Hadith: Ee mwe Mtume jwa Mlungu, une nganindeka sambi jine jilijose jamwana nanta muno jekulungwa nakaweje kuti najitesile".Ni Mtume watite kuti : "Ana ngawa mwe mwaichile umboni kuti pangali jwine jwakutindiwalidwa mwa chakuona niyikaweje Mlungu jumope basi nikuti soni Muhammad awele Mtume jwa Mlungu?

عَنْ أَنَسٍ رضي الله عنه قَالَ:
جَاءَ رَجُلٌ إِلَى النَّبِيِّ صَلَّى اللهُ عَلَيْهِ وَسَلَّمَ فَقَالَ: يَا رَسُولَ اللهِ، مَا تَرَكْتُ حَاجَّةً وَلَا دَاجَّةً إِلَّا قَدْ أَتَيْتُ، قَالَ: «أَلَيْسَ تَشْهَدُ أَنْ لَا إِلَهَ إِلَّا اللهُ وَأَنَّ مُحَمَّدًا رَسُولُ اللهِ؟» ثَلَاثَ مَرَّاتٍ. قَالَ: نَعَمْ، قَالَ: «فَإِنَّ ذَلِكَ يَأْتِي عَلَى ذَلِكَ».
[صحيح] - [رواه أبو يعلى والطبراني والضياء المقدسي] - [الأحاديث المختارة للضياء المقدسي: 1773]

Ngani jikupitila kwa Anas-Mlungu asangalale nawo-wawatite kuti:
Mundu jwine jwawiche kwa Mtume-chanasa ni utendele wa Mlungu ijaule kwa Mtumejo-ni watite kuti:"Ee mwe Mtume jwa Mlungu, une nganindeka sambi jine jilijose jamwana nanta muno jekulungwa nakaweje kuti najitesile".Ni Mtume watite kuti : "Ana ngawa mwe mwaichile umboni kuti pangali jwine jwakutindiwalidwa mwa chakuona niyikaweje Mlungu jumope basi nikuti soni Muhammad awele Mtume jwa Mlungu?Mtume jwawechete katatu malowe gelega.Mundu jula jwajitiche kuti: elo isyene. Mtume wawechete kuti: "Malowe gelego tigasimasya sambi syelesyo".
[صحيح] - [رواه أبو يعلى والطبراني والضياء المقدسي] - [الأحاديث المختارة للضياء المقدسي - 1773]

Explanation

Mundu jwine jwawiche kwa Mtume-chanasa ni utendele wa Mlungu iwe pa Mtumejo-mundujo ni jwatite kuti : Ee mwe Mtume jwa Mlungu! nditu une mbanganyisye sambi ni ilewi yosope,pangali sambi ja mwana nantamuno jajikulungwa janajilesile nakaweje kuti najipangisye,ana mpaka ngululuchidwe ilewi yangu? Ni Mtume-chanasa ni utendele wa Mlungu iwe pa jwelejo-wawechete kwa mundujo kuti : Ana mwe ngawa mkusawichila umboni kuti pangali jwine jwakuwajilana kupopeledwa mwa chakuonadi ni ikaweje Mlungu jumope basi nikuti soni Muhammad awele Mtume jwakwe? wam'bwilichisye mundujo malowe gelega katatu. Ni mundujo wamjanjile Mtume kuti : E, ngusawichila umboni. Ni Mtume-chanasa ni utendele wa Mlungu iwe pa Mtumejo-wansalile ya umbone wa malowe gakuwichila umboni ya ujikape wa Mlungu pakuwajilwa kupopeledwa ni kulupilila ya utume wa Muhammad, ni yanti malowe galega gasasimasya sambi siwatesile mundu mu nyuma mwakwe, nikuti soni kuwujila kwampaka aujile mundu mwa Mlungu,ikusasimasya ilewi yawatesile mu nyuma mwakwe.

Benefits from the Hadith

1. Ukulu wa malowe gawili gakuwichila umboni ya ujikape wa Mlungu ni utume wa Muhammad, ni kusitopa kwakwe kuposa sambi kwa mundu jwawechete ni mtima wakuona.
2. Chisilamu chikusasimasya ilewi yakalakala.
3. Kuwujila kwa Mlungu ni mtima usyesyene, ikusasimasya ilewi yakalakala.
4. Kuwilisya pa kwiganya-chiwele chijiganyo cha Mtume-chanasa ni utendele wa Mlungu iwe pa Mtumejo.
5. Umbone wa malowe gakuwichila umboni ya ujikape wa Mlungu ni utume wa Muhammad, nikuti iwiliyi liwele ligongo lyakuja kulupuchila kuti ukajakutama ku Moto umi osope.