Hadiis: rẽ yĩnga yãmb mii y Soabã sẽn yeele?” Tɩ b yeele: Wẽnd la A Tẽn-tʋʋmã n mi. T’a yeele: ad Mam yembsã pʋgẽ, vẽega beoog tɩ neb be beenẽ n kõ sɩd ne Maam, la kɩfl ne Maam

عَنْ زَيْدِ بْنِ خَالِدٍ الجُهَنِيِّ رضي الله عنه أَنَّهُ قَالَ:
صَلَّى لَنَا رَسُولُ اللهِ صَلَّى اللهُ عَلَيْهِ وَسَلَّمَ صَلَاةَ الصُّبْحِ بِالْحُدَيْبِيَةِ عَلَى إِثْرِ سَمَاءٍ كَانَتْ مِنَ اللَّيْلَةِ، فَلَمَّا انْصَرَفَ أَقْبَلَ عَلَى النَّاسِ، فَقَالَ: «هَلْ تَدْرُونَ مَاذَا قَالَ رَبُّكُمْ؟» قَالُوا: اللهُ وَرَسُولُهُ أَعْلَمُ، قَالَ: «أَصْبَحَ مِنْ عِبَادِي مُؤْمِنٌ بِي وَكَافِرٌ، فَأَمَّا مَنْ قَالَ: مُطِرْنَا بِفَضْلِ اللهِ وَرَحْمَتِهِ، فَذَلِكَ مُؤْمِنٌ بِي وَكَافِرٌ بِالْكَوْكَبِ، وَأَمَّا مَنْ قَالَ: بِنَوْءِ كَذَا وَكَذَا، فَذَلِكَ كَافِرٌ بِي وَمُؤْمِنٌ بِالْكَوْكَبِ».
[صحيح] - [متفق عليه] - [صحيح البخاري: 846]

Yii a Zayd ɭbn Haalid ɭbn Algʋhany nengẽ, Wẽnd yard be a yĩnga, a yeelame:
Wẽnd Tẽn-tʋʋma, Wẽnd pʋʋsg la A tɩlgr be a yĩnga, pʋʋsa ne bãmba, Fagr yibeoog Pʋʋsgã Hʋdaybiya zĩigẽ wã, la yaa saag sẽn ni yʋngã poorẽ, la Nabiyaamã sẽn wa n sε Pʋʋsgã, a lebg n togla nebã n yeele: “ rẽ yĩnga yãmb mii y Soabã sẽn yeele?” Tɩ b yeele: Wẽnd la A Tẽn-tʋʋmã n mi. T’a yeele: ad Mam yembsã pʋgẽ, vẽega beoog tɩ neb be beenẽ n kõ sɩd ne Maam, la kɩfl ne Maam, la sã n yaa neb nins sẽn yeel-b tɩ tõnd paama saag niib ne Wẽnd kũunã, la A yolsgã, bãmb yaa sẽn kõ sɩd ne Maam, n kɩfl ne ãdsã, la neb nins sẽn yeel tɩ: yaa ãd-kãngã la ãd-kãngã sababo la tõnd paam saagã, bãmb kɩfla ne Maam n kõ sɩd ne ãdse”.
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 846]

bilgrã

Hadiisã wilgdame tɩ Nabiyaamã, Wẽnd pʋʋsg la A tɩlgr be a yĩnga, pʋʋsa yibeoog Pʋʋsgã, Hudaybiyat zamaanã, yẽ me yaa tẽnga sẽn pẽ Maka, la yaa saag sẽn ni yʋng poorẽ, T’a sẽn wa ning sallemã n sε a Pʋʋsgã, la a sẽn togl nebã ne a nengã, n sok-ba: “rẽ yĩnga yãmb mii bũmb ning yãmb Soabã, A Naam yɩ wagell n zẽk sẽn yeel-a? Tɩ b leok-a : ad Wẽnd la A Tẽn-tʋʋmã n yɩɩd minim, T’a yeele : ad Wẽnde, A Naam yɩ wagell n zẽke, a vẽnegame tɩ nebã, b pʋɩta kõbg a yiibu, saag sẽn wat n ni, kõbg n be n kõ sɩd ne Wẽnde, A Naam yɩ wagelle, tɩ kõbg be beenẽ, n kɩfl ne Wẽnde, A Naam yɩ wagelle ; La sã n yaa neb nins sẽn yeel tɩ saagã nii ne Wẽnd yɩɩdlem la A yolsgã, n rɩk saagã niibã n kõ Naaba A Wẽnde, yẽ yaa ned sẽn kõ sɩd ne Wẽnde, sẽn yaa Naamdã, n yaa Kẽnesdã, bon-naandsã pʋgẽ wã, ne A sẽn rata, la a kɩfl ne ãdsã. La sã n yaa neb nins sẽn yeel-b : « tõnd paama saaga, ãd-kãngã sababo », yẽ yaa sẽn kɩfl ne Wẽnde, n kõ sɩd ne ãdga, la yẽ yaa kɩflg sẽn yaa kɩflg bila, n ka yiisd ned lɩslaangẽ ye, bala a rɩka saagã niibã n yeel tɩ yaa ãd-kãngã sababo, la Wẽnd ka maan tɩ ãdsã yaa sabab sãri wεεngẽ, ne saag niib ye, A leb n ka maan-ba tɩ b yaa sababo, kordg wεεngẽ ye, La sã n yaa ne neb nins sẽn rɩk saagã niibã, la zẽng sẽn ka rẽnda, sẽn yaa yεl nins sẽn maand tẽngã zugã, n rɩk-ba n tõkd ne ãdsã kẽnã, b pukri la b lʋɩɩse, n loe n wãage, tɩ yaa ãdsã mens n maan tʋʋmdã sɩd-sɩda, woto yaa kɩflg bedre, n yiisd ned lɩslaangã pʋgẽ.