a bɩ a wat ne namsgo. La sẽn sakde, yẽ la bũmb ning sẽn paas waagibã zugã, la b ka yεεsd t'a na n talla namsg ye. La b sẽn kisgi, la yẽ la b sẽn yεεsd t'a na n waa ne namsgo. La haraam: la yẽ la b sẽn mi t'a sãangã yaa vẽenega. La b sẽn bʋ nonglem, la yẽ la rɩɩb ning sẽn na sõng Wẽnd tũudmã. La b tigmã rẽ fãa hadiisã pʋgẽ, dargε a tãabo. Rẽenem: pʋgã pidsgu. La yiib soabã Yaa rɩ-bãanego la sag-võy saare sẽn na tẽeg f poorã. Tãab soaba: yaa a koεεg sẽn yeele: «Pʋɩ tãabo, a yembrã rɩɩb yĩngã, la yembrã yũubã yĩnga, la yembrã yaa a vʋʋsg yĩnga». La woto fãa gilli yaa sẽn na n mik tɩ rɩɩbã yaa halaale.
5. Hadiisã yaa zeng-raoog sẽn yaa ( tɩbgã) logtoeemdã zeng-raoog a yembre, bala longtoeemdã bãngrã, a gilgda yẽg a tãab zugu: yaa pãngã gũusgu, la gũusgu, la yiisgu, rẽnd hadiisã a gũbga b pipi yiibã, sẽn be a pʋgẽ, yaa A koεεg sẽn yeele (A Naam zẽk yã): {La y rɩ la y yũ sẽn yaa yɩlma, la y ra maan n zʋʋg ye, ad Wẽnd pa nong maan-n-zʋʋg-rãmb ye} [Al-aaraaf: 31].
6. Wilgda sãri-kãngã sẽn pidi, bala a tigma yεl nins sẽn manegd ninsaala a dĩinẽ wã la a dũni wã.
7. Sẽn be sãri wã bãngrẽ yaa tɩpgã yẽgã la tɩpgã kõbgo, wala sẽn wa sɩɩdẽ wã la ka-sabεllẽ wã.
8. Wilgda sãri wã bʋʋd sẽn tigim yam bedrã, la a meeme tɩ b tus sãangã n base, la b bao bũmb sẽn yaa sõma.