Hadithi: Umuntu wize ubumenyi bw'iby'inyenyeri, azaba yize bumwe mu bumenyi bw'uburozi, na buri uko ubwongereye niko aba yongera kwiga uburozi
عن ابن عباس رضي الله عنهما قال: قال رسول الله صلى الله عليه وسلم:
«من اقتبَسَ علْمًا مِنَ النُّجُومِ اقْتبَسَ شُعبَة مِن السِّحرِ، زادَ ما زادَ».
[صحيح] - [رواه أبو داود وابن ماجه وأحمد] - [سنن أبي داود: 3905]
المزيــد ...
Hadithi yaturutse kwa Ibun Abass (Imana imwishimire we na se) yaravuze ati: Intumwa y'Imana (Imana iyihe amahoro n'imigisha) yaravuze iti:
"Umuntu wize ubumenyi bw'iby'inyenyeri, azaba yize bumwe mu bumenyi bw'uburozi, na buri uko ubwongereye niko aba yongera kwiga uburozi."
[Hadithi y'impamo] - [Yakiriwe na Abu Dawud na Ibun Madjah ndetse na Ahmad] - [Sunani Abu Dawudi - 3905]
Intumwa y'Imana (Imana iyihe amahoro n'imigisha) iragaragaza ko umuntu wize ubumenyi bw'inyenyeri, n'imigendekere yazo no kuboneka kwazo no kubura kwazo akabihuza n'ibibera ku isi nk'urupfu cyangwa se ubuzima cyangwa se uburwayi by'umuntu runaka n'ibindi mu bijyanye n'ibizaba mu gihe kizaza, uwo muntu aba yize kimwe mu bigize uburozi, kandi na buri uko umuntu akomeje kubyiga niko aba yiga ibijyanye n'uburozi.
Zimwe mu nyungu dukura muri Hadithi.
- Ni ikizira gukoresha ibijyanye n'inyenyeri usobanura ibizaba mu gihe kizaza, kubera ko ibi ari bimwe mu kwigamba kumenya ubumenyi bw'ibyihishe.
- Ubumenyi bw'ibijyanye n'inyenyeri bugambiriye kumenya ibitagaragara ni ikizira ndetse ni na bumwe mu bwoko bw'uburozi buhabanye n'ukwemera nyako (Tawhidi), bitandukanye no kumenya inyenyeri n'ibyerekezo byazo cyangwa se ushaka kumenya aho werekera usali (Qiblat) cyangwa se kumenya ibihe n'amezi, kuko ubu bwo buremewe.
- Buri uko umuntu yongereye ubu bumenyi bw'ibijyanye n'inyenyeri, aba ari kongera ubumenyi bw'ibijyanye n'uburozi.
- Ubusanzwe inyenyeri zifite akamaro ko mu ngeri eshatu Allah yavuze mu gitabo cye gitagatifu: Ni umutako w'ikirere, n'ibimenyetso biyobora abantu, n'ibishashi byo gutera za shitani (amajini yigometse).
Ibirenzeho.
- Hadithi: Islam ni uguhamya ko nta yindi mana ibaho ikwiriye gusengwa by'ukuri usibye Allah wenyine, ukanahamya ko Muhamadi (Imana imuhe amahoro n’imigisha) ari Intumwa y'Imana, ugahozaho amasengesho, ugatanga amaturo, ugasiba ukwezi kwa Ramadwani, ugakora umutambagiro mutagatifu i Makat, igihe ubifitiye ubushobozi
- Hadithi: Yemwe bagaragu banjye, mu by'ukuri njye naziririje amahugu kuri njye ubwanjye, ndangije nyagira ikizira hagati yanyu, muramenye ntimuzahuguzanye
- Hadithi: Mu by'ukuri Allah arindiriza umunyamahugu, kugeza ubwo amuguye gitumo ntabe yamucika
- Hadithi: Ntari muri twe uwizera amahirwe cyangwa se umwaku mu bintu, cyangwa se ukora ubupfumu cyangwa se agasaba kubukorerwa, cyangwa se uroga, cyangwa se usaba kurogerwa
- Hadithi: Uzajya ku mupfumu akagira icyo amubaza, iswala ze azakora mu minsi mirongo ine ntabwo zizemerwa!
- Hadithi: Urabibona ute ndamutse nsaye iswala nategetswe, nkasiba igisibo cy'ukwezi kwa Ramadhan, nkazirura ibiziruye, nkaziririza ibiziririjwe
- Hadithi: Mu by'ukuri hagati y'umuntu n'ibangikanyamana n'ubuhakanyi ni ukuba yareka iswalat