عَنْ مُعَاذٍ رَضِيَ اللَّهُ عَنْهُ، قَالَ: كُنْتُ رِدْفَ النَّبِيِّ صَلَّى اللهُ عَلَيْهِ وَسَلَّمَ عَلَى حِمَارٍ يُقَالُ لَهُ عُفَيْرٌ، فَقَالَ: «يَا مُعَاذُ، هَلْ تَدْرِي حَقَّ اللَّهِ عَلَى عِبَادِهِ، وَمَا حَقُّ العِبَادِ عَلَى اللَّهِ؟»، قُلْتُ: اللَّهُ وَرَسُولُهُ أَعْلَمُ، قَالَ: «فَإِنَّ حَقَّ اللَّهِ عَلَى العِبَادِ أَنْ يَعْبُدُوهُ وَلا يُشْرِكُوا بِهِ شَيْئًا، وَحَقَّ العِبَادِ عَلَى اللَّهِ أَنْ لا يُعَذِّبَ مَنْ لا يُشْرِكُ بِهِ شَيْئًا»، فَقُلْتُ: يَا رَسُولَ اللَّهِ أَفَلاَ أُبَشِّرُ بِهِ النَّاسَ؟ قَالَ: «لا تُبَشِّرْهُمْ، فَيَتَّكِلُوا».
[صحيح] - [متفق عليه]
المزيــد ...

မုအာဇ်(ရဿွိယလ္လာဟုအန်ဟု)က ဆင့်ပြန်ခဲ့သည်။ ကျွန်တော်သည် မြည်းပေါ်တွင် တမန်တော်မြတ် (ဆွလ္လာဟုအလိုင်ဟိဝစလ္လမ်)၏နောက်မှ လိုက်ပါစီနင်းခဲ့သည်။ ထိုမြည်း၏နာမည်မှာ အုဖွိုင်းရ် ဖြစ်သည်။ ကိုယ်တော်က အို-မုအာဇ် အလ္လာဟ်အရှင်မြတ်နှင့် ပတ်သက်၍ အရှင်မြတ်၏ကျေးကျွန်များအပေါ်တွင်ရှိသည့်ဝတ္တရားနှင့် ကျေးကျွန်များနှင့် ပတ်သက်၍ အလ္လာဟ်အရှင်မြတ်အပေါ်တွင်ရှိသည့်ဝတ္တရားကို သင်သိပါသလားဟု မေးတော်မူသည်။ ကျွန်တော်က အလ္လာဟ်အရှင်မြတ်နှင့် အရှင့်ရစူလ်တမန်တော်သာ အသိဆုံးဖြစ်ပါသည်ဟု ဖြေကြားခဲ့သည်။ ထိုအခါ ကိုယ်တော်က မိန့်တော်မူသည်မှာ- ဧကန်မုချ အလ္လာဟ်အရှင်မြတ်နှင့် ပတ်သက်၍ ကျေးကျွန်များအပေါ်တွင်ရှိသည့်ဝတ္တရားမှာ ထိုအရှင်မြတ်ကိုသာ ခဝပ်ကိုးကွယ်ရန်နှင့် အရှင်မြတ်နှင့်အတူ မည်သည့်အရာကိုမျှ ယှဉ်တွဲကိုးကွယ်မှု မပြုရန်ဖြစ်သည်။ ကျေးကျွန်များနှင့် ပတ်သက်၍ အလ္လာဟ်အရှင်မြတ်အပေါ်တွင်ရှိသည့် ဝတ္တရားမှာ အရှင်မြတ်နှင့်အတူ မည်သည့်အရာကိုမျှ ယှဉ်တွဲကိုးကွယ်မှု မပြုသူအား အဇာဗ်ပြစ်ဒဏ်မပေးရန်ဖြစ်သည်။ထိုအခါ ကျွန်တော်က အို-အလ္လာဟ်အရှင်မြတ်၏ ရစူလ်တမန်တော် ဤသတင်းကို လူတို့အား ကျွန်တော်မျိုး ပြောပြရမည်လောဟု လျှောက်ထားမေးမြန်းခဲ့သည်။ ကိုယ်တော်က ၎င်းတို့အား မပြောပြလေနှင့် ပြောပြလိုက်လျှင် ထိုအပေါ်တွင်သာ မှီခိုအားထားပြီး(အမလ်ကျင့်ဆောင်မှု မပြုဘဲ) နေကြလိမ့်မည်ဟု မိန့်ကြားခဲ့သည်။
ဤဟဒီးဆ်သည် ဆွဟီးဟ် အဆင့်ရှိသည်။ - ဗုခါရီကျမ်းနှင့် မွတ်စ်လင်မ်ကျမ်း။

ရှင်းလင်းချက်

မုအာဇ် ဗင်န်ဂျဗလ်(ရဿွိယလ္လာဟုအန်ဟု)က ပြောပြခဲ့သည်။ ကျွန်တော်သည် အုဖွိုင်းရ် ဟုခေါ်သည့် မြည်းပေါ်တွင် တမန်တော်မြတ် (ဆွလ္လာဟုအလိုင်ဟိဝစလ္လမ်)၏နောက်မှ လိုက်ပါစီနင်းခဲ့သည်။ တမန်တော်မြတ် (ဆွလ္လာဟုအလိုင်ဟိဝစလ္လမ်)က မိန့်ကြားသည်မှာ- "c2">“အို-မုအာဇ် အလ္လာဟ်အရှင်မြတ်နှင့် ပတ်သက်၍ ကျေးကျွန်များအပေါ်တွင်ရှိသည့်ဝတ္တရားကို သိပါသလား” ဤသည် အလ္လာဟ်အရှင်မြတ်က ၎င်းတို့အပေါ် လိုက်နာရန် သတ်မှတ်ထားသည့် တာဝန်နှင့် ပတ်သက်၍ မေးမြန်းခြင်းဖြစ်သည်။ "c2">“ကျေးကျွန်များနှင့် ပတ်သက်၍ အလ္လာဟ်အရှင်မြတ်အပေါ်တွင်ရှိသည့်ဝတ္တရားကို သင်သိပါသလား” ဤသည် အလ္လာဟ်အရှင်မြတ်က ကျေးကျွန်တို့အား ကတိပြုထားသည့် အကျိုးကုသိုလ်နှင့်ပတ်သက်၍ မေးမြန်းခြင်းဖြစ်သည်။ အရှင်မြတ်၏ ကတိတော်သည် မှန်ကန်ပြီး၊ အရှင်မြတ်၏ မိန့်ကြားချက်သည်လည်း အမှန်ပင်ဖြစ်သည်။ ချို့ယွင်းမှု အပေါင်းမှကင်းစင်တော်မူသော အရှင်မြတ်သည် မိမိအလိုရှိသည့်အရာကို ရက်ရောစွာ ကျေးဇူးပြုသောအားဖြင့် မိမိအပေါ် မိမိ တာဝန်အဖြစ်သတ်မှတ်တော်မူသည်။ ထိုအခါ မုအာဇ်က အလ္လာဟ်အရှင်မြတ်နှင့် အရှင့်ရစူလ်တမန်တော်သာ အသိဆုံးဖြစ်ပါသည်ဟု ဖြေကြားခဲ့သည်။ ကိုယ်တော်မြတ် (ဆွလ္လာဟုအလိုင်ဟိဝစလ္လမ်)က မိန့်ကြားတော်မူသည်မှာ ဧကန်အမှန်ပင် အလ္လာဟ်အရှင်မြတ်နှင့် ပတ်သက်၍ ကျေးကျွန်များအပေါ်တွင်ရှိသည့်ဝတ္တရားမှာ ထိုအရှင်မြတ်တစ်ဆူတည်းကိုသာ ခဝပ်ကိုးကွယ်ရန်နှင့် အရှင်မြတ်နှင့်အတူ မည်သည့်အရာကိုမျှ ယှဉ်တွဲကိုးကွယ်မှု မပြုရန်ဖြစ်သည်။ ကျေးကျွန်များနှင့် ပတ်သက်၍ အလ္လာဟ်အရှင်မြတ်အပေါ်တွင်ရှိသည့် ဝတ္တရားမှာ အရှင်မြတ်နှင့်အတူ မည်သည့်အရာကိုမျှ ယှဉ်တွဲကိုးကွယ်မှုမပြုသည့် သောင်ဟီးဒ်တရားတော်ကို သက်ဝင်ယုံကြည်သူတို့အား အဇာဗ်ပြစ်ဒဏ်မပေးရန်ဖြစ်သည်။ ဤသည် ကျေးကျွန်များအပေါ် အလ္လာဟ်အရှင်မြတ်၏ ကျေးဇူးပြုမှုနှင့် မဟာကရုဏာတော်ပင်ဖြစ်သည်။ထိုအခါ မုအာဇ်က အို အလ္လာဟ်အရှင်မြတ်၏ ရစူလ်တမန်တော် အလ္လာဟ်အရှင်မြတ်နှင့်အတူ မည်သည့်အရာကိုမျှ ယှဉ်တွဲကိုးကွယ်မှုမပြုဘဲ ကွယ်လွန်သွားသူအား အရှင်မြတ်က ဂျန္နသ်သုခဘုံသို့ ဝင်ရောက်စေတော်မူမည့် သတင်းကောင်းကို လူတို့အား မပြောပြရဘူးလားဟု မေးလျှောက်ခဲ့သည်။ ထိုအခါ ကိုယ်တော်မြတ် (ဆွလ္လာဟုအလိုင်ဟိဝစလ္လမ်)က ၎င်းတို့ကို မပြောပြလေနှင့် ပြောပြလိုက်လျှင် အမလ်ကျင့်ဆောင်မှုမပြုဘဲနေကြလိမ့်မည်။၎င်းတို့သည် ထိုစကားပေါ်တွင်သာ မှီခိုအားထားကာ အမလ်ကျင့်ဆောင်မှုကို စွန့်လွှတ်လိုက်ကြမည်။ ထို့ကြောင့် အမလ်ကောင်းမှုများ ကြိုးစားဆောက်တည်ကြစေရန်အတွက် ၎င်းတို့အား ဤအတိုင်းပင်ထားလိုက်ပါဟု မိန့်ကြားတော်မူခဲ့သည်။

ဘာသာပြန်: အင်္ဂလိပ် ပြင်သစ် စပိန် တူရကီ အုရ်ဒူ အင်ဒိုနီးရှား ဘော့စနီးယား ဘင်္ဂလီ တရုတ် ဖါရစီ(ပါရှန်း) ဟင်ဒီ ဗီယက်နမ် ဆင်ဟာလီ ဝီဂါ ကာ့ဒ် ဟောက်ဆာ မလေးရာလမ် တေလဂူ ဆွာဟီလီ တမီးလ် ထိုင်း ဂျာမန် ပါရှ်တို အာသံ အယ်လ်ဘေးနီးယန် السويدية الأمهرية الهولندية الغوجاراتية
ဘာသာပြန်များကို ကြည့်ရှုရန်

ဟဒီးဆ်မှ သိမှတ်ဖွယ်ရာများ

  1. အလ္လာဟ်အရှင်မြတ်က မိမိ၏ကျေးကျွန်များအပေါ် လိုက်နာရန် သတ်မှတ်ထားသည့် အရှင်မြတ်နှင့်သက်ဆိုင်သည့် တာဝန်ကို ရှင်းလင်းတင်ပြထားသည်။ ၎င်းမှာ အလ္လာဟ်အရှင်မြတ်ကိုသာ ခဝပ်ကိုးကွယ်ရန်နှင့် အရှင်မြတ်နှင့်အတူ မည်သည့်အရာကိုမျှ ယှဉ်တွဲကိုးကွယ်မှု မပြုရန်ဖြစ်သည်။
  2. အလ္လာဟ်အရှင်မြတ်သည် ကျေးကျွန်များအပေါ် ကျေးဇူးပြုသည့်အနေဖြင့် မိမိအပေါ်မိမိ သတ်မှတ်ထားသည့် တာဝန်ကို ရှင်းလင်းတင်ပြထားသည်။ ၎င်းမှာ ကျေးကျွန်တို့အား အပြစ်မပေးဘဲ ဂျန္နသ်သုခဘုံသို့ ဝင်ရောက်စေခြင်းဖြစ်သည်။
  3. ဤသည်အရှင်မြတ်၏ မှန်ကန်သည့်ကတိတော်နှင့် ဆုံးဖြတ်ချက်တို့ကြောင့် အရှင်မြတ်အပေါ်တွင် တာဝန်အဖြစ်သက်ရောက်ခြင်းဖြစ်သည်။ အရှင်မြတ်၏မိန့်ကြားချက်သည် အမှန်ပင်ဖြစ်ပြီး မည်သည့်အခါမျှလိမ်လည်ခြင်းမရှိသလို အရှင်မြတ်၏ကတိတော်သည်လည်း မည်သည့်အခါမျှဖောက်ဖျက်မည်မဟုတ်ပါ။
  4. အစီးအနင်း တိရစ္ဆာန်သည် သယ်နိုင်ပါက ၎င်းအပေါ် နှစ်ယောက်စီးခွင့်ရှိသည်။
  5. တမန်တော်မြတ်(ဆွလ္လာဟုအလိုင်ဟိဝစလ္လမ်)၏ ရိုကျိုးနှိမ့်ချမှုကို တင်ပြထားသည်။ ကိုယ်တော်သည် မိမိ၏သာဝကများကို နောက်တွင်စီနင်းစေပြီး ၎င်းတို့ပေါ်မာနမရှိခဲ့ပေ။
  6. ဤဩဝါဒတော်၌ မုအာဇ် (ရဿွိယလ္လာဟုအန်ဟု)၏ မွန်မြတ်မှု၊ စကားပြောဆိုခြင်းနှင့် ပညာသင်ယူရာတွင်‘အဒဗ်’စည်းကမ်းရှိမှု၊ မိမိမသိနားမလည်သည့် ကိစ္စရပ်တစ်ခုကို အလ္လာဟ်အရှင်မြတ်၏ ‘အိလ်မ်’နှင့် အရှင်မြတ်၏ ရစူလ်တမန်တော်၏ ‘အိလ်မ်’ ဘက်သို့သာလွှဲအပ်မှု၊ တမန်တော်မြတ် (ဆွလ္လာဟုအလိုင်ဟိဝစလ္လမ်)ထံတော်တွင် သူ၏အဆင့်အတန်း မြင့်မားမှုစသည်တို့ကို ဖော်ပြထားသည်။
  7. ဆရာသည် မိမိတပည့်၏ အသိပညာကို စမ်းသပ်ရန်နှင့် ၎င်းနားမလည်သည့် အချက်တို့ကို ရှင်းပြပေးရန်အတွက် တပည့်အား အမိန့်ပညတ်ချက်များနှင့်ပတ်သက်၍ မေးခွန်းမေးမြန်းခွင့်ရှိသည်။
  8. အလ္လာဟ်အရှင်မြတ်နှင့်အတူ မည်သည့်အရာကိုမျှ ယှဉ်တွဲကိုးကွယ်ခြင်းမပြုသော သောင်ဟီးဒ်တရားကို သက်ဝင်ယုံကြည်သူများနှင့် ပတ်သတ်၍ ဤဟဒီးဆ်တော်၌ ကြီးကျယ်သည့်သတင်းကောင်းပါရှိသည်။၎င်းမှာ မည်သည့်အခါတွင်မျှ မိမိ၏ကတိတော်ကို ချိုးဖောက်ခြင်းမရှိသည့် အလ္လာဟ်အရှင်မြတ်က ၎င်းတို့အား အပြစ်ဒဏ်ပေးမည် မဟုတ်ကြောင်း ကတိပြုထားသည့်အပြင် ၎င်းတို့အား ဂျန္နသ်သုခဘုံသို့ ဝင်ရောက်စေကာ ဂုဏ်ပြုချီးမြှင့်တော်မူမည်ဖြစ်သည်။
  9. တိရစ္ဆာန်များကို ၎င်းတို့၏မျိုးစိတ်အမည်မဟုတ်သည့် အခြားနာမည်များဖြင့် အမည်ပေးခွင့်ရှိသည်။
  10. မေးခွန်းထုတ်သည့်ပုံစံဖြင့် မေးမြန်းခြင်းသည် သင်ယူသူ၏ စိတ်ထဲတွင် ပို၍မှတ်သားမိစေပြီး ပို၍နားလည် သဘောပေါက်စေသည်။
  11. တမန်တော်မြတ် (ဆွလ္လာဟုအလိုင်ဟိဝစလ္လမ်)၏ ကောင်းမွန်လှသည့် ညွှန်ကြားပြသမှုနှင့် သင်ကြားပေးမှုတို့ကို သိရှိရသည်။
ထပ်၍