Hadiis: M soka Nabiyaamã, (Wẽnd pʋʋsg la A tɩlgr be a yĩngɑ) yaa zũnuub pʋgo zɩslem n yɩɩd Wẽnd nengẽ? T'a yeele: «yaa fo sẽn na n maan mak-n-taag ne Wẽnde, tɩ Yẽ n yaool n naan foom
عَنْ عَبْدِ اللهِ بنِ مَسْعُودٍ رضي الله عنه قال:
سَأَلْتُ النَّبِيَّ صَلَّى اللهُ عَلَيْهِ وَسَلَّمَ: أَيُّ الذَّنْبِ أَعْظَمُ عِنْدَ اللهِ؟ قَالَ: «أَنْ تَجْعَلَ لِلهِ نِدًّا وَهُوَ خَلَقَكَ» قُلْتُ: إِنَّ ذَلِكَ لَعَظِيمٌ، قُلْتُ: ثُمَّ أَيُّ؟ قَالَ: «وَأَنْ تَقْتُلَ وَلَدَكَ؛ تَخَافُ أَنْ يَطْعَمَ مَعَكَ» قُلْتُ: ثُمَّ أَيُّ؟ قَالَ: «أَنْ تُزَانِيَ حَلِيلَةَ جَارِكَ».
[صحيح] - [متفق عليه] - [صحيح البخاري: 4477]
المزيــد ...
Yii a ʿAbdʋllaah ɭbn Mas'ʋʋd nengẽ, (Wẽnd yard be a yĩnga), a yeelame:
M soka Nabiyaamã, (Wẽnd pʋʋsg la A tɩlgr be a yĩngɑ) yaa zũnuub pʋgo zɩslem n yɩɩd Wẽnd nengẽ? T'a yeele: «yaa fo sẽn na n maan mak-n-taag ne Wẽnde, tɩ Yẽ n yaool n naan foom», tɩ mam yeele: ad rẽ sɩd yaa yel-bedre, la m soke: rẽ poorẽ yaa bõe? T'a yeele: «yaa fo sẽn na n kʋ f biiga, fo sẽn yεεsd t'a na n wa naag foom n rɩ tɩ ka seke». Tɩ mam yeele: rẽ poorẽ yaa bõe? T'a yeele: «yaa fo sẽn na n yo ne f yak paga».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 4477]
B soka Nabiyaamã, (Wẽnd pʋʋsg la A tɩlgr be a yĩngɑ) zũnuub bεd sẽn yɩɩde, t'a yeele: a sẽn tʋg n yɩɩd yaa lagem-n-taare, la yẽ yaa fo sẽn na n maan wõnes-n-taaga maa gees-n-taaga ne Wẽnde, A sobendlemẽ wã maa A wẽndlemẽ wã maa A yʋyẽ wã la a sɩfẽ wã, la zũnuub-kãngã Wẽnd ka yaafd-a rẽndame tɩ yaa ne tuubg n bas-a, la a soabã sã n ki a zugu, yẽnda paada Bugmẽ wã, n ka yit ye. Rẽ poorẽ yaa ned sẽn na n kʋ a biiga, n yεεsd t'a na n lagem-a n rɩ, yõor kʋʋb yaa haraam, la zũnuub sẽn yaa zɩsg n tʋg n yɩɩd tɩ sã n mik t'a sẽn kʋ ned ningã, yaa kʋʋdã roagda, a zũnuubã leb n zɩsgdame n yɩɩda tɩ sã n mikame tɩ kʋʋdã tagsgã yaa a sẽn yεεsde, tɩ yẽ sẽn kʋ a soabã ra wa lagem yẽ n rɩ Wẽnd rɩtlã ye Rẽ poorẽ yaa raoa sẽn na n yood ne a yak paga, rẽ yaa a sẽn na n modg n bεlg-a halɩ n tʋg n yo ne-a, t'a sak n pʋg-a, yoob yaa haraam, la a zũnuubã zɩsgdame n yɩɩda, tɩ sã n mik tɩ b sẽn yo ne wã yaa yak paga, yak ning sãri wã sẽn sagl tɩ b maneg n tʋg-a la b tall tũud-n-ta-sõng ne-a wã.
Sẽn be Hɑdiisã yõod-rãmbẽ
- Wilgda zũnuub-rãmbã sẽn yõs taab bedremẽ wã, tɩ yaa wala tʋʋm sõmã wã me sẽn leb n yõs taaba yel-sõmdẽ wã.
- Zũnuub-rãmbã sẽn yɩɩd bedrem: yaa lagem-n-taar ne Wẽnde, (A Naam zẽk yã) rẽ poorẽ yaa biig kʋʋbo n yεεsd t'a na n wa naag foom n rɩ, rẽ poorẽ yaa f sẽn na n yo ne f yak paga.
- Rɩtlã bee Wẽnd Nugẽ, Yẽndã, (A Naam yɩlg yã), n reeg bon-naandsã rɩlgre A zugẽ.
- Wilgda yak hakε zɩslem sẽn ta to-to la a namsgã zũnuubã ɑ yɩɩda sẽn na n ka yɑk nɑmsg zũnuubu.
- Naandã yaa Yẽ A Wẽnde, Yẽ n sõmb tɩ b tũ-A, Yẽ A Yembre, lagem-n-taag ka be ne-A ye.
Pɑɑgã
- Hadiis: lɩslaangã yaa f maan kaset tɩ soab sẽn na n tũ n tɩlg ka be rẽnda Wẽnde, la a Mʋhammad yaa Wẽnd Tẽn-tʋʋma, la f yals ne Pʋʋsgo la f yãk Zaka n kõ, la f loe Ramadaane, la f kaag Roogã tɩ f sã n paam sor n na n tʋg beenẽ
- Hadiis: Yaa Mam yembse, ad Mam gɩdga wẽgd Mam zugu, n maan-a t'a yaa haraam yãmb ne taab sʋka, bɩ y ra wẽg taab ye
- Hadiis: Ad Wẽnd tõe n yaoolga wẽgdã, t'A sã n wa yõk-a a ka põsgd-A ye
- Hadiis: Ned ka be, n maan kaset tɩ (laa ɩlaaha ɩllal-Allaah, wa ɑnna Mʋhammadan rasʋʋllaah) = (M maanda kaset tɩ soab hakɩɩk pa be rẽnda Wẽnde, la m maand kaset t'a Mʋhammad yaa Wẽnd Tẽn-tʋʋma) n kõ sɩda a sũurẽ wã, rẽndame tɩ Wẽnd harm-a ne Bugmã
- Hadiis: , Wẽnd kẽed-a-la arzãna a sẽn tʋg n tʋm tɩ yaa a soab fãa gilli
- Hadiis: B mee lɩslɑɑngã zeng raad a nu zugu
- Hadiis: yaa ned ning sẽn maan kaalem n ka maan lagem-n-taar ne Wẽnd baa fʋɩ, yaa tɩlae t’a kẽ arzãnã, la ned ninga sẽn maan kaalem t’a yaa sẽn maan lagem-n-taar ne Wẽnde, ne bũmbu, a kẽeda Bugumã