ஹதீஸ்: 'நட்சத்திர ஜோதிடக் கலையில் ஒரு பகுதியைக் கற்பவன் சூனியக் கலையில் ஒரு பகுதியைக் கற்றவனாவான், அது அதிகரிக்க இதுவும் அதிகரிக்கும்'
عن ابن عباس رضي الله عنهما قال: قال رسول الله صلى الله عليه وسلم:
«من اقتبَسَ علْمًا مِنَ النُّجُومِ اقْتبَسَ شُعبَة مِن السِّحرِ، زادَ ما زادَ».
[صحيح] - [رواه أبو داود وابن ماجه وأحمد] - [سنن أبي داود: 3905]
المزيــد ...
நபி ஸல்லல்லாஹு அலைஹிவஸல்லம் அவர்கள் கூறியதாக இப்னு அப்பாஸ் ரழியல்லாஹு அன்ஹுமா அவர்கள் அறிவிக்கிறார்கள் :
'நட்சத்திர ஜோதிடக் கலையில் ஒரு பகுதியைக் கற்பவன் சூனியக் கலையில் ஒரு பகுதியைக் கற்றவனாவான், அது அதிகரிக்க இதுவும் அதிகரிக்கும்'.
[ஸஹீஹானது-சரியானது] - - [سنن أبي داود - 3905]
யார் நட்சத்திரம் மற்றும் கிரகங்களுடன் தொடர்பான ஜோதிடக் கலைகளைக் கற்று வானியல் இயக்கங்களையும் தோற்றங்களையும் மறைவுகளையும் பூமியில் நடைபெறும் நிகழ்வுளான ஒருவரின் இறப்பு மற்றும் பிறப்பு அல்லது ஆரோக்கியமின்மை போன்றவற்றுடன் ஒப்பிட்டு எதிர்காலத்தில் நடக்கவிருப்பவற்றை அனுமானித்து கூறும் செயற்பாடுகளை மேற்கொள்கிறாரோ அவர் சூனியத்தின் ஓரு பகுதியைக் கற்றவராவார். இதனை அதிகதிகமாக கற்றுக்கொள்பவர் சூனியத்தையும் அதிகதிகம் கற்றவராவார்.
ஹதீஸிலிருந்து பெறப்பட்ட சில பயன்கள்
- கிரகங்கள் மற்றும் நட்சத்திர நிலைமாற்றங்களை அனுமானித்து எதிர்காலத்ததை எதிர்வு கூறும் நட்சத்திர ஜோதிடம் தடைசெய்யப்பட்டுள்ளமை. ஏனெனில் இந்த விடயம் தனக்கு மறைவான அறிவு இருப்பதாக வாதிடும் ஒரு செயலாகும்.
- தடைசெய்யப்பட்ட நட்சத்திர ஜோதிடம் ஏகத்துவக் கொள்கைக்கு முரண்படும் சூனியத்தின் ஒரு வகையாகும்.ஆனால் திசைகள் மற்றும் கிப்லா போன்றவற்றை அறியவும், அல்லது பருவகாலங்கள் மற்றும் மாதங்களை தெரிந்து கொள்ளவும் நட்சத்திரங்களை அவதானிப்பதில் எவ்விதக் குற்றமுமில்லை. இது அனுமதிக்கப்பட்டதாகும்.
- நட்சத்திர ஜோதிடத்தை அதிகமாகக் கற்குமளவு சூனியத்தின் பல பிரிவுகளை கற்பதும் அதிகமாகின்றது.
- அல்லாஹ் தனது திருமறையில் குறிப்பிடும் நட்சத்திரங்கள் படைக்கப்பட்டதற்கான நோக்கங்கள் -பயன்கள் மூன்றாகும் அவையாவன: 1-வானத்திற்கான அலங்காரமாக காணப்படுகின்றமை.
- 2- பாதையை கண்டுப்பிடிப்பதற்கான அடையாளங்களாக அமைந்துள்ளமை.
- -3- ஷைத்தான்களுக்கான எறிகற்களாக காணப்படுகின்றமை.
மேலதிக விபரங்களுக்கு
- ஹதீஸ்: ஒரு நாள் நாங்கள் எல்லோரும் நபி (ஸல்) அவர்களுடன் உட்கார்ந்திருந்தோம். அப்போது எங்கள் முன் ஒருவர் வந்து நின்றார். அவருடைய ஆடைகள் மிகைத்த வெளுமையுடன் காணப்பட்டன. அவருடைய தலைமுடி மிகைத்த கருமை நிறத்துடன் காணப்பட்டது. பயணம் செய்ததற்கான அறிகுறிகள் எதுவும் அவரிடம் காணப்படவில்லை. எங்களில் யாருக்கும் அவரைத் தெரியாது.
- ஹதீஸ்: எனது அடியார்களே, மக்களுக்கு அநீதி இழைப்பதை எனக்கு நானே தடை செய்திருக்கின்றேன். (அதுபோலவே) அதை உங்களுக்கும் தடை செய்திருக்கின்றேன். எனவே நீங்கள் அநீதி இழைத்துக் கொள்ளாதீர். எனது அடியார்களே, நான் நேர்வழி காட்டியவர்களைத் தவிர, நீங்கள் அனைவரும் வழி தவறியவர்கள். எனவே, என்னிடம் நேர்வழிகாட்டக் கோருங்கள், நான் நேர்வழி காட்டுவேன்.
- ஹதீஸ்: நிச்சயமாக அல்லாஹ் அநியாக்காரனை தண்டிப்பதில் அவகாசம் வழங்குகிறான்.அவனை தண்டித்தால் அவனை விடவும் மாட்டான்
- ஹதீஸ்: சகுனம் பார்ப்பவனும், சகுனம் பார்க்கப் பட்டவனும், ஜோசியம் பார்த்தவனும், ஜோசியம் பார்த்துவிடப் பட்டவனும், சூனியம் செய்தவனும், யாருக்காக சூனியம் செய்யப்பட்டதோ அவனும் எம்மைச் சார்ந்தவனல்ல, யார் ஒரு ஜோசியனிடம் சென்று அவன் கூறுவதை உண்மைப் படுத்துகின்றானோ அவன் முஹம்மத் (ஸல்) அவர்களுக்கு அருளப்பட்ட மார்க்கத்தை மறுத்தவனாவான்.
- ஹதீஸ்: குறி சொல்பவனிடம் சென்று அவன் கூறுவதை நம்புகிறவனின் நாற்பது நாட்களுடைய தொழுகைகள் ஏற்கப்பட மாட்டாது.
- ஹதீஸ்: கடமைகளுடன் மாத்திரம் நின்று கொள்ளல்.
- ஹதீஸ்: 'நிச்சயமாக ஒரு (முஸ்லிம்) அடியானுக்கும்; இணைவைப்பிற்கும் இறைநிராகரிப்பிற்கும் இடையிலான வித்தியாசம் தொழுகையை விடுவதாகும் '