Hadith: ហើយខ្ញុំ គឺ ហ្ទាំម៉ាម ពិន សាក់ឡើហ្ពះ ជាបងប្អូនអម្បូរសាអាត់ ពិន ហ្ពាកើរ។

عن أَنَسَ بْنَ مَالِكٍ رضي الله عنه قال:
بينما نحن جلوس مع النبي صلى الله عليه وسلم في المسجد دخل رجل على جمل، فأناخه في المسجد ثم عقله، ثم قال لهم: أيكم محمد؟ والنبي صلى الله عليه وسلم متكئ بين ظهرانيهم، فقلنا: هذا الرجل الأبيض المتكئ. فقال له الرجل: يا ابن عبد المطلب فقال له النبي صلى الله عليه وسلم: «قد أجبتك». فقال الرجل للنبي صلى الله عليه وسلم: إني سائلك فمشدد عليك في المسألة، فلا تجد علي في نفسك؟ فقال: «سل عما بدا لك» فقال: أسألك بربك ورب من قبلك، آلله أرسلك إلى الناس كلهم؟ فقال: «اللهم نعم». قال: أنشدك بالله، آلله أمرك أن نصلي الصلوات الخمس في اليوم والليلة؟ قال: «اللهم نعم». قال: أنشدك بالله، آلله أمرك أن نصوم هذا الشهر من السنة؟ قال: «اللهم نعم». قال: أنشدك بالله، آلله أمرك أن تأخذ هذه الصدقة من أغنيائنا فتقسمها على فقرائنا؟ فقال النبي صلى الله عليه وسلم: «اللهم نعم». فقال الرجل: آمنت بما جئت به، وأنا رسول من ورائي من قومي، وأنا ضمام بن ثعلبة أخو بني سعد بن بكر.
[صحيح] - [متفق عليه] - [صحيح البخاري: 63]

អំពី អាណាស ពិន ម៉ាលិក رضي الله عنه បាននិយាយថា៖
ក្នុងពេលដែលពួកយើងអង្គុយជាមួយណាពី ﷺ ក្នុងម៉ាស្ជិត មានបុរសម្នាក់ជិះសត្វអូដ្ឋចូលមក ហើយគេក៏បានឲ្យអូដ្ឋនោះលុតជង្គង់ចុះ រួចក៏បានចងសត្វអូដ្ឋនោះ។ បន្ទាប់មក បុរសនោះក៏សួរពួកគេថា៖ តើនរណាម្នាក់ក្នុងចំណោមពួកអ្នកជាមូហាំម៉ាត់? ខណៈនោះ ណាពី ﷺ កំពុងតែទម្រេតខ្លួននៅក្នុងចំណោមពួកគេ។ ពេលនោះ ពួកយើងបានឆ្លើយថា៖ គឺបុរសសម្បុរសដែលនៅទម្រេតខ្លួននេះ។ បុរសនោះក៏បាននិយាយទៅកាន់លោកថា៖ ឱកូនប្រុសរបស់អាប់ទុលមូតល់ឡឹប! ណាពី ﷺ បានតបទៅបុរសនោះវិញថា៖ “ខ្ញុំពិតជាឆ្លើយតបនឹងអ្នក”។ ពេលនោះ បុរសនោះក៏បាននិយាយទៅកាន់ណាពី ﷺ ថា៖ ខ្ញុំនឹងសួរអ្នកនូវសំណួរមួយដែលពិបាកសម្រាប់អ្នក ដូច្នេះកុំខឹងនឹងខ្ញុំ។ លោកបានឆ្លើយថា៖ “ចូរអ្នកសួរមកចុះនូវអ្វីដែលអ្នកចង់”។ បុរសនោះបាននិយាយថា៖ ខ្ញុំសួរអ្នកក្នុងនាមម្ចាស់របស់អ្នក និងម្ចាស់អ្នកជំនាន់មុនអ្នក។ តើអល់ឡោះជាម្ចាស់បញ្ជូនអ្នកមកកាន់មនុស្សគ្រប់គ្នាឬ? លោកបានឆ្លើយថា៖ “ឱអល់ឡោះជាម្ចាស់! ពិតមែនហើយ”។ បុរសនោះបាននិយាយថា៖ ខ្ញុំសូមសួរអ្នកក្នុងនាមអល់ឡោះ។ តើអល់ឡោះប្រើអ្នកឲ្យពួកយើងសឡាតក្នុងមួយថ្ងៃមួយយប់ប្រាំដងឬ? លោកបានឆ្លើយថា៖ “ឱអល់ឡោះជាម្ចាស់! ពិតមែនហើយ”។ បុរសនោះបាននិយាយថា៖ ខ្ញុំសួរអ្នកក្នុងនាមអល់ឡោះ។ តើអល់ឡោះប្រើអ្នកឲ្យពួកយើងបួសខែនេះ(ខែរ៉ម៉ាហ្ទន)ក្នុងមួយឆ្នាំឬ? លោកបានឆ្លើយថា៖ “ឱអល់ឡោះជាម្ចាស់! ពិតមែនហើយ”។ បុរសនោះបានបន្តថា៖ ខ្ញុំសួរអ្នកក្នុងនាមអល់ឡោះ។ តើអល់ឡោះប្រើអ្នកដកយកទាននេះ(ហ្សាកាត់)ពីអ្នកមាននៃពួកយើង រួចអ្នកបែងចែកវាទៅឲ្យអ្នកក្រនៃពួកយើងឬ? ណាពី សអវ លោកបានឆ្លើយថា៖ “ឱអល់ឡោះជាម្ចាស់! ពិតមែនហើយ”។ ពេលនោះ បុរសនោះក៏បាននិយាយថា៖ ខ្ញុំមានជំនឿចំពោះអ្វីដែលអ្នកនាំមកហើយ ហើយខ្ញុំ គឺជាអ្នកនាំសារអំពីក្រុមរបស់ខ្ញុំដែលនៅពីក្រោយខ្ញុំ។ ហើយខ្ញុំ គឺ ហ្ទាំម៉ាម ពិន សាក់ឡើហ្ពះ ជាបងប្អូនអម្បូរសាអាត់ ពិន ហ្ពាកើរ។
[صحيح] - [متفق عليه] - [صحيح البخاري - 63]

Explanation

អាណាស ពិន ម៉ាលិក رضي الله عنه បានរាយការណ៍ថា៖ ក្នុងពេលដែលសហាហ្ពាត់អង្គុយជាមួយណាពី ﷺ ក្នុងម៉ាស្ជិត ស្រាប់តែមានបុរសម្នាក់ជិះសត្វអូដ្ឋចូលមក ហើយគេក៏បានឲ្យវាលុតជង្គង់ចុះ រួចក៏បានចងសត្វអូដ្ឋនោះ។ បន្ទាប់មក បុរសនោះក៏សួរពួកគេថា៖ តើនរណាម្នាក់ក្នុងចំណោមពួកអ្នកជាមូហាំម៉ាត់? ខណៈនោះ ណាពី ﷺ កំពុងតែអង្គុយទម្រេតខ្លួននៅក្នុងចំណោមក្រុមសហាហ្ពាត់។ ពេលនោះ ពួកយើងបានឆ្លើយថា៖ គឺបុរសសម្បុរសដែលអង្គុយទម្រេតខ្លួននេះ។ បុរសនោះក៏បាននិយាយទៅកាន់លោកថា៖ ឱកូនប្រុសរបស់អាប់ទុលមូតល់ឡឹប! ណាពី ﷺ បានតបទៅបុរសនោះវិញថា៖ ខ្ញុំឮអ្នកហើយ។ សូមអ្នកសួរមកចុះ ខ្ញុំនឹងឆ្លើយនឹងសំណួរអ្នក។ ពេលនោះ បុរសនោះក៏បាននិយាយទៅកាន់ណាពី ﷺ ថា៖ ខ្ញុំនឹងសួរអ្នកនូវសំណួរដែលពិបាកសម្រាប់អ្នក ដូច្នេះកុំខឹងនឹងខ្ញុំ។ ពោលគឺមានន័យថា៖ សូមអ្នកកុំខឹង ហើយកុំអាក់អន់ចិត្តនឹងខ្ញុំ។ លោកបានមានប្រសាសន៍ថា៖ ចូរអ្នកសួរមកចុះនូវអ្វីដែលអ្នកចង់ដឹង។ បុរសនោះបាននិយាយថា៖ ខ្ញុំសួរអ្នកក្នុងនាមម្ចាស់របស់អ្នក និងម្ចាស់នៃអ្នកជំនាន់មុនអ្នក។ តើអល់ឡោះជាម្ចាស់បញ្ជូនអ្នកមកកាន់មនុស្សលោកទាំងអស់ឬ? ពេលនោះ លោកបានឆ្លើយថា៖ ឱអល់ឡោះជាម្ចាស់! ពិតមែនហើយ។ លោកមានប្រសាសន៍ដូចនេះដើម្បីបញ្ជាក់ពីសច្ចៈភាពរបស់លោក។ បុរសនោះបាននិយាយថា៖ ខ្ញុំសូមសួរអ្នកក្នុងនាមអល់ឡោះ។ តើអល់ឡោះប្រើអ្នកឲ្យពួកយើងសឡាតក្នុងមួយថ្ងៃមួយយប់ប្រាំដងឬ? ពោលគឺសំដៅលើសឡាតដែលជាកាតព្វកិច្ច។ លោកបានឆ្លើយថា៖ ឱអល់ឡោះជាម្ចាស់! ពិតមែនហើយ។ បុរសនោះបាននិយាយថា៖ ខ្ញុំសួរអ្នកក្នុងនាមអល់ឡោះ។ តើអល់ឡោះប្រើអ្នកឲ្យពួកយើងបួសខែនេះក្នុងមួយឆ្នាំឬ? ពោលគឺសំដៅលើខែរ៉ម៉ាហ្ទន។ លោកបានឆ្លើយថា៖ ឱអល់ឡោះជាម្ចាស់! ពិតមែនហើយ។ បុរសនោះបានបន្តថា៖ ខ្ញុំសួរអ្នកក្នុងនាមអល់ឡោះ។ តើអល់ឡោះប្រើអ្នកដកយកទាននេះពីអ្នកមាននៃពួកយើង រួចអ្នកបែងចែកវាទៅឲ្យអ្នកក្រនៃពួកយើងឬ? ពោលគឺសំដៅលើហ្សាកាត់។ ណាពី ﷺ លោកបានឆ្លើយថា៖ ឱអល់ឡោះជាម្ចាស់! ពិតមែនហើយ។ នៅពេលនោះ បុរសនោះ ក៏បានចូលឥស្លាម ហើយរូបគេបានប្រាប់ណាពី ﷺ ថា ពិតណាស់ រូបគេនឹងអំពាវនាវក្រុមរបស់ខ្លួនឲ្យចូលឥស្លាមផងដែរ។ បន្ទាប់មក បុរសនោះបានណែនាំខ្លួនឯងថា រូបគេគឺ ហ្ទាំម៉ាម ពិន សាក់ឡើហ្ពះ ជាបងប្អូនអម្បូរសាអាត់ ពិន ហ្ពាកើរ។

Benefits from the Hadith

1. ការដាក់ខ្លួនរបស់ណាពី ﷺ រហូតដល់បុរសនោះមិនអាចបែងចែករវាងរូបលោក និងសហាហ្ពាត់របស់លោក(ដែលនៅជាមួយគ្នា)បាន។
2. សីលធម៌ដ៏ប្រពៃរបស់ណាពី ﷺ និងភាពទន់ភ្លន់របស់លោកក្នុងការតបទៅកាន់អ្នកសួរ។ ពិតណាស់ ការឆ្លើយតបដ៏ល្អ ក៏ជាមូលហេតុមួយដែលធ្វើឲ្យអ្នកសួរទទួលយកការអំពាវនាវផងដែរ។
3. អនុញ្ញាតឲ្យណែនាំខ្លួនបុគ្គលណាម្នាក់តាមរយៈលក្ខណៈរបស់គេ ដូចជា សម្បុរសឬក្រហម ខ្ពស់ឬទាបជាដើមដែលពុំមែននិយាយក្នុងបំណងនិយាយបង្អាប់ ប្រសិនបើអ្នកនោះមិនប្រកាន់។
4. អនុញ្ញាតឲ្យអ្នកមិនមែនមូស្លីម(កាហ្វៀរ)ចូលក្នុងម៉ាស្ជិតក្នុងករណីចាំបាច់។
5. គេមិនបានលើកឡើងពីការធ្វើហាជ្ជីក្នុងហាទីស្ហខាងលើនេះ ពីព្រោះអាចដោយសារតែក្នុងពេលនោះ ហាជ្ជីមិនទាន់ត្រូវបានគេដាក់កាតព្វកិច្ចនៅឡើយ។
6. ការយកចិត្តទុកដាក់របស់សហាហ្ពាត់ក្នុងការអំពាវនាវមនុស្ស ដោយគ្រាន់តែរូបគេចូលឥស្លាមភ្លាម គឺគេយកចិត្តទុកដាក់លើការអំពាវនាវក្រុមរបស់ខ្លួនភ្លាម។