Hadith: Jiwandichile ndawi janti chikusimanikwa mundu jutachiwaga chitamile pa chitengu chakwe nikumsimana nganijakuma kwa une nikuwechetaga kuti: sikati jetu ni sikati jenu tukwete buku ja Qur'an jakutujilanya pa ikandu yatutindene

عن المقدام بن معدِيْكَرِب رضي الله عنه قال: قال رسول الله صلى الله عليه وسلم:
«أَلَا هَلْ عَسَى رَجُلٌ يَبْلُغُهُ الْحَدِيثُ عَنِّي وَهُوَ مُتَّكِئٌ عَلَى أَرِيكَتِهِ فَيَقُولُ: بَيْنَنَا وَبَيْنَكُمْ كِتَابُ اللهِ، فَمَا وَجَدْنَا فِيهِ حَلَالًا اسْتَحْلَلْنَاهُ، وَمَا وَجَدْنَا فِيهِ حَرَامًا حَرَّمْنَاهُ، وَإِنَّ مَا حَرَّمَ رَسُولُ اللهِ صَلَّى اللهُ عَلَيْهِ وَسَلَّمَ كَمَا حَرَّمَ اللهُ».
[صحيح] - [رواه أبو داود والترمذي وابن ماجه] - [سنن الترمذي: 2664]

Ngani jikupitila kwa Miqdad -mwanache jwa Ma'adi Karb- Mlungu asangalale najo juwatite kuti: Mtume jwa Mlungu -chanasa ni utendele wa Mlungu iwe pa Mtumejo watite:
"Jiwandichile ndawi janti chikusimanikwa mundu jutachiwaga chitamile pa chitengu chakwe nikumsimana nganijakuma kwa une nikuwechetaga kuti: sikati jetu ni sikati jenu tukwete buku ja Qur'an jakutujilanya pa ikandu yatutindene, yatuisimene mu Qur'an mu yakundisye Mlungu, nowe tuitende kuwa yakundisidwa, soni yatuisimine mu Qur'an kuwa yailekasidwe, nowe wakwe tuitende kuwa yailekasidwe, nditu ikandu yawalekasisye Mtume jwa Mlungu -chanasa ni utendele wa Mlungu iwe pa jwelejo-, iwele yakulandana ni yawalekasisye Mlungu".
[صحيح] - [رواه أبو داود والترمذي وابن ماجه] - [سنن الترمذي - 2664]

Explanation

Mtume-chanasa ni utendele wa Mlungu ijale kwa jwalakwejo-asasile kuti jiwandichile ndawi janti likupatikana likuga lya wandu watachiwaga wane ali chitamile pa chitengu chawo aku ali asamile mapilo gawo, nitijasimanaga ngani jakuti jityochele kwa Mtume -chanasa ni utendele wa Mlungu iwe pa jwelejo-, nikuwechetaga kuti: Buku jimpaka jitujilanye sikati jetu ni jenu manja mu ikandu yatukutindana ni Buku ja Qur'an jakuchimbichika, jikutukwanila, yatuisimene mu buku jelejo mu ikandu yakundisye Mlungu, tuikamulisyeje masengo, nikuti soni yatuipatile mwelemo mu ikandu yelekasidwe, tulitalikanganye nayo. Kaneko Mtume-chanasa ni utendele wa Mtuwe iwe pa jwelejo-,alongoswele kuti chindu chilichose chawalekasisye Mtumejo kapena kuchikanya kuti wandu akachipanganya kupitila mu nyendele syakwe,iwele yakulanda kumbali ja malamusi ni yalekasisye Mlungu mu buku jakwe(Qur'an; ligongo Mtumejo awele mkuwichisya utenga wa Mlungu jwakwe.

Benefits from the Hadith

1. Kusosekwa kwakuchimbichisya nyendele (itendo ya Mtume)sawu ikusati kachimbichisidwe buku ja Qur'an nikujikamulichisyaga masengo.
2. Kupikanila malamusi ga Mtume, yakuona yakwe nikuti ukukuya Mlungu. Kunyosya malamusi ga Mtume, yakuona yakwe nikuti ukunyosya Mlungu jwapenani.
3. Kusimichisika kwa umboni wakuma mu nyendele sya Mtume, nikwasisya wandu wakusakana nikukanila nyendele sya Mtume.
4. Mundu juchatindane ni nyendele sya Mtume, nikuliwilanjila kuti akukuya Qur'an pe basi, aimanye kuti akutindana ni yosopeyo (Qur'an ni Nyendele sya Mtume), nikuti jwelejo awele soni awele jwa unami pakuganisya kwakwe kuti akusajikuyaga Qur'an.
5. Mu maumboni gane gakulochesya ya utume wakwe Mtume-chanasa ni utendele ijale kwa jwalakwejo- ni kusala kwakwe kuti chanti tichitendekwa msogolo, nikutendekwadi sawu yawatite kasale.