Mundu jutampe upumusi jwakulaga kapena kumtochesya ngongole syakwe, Allah takawiche pa mtusi wakwe pa lisiku lya mbesi mtusi wachindanda chakwe lisiku lyatikuwa kwangali mtusi uliwose niyikawege welewo Allah naga ankondile mundu asampaga mayeselo ga mavuto Allah jwangalolaga ngope syenu, kapena chipanje chenu,nambo kuti asalolaga mumtima mwenu nimasengo genu Mundu jumpaka atandisye chindu cha chilendo mu malamusi getu ga chipopelo ganti mu malamusimo mwangalimo,masengo gelego gakausidwe kwa msyenejo lyuwa lyakumalisya ngajakulipidwa nago Wandu osope wa gulu jangu takajinjile ku mbepo kuleka watakane kujakwinjila ku mbepoko (Mundu jumpaka ali landanye ni wandu wane mu kalikose nikuti ali gulu jimo ni wandu welewo) Yangakundisidwa mundu kutumbililana nimjakwe kwakupunda masiku gatatu, kuwaga ali nkusimana nikugalawuchilanaga misana ngakolangana, nambo wambone mwa jemanjawo niwachatandisye kwapa ajawo salaam Watatende chakusakala kwajawo Allah chiwatendele wele chakusakala, wachatede ngalwe kwa ajawo Allah soni tachatamika nemenayo mwa ngalwe Nditu Mlungu akusamlechelela mundu jwakutenda yakusakala,kuwichila pa ndawi jatachisaka kumpa ilagasyo,wangamlekaga mtando wakutupa kwa ilewi yakwe ana namtumisye kuti mkatende chindu chiwandumisyeje none Mtume jwa Mlungu -chanasa ni utendele wa Mlungu iwe pa jwelejo-? Mtume wamlamwile Ali kuti akasajakuleka chitusi cha chilichose chana umi, nakaweje kuti akachityosye, namtamuno lilembe lyekwele mnope nakaweje kuti akalisimasye likalandane ni litaka Nganawa mu likuga lyangu mundu jumpaka akamulisye masengo ijuni pakulotela yambone kapena yakusakala kapena kumtenda jwine kuti amlotele yeleyo,kapena mundu jwakusajaula kwa bimbi kapena kwatuma wane kuti wajaulile, kapena jwakutenda ya usawi kapena kwatenda wane watendele Mundu jumpaka ajaule kwa bimbi nikum'busya yakusana iliyose, ipindi yakwe yangapocheledwa kwa masiku gakwana makumi mcheche Mundu jumpakana alijiganye kalikose kakusana majiganyo gakwayana ndondwa yaikusalosya yampaka itendekwe pa umi wa mundu, akusawa alijiganyisye mbali jimo ja majiganyo ga usawi, ndawi jilijose jakulunda majiganyo gelega akusawa akulunda usawi kwa mundu jumpaka akamuleje masengo gambone pa nyuma pakwinjila Chisilamu,ngajakupedwa ilagasyo pa yawatesile Chisilamu mkanichiwiche,sano kwa mundu jumpaka akamuleje masengo gakusakala panyuma pakuwika Chisilamu,takapedwe ilagasyo kutandila Chisilamu mkanichiwiche nambo soni panyuma panti chiwiche Jiwandichile ndawi janti chikusimanikwa mundu jutachiwaga chitamile pa chitengu chakwe nikumsimana nganijakuma kwa une nikuwechetaga kuti: sikati jetu ni sikati jenu tukwete buku ja Qur'an jakutujilanya pa ikandu yatutindene nditu yakuwajilwana Mlungu kutendeledwa ni wandu ni kuti wanduwo ampopeleje Mlungu jikape pali pangali kumphwatikanya ni chilichose. Sano yakuwajilana Mlungu kwatendela achikapolo naga ali atesile yakuwajilana kumtendela Mlungu, nikuti akaja kwapa ilagasyo wawaji ali mkakum'pwatikanya Mlungu ni ikandu ine Mundu jumpaka chimpate chiwa ali jwangamphwatikanya Mlungu ni ichindu ine, takajinjile ku mbepo,nambo soni mundu jumpaka chimsimane chiwa ali kumphwatikanya Mlungu ni ichindu ine, takajinjile kumoto Lyuwa lya mbesi, Mlungu tachisagula nikum'bilanga mundu jumo mu wandu wakuma mu likuga lyangu pa meso pa iumbe yosope kuti am'balanjisye masengo gakwe, Mlungu pawagumbile Mbepo ni Moto,wamtumile Jubril- utendele wa Mlungu uwe pa jwelejo-