ဟဒီးဆ်: မည်သူမဆို အလ္လာဟ်အရှင်မြတ်နှင့် တစ်စုံတစ်ရာကို ယှဉ်တွဲကိုးကွယ်ခြင်း မပြုပဲ သေဆုံးခဲ့ပါက ဂျန္နသ် သုခဘုံသို့ဝင်ရောက်ရမည်။

عَنْ جَابِرٍ، قَالَ: أَتَى النَّبِيَّ صَلَّى اللهُ عَلَيْهِ وَسَلَّمَ رَجُلٌ فَقَالَ: يَا رَسُولَ اللهِ، مَا الْمُوجِبَتَانِ؟ فَقَالَ: «مَنْ مَاتَ لَا يُشْرِكُ بِاللهِ شَيْئًا دَخَلَ الْجَنَّةَ، وَمَنْ مَاتَ يُشْرِكُ بِاللهِ شَيْئًا دَخَلَ النَّارَ»
[صحيح] - [رواه مسلم]

ဂျာဗိရ် (ရဿွိယလ္လာဟုအန်ဟု)က ဆင့်ပြန်ခဲ့သည်။ ပုဂ္ဂိုလ်တစ်ဦးသည် တမန်တော်မြတ် (ဆွလ္လာဟုအလိုင်ဟိဝစလ္လမ်)ထံ လာရောက်၍ အို- အလ္လာဟ်အရှင်မြတ်၏ ရစူလ်တမန်တော် (ဂျန္နသ်နှင့် ဂျဟန္နမ်) ဝါဂျိဗ် ထိုက်စေမည့် အချက်နှစ်ချက်မှာ အဘယ်အရာပါနည်းဟု လျှောက်ထားမေးမြန်းခဲ့သည်။ ထိုအခါ ကိုယ်တော်က မိန့်ကြားတော်မူသည်မှာ- မည်သူမဆို အလ္လာဟ်အရှင်မြတ်နှင့် တစ်စုံတစ်ရာကို ယှဉ်တွဲကိုးကွယ်ခြင်းမပြုပဲ သေဆုံးခဲ့ပါက ဂျန္နသ် သုခဘုံသို့ဝင်ရောက်ရမည်။ မည်သူမဆို အလ္လာဟ်အရှင်မြတ်နှင့် တစ်စုံတစ်ရာကို ယှဉ်တွဲကိုးကွယ်၍ သေဆုံးခဲ့ပါက ဂျဟန္နမ်ငရဲဘုံသို့ဝင် ရောက်ရမည်။
ဤဟဒီးဆ်သည် ဆွဟီးဟ် အဆင့်ရှိသည်။ - မွတ်စ်လင်မ်ကျမ်း။

ရှင်းလင်းချက်

ပုဂ္ဂိုလ်တစ်ဦးသည် တမန်တော်မြတ် (ဆွလ္လာဟုအလိုင်ဟိဝစလ္လမ်)ထံ လာရောက်၍ ဂျန္နသ်သုခဘုံရရှိရန် ဝါဂျိဗ်ထိုက်စေမည့်အချက်နှင့် ဂျဟန္နမ်ငရဲသို့ ကျရောက်ရန် ဝါဂျိဗ်ထိုက်စေမည့်အချက်တို့ကို လျှောက်ထားမေးမြန်းခဲ့သည်။ ဝါဂျိဗ်ထိုက်သည့်အချက်များဟူသည် အလ္လာဟ်အရှင်မြတ်က ဂျဟန္နမ်သို့ ကျရောက်စေရန် (ဝါဂျိဗ်)သတ်မှတ်ထားသော ကိစ္စများနှင့် ဂျန္နသ်သို့ ဝင်ရောက်စေရန် (ဝါဂျိဗ်) သတ်မှတ်ထားသည့် ကိစ္စများကိုဆိုလိုသည်။ ထို့ကြောင့် တမန်တော်မြတ် (ဆွလ္လာဟုအလိုင်ဟိဝစလ္လမ်)က ၎င်းအား ဖြေကြားတော်မူသည်မှာ - ဂျန္နသ် သုခဘုံသို့ဝင်ရောက်ရန် ဝါဂျိဗ် ဖြစ်စေသည့်အချက်မှာ လူတစ်ဦးသည် အလ္လာဟ်အရှင်မြတ်နှင့် တစ်စုံတစ်ရာကို ယှဉ်တွဲကိုးကွယ်ခြင်းမပြုပဲ သေဆုံးခြင်းဖြစ်ပြီး၊ ဂျဟန္နမ်ငရဲဘုံသို့ကျရောက်ရန် ဝါဂျိဗ် ဖြစ်စေသည့်အချက်မှာ လူတစ်ဦးသည် အလ္လာဟ်အရှင်မြတ်နှင့် တစ်စုံတစ်ရာကို ယှဉ်တွဲကိုးကွယ်၍ သေဆုံးခြင်းဖြစ်သည်။