Hadith: Mundu jumpaka chimpate chiwa ali jwangamphwatikanya Mlungu ni ichindu ine, takajinjile ku mbepo,nambo soni mundu jumpaka chimsimane chiwa ali kumphwatikanya Mlungu ni ichindu ine, takajinjile kumoto

عَنْ جَابِرٍ رضي الله عنه قَالَ:
أَتَى النَّبِيَّ صَلَّى اللهُ عَلَيْهِ وَسَلَّمَ رَجُلٌ فَقَالَ: يَا رَسُولَ اللهِ، مَا الْمُوجِبَتَانِ؟ فَقَالَ: «مَنْ مَاتَ لَا يُشْرِكُ بِاللهِ شَيْئًا دَخَلَ الْجَنَّةَ، وَمَنْ مَاتَ يُشْرِكُ بِاللهِ شَيْئًا دَخَلَ النَّارَ»
[صحيح] - [رواه مسلم] - [صحيح مسلم: 93]

Ngani jikupitila kwa Jabir -Mlungu asangalale nawo watite kuti:
Mundu jwine jwapite kwa Mtume -chanasa ni utendele wa Mlungu ijale kwa jwalakwejo-, niwatite kuti: mwe Mtume jwa Mlungu, ana ichindu yachi iwili yambone ni yakusakala yampaka ikamjinjisye mundu ku mbepo niku moto? Ni Mtume jwatite kuti:"Mundu jumpaka chimpate chiwa ali jwangamphwatikanya Mlungu ni ichindu ine, takajinjile ku mbepo,nambo soni mundu jumpaka chimsimane chiwa ali kumphwatikanya Mlungu ni ichindu ine, takajinjile kumoto".
[صحيح] - [رواه مسلم] - [صحيح مسلم - 93]

Explanation

Mundu jwine wam'busisye Mtume jwa Mlungu -chanasa ni utendele wa Mlungu iwe pa jwelejo- yakusana ichindu iwili: chakumtendesya mundu kwinjila ku mbepo, nambo soni chakuja kumjinjisya ku moto? Mtume-chanasa ni utendele wa Mlungu iwe pa jwelejo-ni wamjanjile kuti: Chindu chikamtendesye mundu kwinjila ku mbepo, nikuti mundujo tichimpate chiwa ali mkupopela Mlungu jumo nikuwambalaga kumphwatikanya Mlungujo ni chilichose. Chindu chikamtendekasye mundu kujakwinjila ku moto, nikuti mundu naga chimpate chiwa ali kumphwatikanya Mlungu ni ikandu ine, nikum'bichilaga Mlungu jwakulandana najo pakuwajilwana kwakwe kupopeledwa, kapena mu itendo yakwe kapena mu mena ni mbili syakwe.

Benefits from the Hadith

1. Umbone wakulupilila ujikape wa Mlungu nikuti mundu juchimsimane chiwa ali jwakulupilila mwa Mlungu jumo nikuwambalaga kumphwatikanya Mlungu ni kalikose, takajinjile ku mbepo.
2. Kogoya kwakumphwatikanya Mlungu ni ichindu ine, nikuti mundu jwatichimpate Chiwa ali jwakumpwatikanya Mlungu ni ichindu ine, takajinjile ku Moto.
3. Wandu watachiwa ali wakutenda ya sambi nambo ali wandu wakulupilila ujikape wa Mlungu, takawe pasi pa lisosa lya Mlungu lyuwa lya mbesi, naga Mlungu akasache takape ilagasyo, nambo soni naga akasache takakululuchile, kaneko malo gakujakuwichila kukawe ku mbepo.