ဟဒီးဆ်: ယဟူဒီနှင့် နဆွ်ရာနီတို့အပေါ်တွင် အလ္လာဟ်အရှင်မြတ်၏ (လအ်နသ်)ကရုဏာကင်းဝေးမှု ကျရောက်ပါစေ။ ၎င်းတို့သည် မိမိတို့တမန်တော်များ၏ ကဗရ်သင်္ချိုင်းများကို စဂျ်ဒဟ်ဦးချရာနေရာများအဖြစ် သတ်မှတ်ခဲ့ကြသည်။ကိုယ်တော်မြတ်သည် မိမိ၏နောက်လိုက်သားတို့အား ၎င်း(ယဟူဒ်၊နဆွာရာ)တို့လုပ်ကြသကဲ့သို့(မလုပ်ကြရန်) သတိပေးခြိမ်းခြောက်တော်မူသည်။ ထိုသို့ဖြစ် လာမည်ကို မစိုးရိမ်ရပါက ကိုယ်တော်၏ကဗရ်အား ပေါ်လွင်ထင်ရှားစွာ ထားမည်ဖြစ်သည်။ သို့သော် ကိုယ်တော်သည် ကဗရ်အား စဂ်ျဒဟ်ဦးချရာနေရာအဖြစ် သတ်မှတ်မည်ကို စိုးရိမ်ခဲ့သည်။

عن عائشة رضي الله عنها ، قالت: لما نُزِلَ برسول الله صلى الله عليه وسلم ، طَفِقَ يَطْرَحُ خَمِيصَةً له على وجهه، فإذا اغْتَمَّ بها كشفها فقال -وهو كذلك-: "لَعْنَةُ الله على اليهود والنصارى، اتخذوا قبور أنبيائهم مساجد -يُحَذِّرُ ما صنعوا". ولولا ذلك أُبْرِزَ قَبْرُهُ، غير أنه خَشِيَ أن يُتَّخَذَ مسجدا.
[صحيح] - [متفق عليه]

အာအိရှဟ်(ရဿွိယလ္လာဟုအန်ဟာ)က ဆင့်ပြန်ခဲ့သည်။ အလ္လာဟ်အရှင်မြတ်၏ ရစူလ်တမန်တော်ထံတွင် ဝဖာသ်ကွယ်လွန်ချိန် ကျရောက်လာသည့်အခါ မိမိ၏ ခြုံစောင်ကို မိမိ၏ မျက်နှာတော်ပေါ် စတင်ဖုံးအုပ်တော်မူလေသည်။ ထို့နောက်ကိုယ်တော်မြတ်သည် ၎င်းခြုံစောင်ကြောင့် မွန်းကျပ်လားသည့်အခါ မိမိ၏ မျက်နှာတော်မှ ၎င်းခြုံစောင်ကို ဖယ်ရှားလိုက်၏။ ထိုအခြေနေမျိုး၌ မိန့်ကြားတော်မူသည်။ ယဟူဒီနှင့် နဆွ်ရာနီတို့အပေါ်တွင် အလ္လာဟ်အရှင်မြတ်၏ (လအ်နသ်)ကရုဏာကင်းဝေးမှု ကျရောက်ပါစေ။ ၎င်းတို့သည် မိမိတို့တမန်တော်များ၏ ကဗရ်သင်္ချိုင်းများကို စဂျ်ဒဟ်ဦးချရာနေရာများအဖြစ် သတ်မှတ်ခဲ့ကြသည်။ ကိုယ်တော်မြတ်သည် မိမိ၏နောက်လိုက်သားတို့အား ၎င်း(ယဟူဒ်၊နဆွာရာ)တို့လုပ်ကြသကဲ့သို့(မလုပ်ကြရန်) သတိပေးခြိမ်းခြောက်တော်မူသည်။ ထိုသို့ ဖြစ်လာမည်ကို မစိုးရိမ်ရပါက ကိုယ်တော်၏ကဗရ်အား ပေါ်လွင်ထင်ရှားစွာ ထားမည်ဖြစ်သည်။ သို့သော် ကိုယ်တော်သည် ကဗရ်အား စဂ်ျဒဟ်ဦးချရာနေရာအဖြစ် သတ်မှတ်မည်ကို စိုးရိမ်ခဲ့သည်။
[ဤဟဒီးဆ်သည် ဆွဟီးဟ် အဆင့်ရှိသည်။] - [ဗုခါရီကျမ်းနှင့် မွတ်စ်လင်မ်ကျမ်း။]

ရှင်းလင်းချက်

အာအိရှဟ်(ရဿွိယလ္လာဟုအန်ဟာ)ကပြောပြသည် တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)ထံ ကွယ်လွန်ချိန် ဆိုက်ရောက်လာသည့်အခါ ကိုယ်တော်သည် သေဆုံးခါနီးဝေဒနာခံစားနေရချိန်၌ အမိန့်ရှိသည်မှာ ယဟူဒီနှင့်နဆွ်ရာနီတို့အပေါ်တွင် အလ္လာဟ်အရှင်မြတ်၏ (လအ်နသ်) ကရုဏာတော်မှ ကင်းဝေးမှု ကျရောက်ပါစေ။ ထိုသို့မိန့်ရခြင်းမှာ ၎င်းတို့သည် မိမိတို့နဗီတမန်တော်များ၏ ကဗရ်သင်္ချိုင်းများအပေါ်တွင် စဂျ်ဒဟ်ဦးချရာနေရာများ(ဘုရားကျောင်းများ) ဆောက်လုပ်ခဲ့ကြခြင်းကြောင့်ဖြစ်သည်။ ထို့နောက် အာအိရှဟ်(ရဿွိယလ္လာဟုအန်ဟာ)က သုံးသပ်တင်ပြသည်မှာ ကိုယ်တော်က ထိုကဲ့သို့မိန့်ကြားရခြင်းသည် ယဟူဒီနှင့်နဆွ်ရာနီတို့၌ဖြစ်ပေါ်ခဲ့သည့် ကိစ္စမျိုး မိမိ၏နောက်လိုက်သားတို့၌ ဖြစ်ပေါ်လာကာ မိမိကဗရ်ပေါ်တွင်လည်း ဦးချရာနေရာ(ဝတ်ကျောင်း) ဆောက်လုပ်ကြမည်ကို သတိပေး တားမြစ်ခြင်းဖြစ်သည်။ ထို့နောက် သူမကရှင်းပြသည် ကိုယ်တော့်အား ကိုယ်တော်မြတ်၏ အခန်းပြင်ပ၌ မြှုပ်နှံခြင်းမပြုရန် ဆွဟာဗဟ်သာဝကတို့အား တားမြစ်ခဲ့သည့် အကြောင်းရင်းမှာ ကိုယ်တော်၏ကဗရ်ကို ဦးချရာနေရာအဖြစ် သတ်မှတ်ကြမည်ကို စိုးရိမ်ခြင်းကြောင့်ဖြစ်သည်။