Hadith: nditu yakuwajilwana Mlungu kutendeledwa ni wandu ni kuti wanduwo ampopeleje Mlungu jikape pali pangali kumphwatikanya ni chilichose. Sano yakuwajilana Mlungu kwatendela achikapolo naga ali atesile yakuwajilana kumtendela Mlungu, nikuti akaja kwapa ilagasyo wawaji ali mkakum'pwatikanya Mlungu ni ikandu ine

عَنْ مُعَاذٍ رَضِيَ اللَّهُ عَنْهُ، قَالَ:
كُنْتُ رِدْفَ النَّبِيِّ صَلَّى اللهُ عَلَيْهِ وَسَلَّمَ عَلَى حِمَارٍ يُقَالُ لَهُ عُفَيْرٌ، فَقَالَ: «يَا مُعَاذُ، هَلْ تَدْرِي حَقَّ اللَّهِ عَلَى عِبَادِهِ، وَمَا حَقُّ العِبَادِ عَلَى اللَّهِ؟»، قُلْتُ: اللَّهُ وَرَسُولُهُ أَعْلَمُ، قَالَ: «فَإِنَّ حَقَّ اللَّهِ عَلَى العِبَادِ أَنْ يَعْبُدُوهُ وَلا يُشْرِكُوا بِهِ شَيْئًا، وَحَقَّ العِبَادِ عَلَى اللَّهِ أَنْ لا يُعَذِّبَ مَنْ لا يُشْرِكُ بِهِ شَيْئًا»، فَقُلْتُ: يَا رَسُولَ اللَّهِ أَفَلاَ أُبَشِّرُ بِهِ النَّاسَ؟ قَالَ: «لا تُبَشِّرْهُمْ، فَيَتَّكِلُوا».
[صحيح] - [متفق عليه] - [صحيح البخاري: 2856]

Ngani jikupitila kwa Muadh -Mlungu asangalale nawo,wawawechete kuti:
Naliji kunyuma kwa Mtume -chanasa ni utendele wa Mlungu ijaule kwa jwalakwejo- pa chakwela chakuwilanjidwa kuti ufairu, ni Mtume jwatite kuti: "Eee m'mwe Muadh, ana nkumanyilila yakusachikwa kuti Mlungu atendeledwe ni wandu,nambo soni yakuti Mlungu watendele wandu? ni nawechete kuti: Mlungu ni Mtume jwakwe ni wakumanyilila, ni Mtume jwatite kuti: "nditu yakuwajilwana Mlungu kutendeledwa ni wandu ni kuti wanduwo ampopeleje Mlungu jikape pali pangali kumphwatikanya ni chilichose. Sano yakuwajilana Mlungu kwatendela achikapolo naga ali atesile yakuwajilana kumtendela Mlungu, nikuti akaja kwapa ilagasyo wawaji ali mkakum'pwatikanya Mlungu ni ikandu ine". Ni nawechete kuti: mwe Mtume jwa Mlungu! ana ngani jeleji ngasangalasye najo wandu? Mtume watite kuti: "iyayi, mkasimwasangalasya ni ngani jeleji, pakogopela kuti tajegamile mu yele peyo nikuleka kamula masengo."
[صحيح] - [متفق عليه] - [صحيح البخاري - 2856]

Explanation

Mtume -chanasa ni utendele wa Mlungu ijale kwa jwalakwejo-akulongosola yakuwajilana achikapolo kumtendela Mlungu, nambo soni yakusosekwa kuti achikapolo atendeledwe ni Mlungu. Nikuti, yakusosekwa achikapolo kumtendela Mlungu nikumpopela Mlungu jumope nikuwambalaga kumphwatikanya ni ikandu ine. Nikuti yakusosekwa Mlungu kwatendela achikapolo naga atesile yakusosekwa kumtendela Mlungu, nikuti Mlungu akajakwapa ilagasyo wandu wawaji ali kakumphwatikanya Mlungujo ni ikandu ine. Kaneko Muadh niwatite kuti: mwe Mtume jwa Mlungu! ana yeleyi ngamanyisye wandu kuti asangalale ni ngani jamboneji nikusangalasyana ni yamboneyi? Ni Mtume -chanasa ni utendele wa Mlungu iwe pa jwelejo- walekasisye kuti iyayi, pakogopela kuti wandu tachijegamila mwa yalakweyope basi nikuleka kamula masengo.

Benefits from the Hadith

1. Kulogosola yakusachikwa kumtendela Mlungu mu ikandu yawaitesile kuwa yakuchisidwa kwa achikapolo wakwe, kwakuli kumpopela jwalakwejo jikape, ni kuwambala kumphwatikanya Mlungujo ni kane kalikose.
2. Kulongosola yakusosekwa Mlungu kwatendela achikapolo wakwe, mu ikandu yanti Mlungu waitesile kuwa yakanganichisidwa pa msyenejo mtando wa umbone ni chanasa chakuma kwa Mlungujo, kwakuli kwajinjisya ku mbepo achikapolo ningajakwapa ilagasyo.
3. Mu ngani jeleji, mwana chisangalasyo chachikulungwa kwa wandu wakumpopela Mlungu jumope, wandu wakusawa ali mkakum'bwanganya Mlungu ni kalikose, yanti malo gatakawichile ni ku mbepo.
4. Ngani jeleji,Muadhi wasalile wandu mkanawe kuwa; pakogopela gwila mu sambi syakusisa majiganyo.
5. Kutetela yakogoya kwakwenesya sine mwa ngani sya Mtume kwa wandu wane, pa kwajogopela wandu wangamanyilila ngopolelo syakwe; mu ngani syanti mwangali yakwayana kulamulila yakamula, masengo nambo soni mwangalimo lilamusi lyakupeleka chibalo mu ibalo ya malamusi ga chisilamu.
6. Wandu wakulemwa mwa wandu wangamphwatikanya Mlungu ni indu ine, takawe pasi pa lisosa lya Mlungu, naga akasache takape ilagasyo, soni naga akasache takakululuchile,kaneko malo gawo gakuja kuwichila lyuwa lya mbesi niku mbepo.