Hadith: Tsy misy zavatra fenoin'ny Olombelona ratsy mihoatra ny kibony. Ampy ny Olombelona sakafo vitsivitsy afaka mampitraka ny hazon-damosiny. Saingy raha tsy vitany mihitsy, dia aoka ary ny ampahatelony ho an'ny sakafony, ampahatelony ho an'ny fisotrony, ary ampahatelony ho an'ny rivotra iainany

عَنْ المِقْدَامِ بْنِ مَعْدِي كَرِبَ رَضِيَ اللَّهُ عَنْهُ قَالَ: سَمِعْتُ رَسُولَ اللهِ صَلَّى اللَّهُ عَلَيْهِ وَسَلَّمَ يَقُولُ:
«مَا مَلأَ آدَمِيٌّ وِعَاءً شَرًّا مِنْ بَطْنٍ، بِحَسْبِ ابْنِ آدَمَ أَكَلاَتٌ يُقِمْنَ صُلْبَهُ، فَإِنْ كَانَ لَا مَحَالَةَ، فَثُلُثٌ لِطَعَامِهِ، وَثُلُثٌ لِشَرَابِهِ، وَثُلُثٌ لِنَفَسِهِ».
[صحيح] - [رواه الإمام أحمد والترمذي والنسائي وابن ماجه] - [الأربعون النووية: 47]

Tatitra azo tamin'i Al-Mikidam Ibn Man'di Karib (R.A) niteny : Izaho nandre an'ny Mpaminany (S.A.W) niteny hoe :
Tsy misy zavatra fenoin'ny Olombelona ratsy mihoatra ny kibony. Ampy ny Olombelona sakafo vitsivitsy afaka mampitraka ny hazon-damosiny. Saingy raha tsy vitany mihitsy, dia aoka ary ny ampahatelony ho an'ny sakafony, ampahatelony ho an'ny fisotrony, ary ampahatelony ho an'ny rivotra iainany.
[Mari-pototra] - [رواه الإمام أحمد والترمذي والنسائي وابن ماجه] - [الأربعون النووية - 47]

Ny fanazavana

Ny Mpaminany (S.A.W) dia mitarika Antsika amin'iray amin'ireo fototry ny fitsaboana, dia ny fisorohana izay iarovan'ny Olona ny fahasalamany, izay mampihena ny fomba fihinanana sakafo. Ka ny tsirairay dia tokony hihinana araka izay mety hahavoky Azy manoloana ny hanoanana, ka izany dia lasa hanome Azy hery hanatanterahana ny asa rehetra izay ilaina. Ny vavony no tena tsy maintsy fenoina, noho ny aretina mahafaty tsy tambo isaina vokatry ny fahavokisana diso tafahoatra, na ho ela na ho haingana, na anatiny na ivelany. Avy eo dia hoy ny Irakan'i Tompo Allah nanao hoe : Raha tsy maintsy voky ny Olona iray, dia aoka izy hamatra ny ampahatelon'ny sakafony, sy ny ampahatelon'ny fisotrony, ary ny ampahatelon'ny fofonainy, mba tsy ho voky loatra, na harary, na kamo amin'ny fanatanterahana izay nandidian'i Tompo Allah Azy amin'ny raharaha ara-pivavahana na amin'izao tontolo izao.

Lesona azo avy amin'ny Hadith

1. Aza manaram-po amin’ny fihinanana sy ny fisotroana diso tafahoatra. Ity dia fitsipika feno izay mahafeno ny fitsipiky ny fitsaboana rehetra, Satria miteraka aretina sy zava-dratsy ny fihinanana diso tafahoatra loatra.
2. Ny tanjona amin’ny fihinanana dia ny fitandroana ny fahasalamana sy ny tanjaka, izay fototry ny fiainana.
3. Ny famenoana sakafo ny vavony dia miteraka fahavoazana ara-batana sy ara-pivavahana. Hoy i Omar (R.A) : “ Tandremo ny fihinanana diso tafahoatra, fa izany dia manimba ny vatana sy mampalaina amin'ny fanatanterahana ny vavaka.”
4. Ny fihinanana, araka ny didy, dia mizara ho sokajy toy izao : tsy maintsy atao Obligatoara ny misakafo, satria izany no ahafahana mitazona ny aina fa ny fandavana izany kosa dia miteraka loza sy fahavoazana amin'ny aina sy vatana. Ny Azo atao, izay mihoatra ny vola sy ny entimanana tsy maintsy atao ary tsy atahorana amin'ny loza. Ny tsy tsara, izay atahorana fa mety hanimba. Ny Voarara, izay fantatra fa tena manimba. Ary ny Atolotra, izay hita fa manampy amin'ny fanompoam-pivavahana sy ny fankatoavana an'i Tompo Allah. Izany dia voafintina ao amin'ny Hadith amin'ny ambaratonga telo : Voalohany : mameno ny vavony. Faharoa: Sakafo na sombi-mofo manatanjaka ny lamosina fotsiny. Fahatelo : Ny teniny hoe : " Ny ampahatelony ho an'ny haniny, ny ampahatelony hosotroiny, ary ny ampahatelony ho an'ny fofonainy." Izany rehetra izany dia mihatra raha azo atao ny karazana sakafo.
5. Ny Hadith dia fitsipika momba ny fitsaboana, ary satria ny siansa momba ny fitsaboana dia mifototra amin'ny fitsipika telo : ny fitazonana hery, ny sakafo ary ny fandoavana, ny Hadith dia ahitana ny roa voalohany amin'izy ireo, toy ny ao amin'ny tenin'ny Tompo avo Tsitoha manao hoe : "Ary mihinàna sy misotroa, fa aza mihoa-pefy. Eny tokoa, tsy tiany ireo izay manao tafahoatra Izy ". [Al-An’rafy : 31]
6. Ny fahafenoan'ity lalàna ity dia ahitana ny tombontsoan'ny Olona amin'ny fivavahany sy ny fiainany amin'izao tontolo izao.
7. Anisan'ny siansa ny fitsipiky ny fitsaboana sy ny karazany maro samy hafa, araka ny voalaza ao amin'ny tantely sy voa mainty.
8. Ny fahafenoany fepetran'ny lalàna dia mirakitra fahendrena ary mifototra amin'ny fisorohana ny fahavoazana sy ny fahazoana tombontsoa.