hadisi : ligongo pangali lisiku liwawecheteko kuti: Ambuje aku Mlungu, timunguluchile yakulemwa yangu pa lisiku lya mbesi

عَنْ عَائِشَةَ رضي الله عنها قَالَتْ:
قُلْتُ: يَا رَسُولَ اللهِ، ابْنُ جُدْعَانَ كَانَ فِي الْجَاهِلِيَّةِ يَصِلُ الرَّحِمَ، وَيُطْعِمُ الْمِسْكِينَ، فَهَلْ ذَاكَ نَافِعُهُ؟ قَالَ: «لَا يَنْفَعُهُ، إِنَّهُ لَمْ يَقُلْ يَوْمًا: رَبِّ اغْفِرْ لِي خَطِيئَتِي يَوْمَ الدِّينِ».
[صحيح] - [رواه مسلم] - [صحيح مسلم: 214]

Ngani jikupitila kwa Aisha -Mlungu asangalale nawo- wawechete kuti:
Nawechete kuti: Ee mwe Mtume jwa Mlungu,mwanache jwa Jad'an, mu ndawi chachaji Chisilamu nkanichiwiche,waji ali nkulumbikanya ulongo,kwalisya wakulaga,kwalini yeleyo mpaka ikakamuchisye kwa Mlungu? Mtume -chanasa ni utendele wa Mlungu iwe pa jwelejo- jwatite kuti: "Iyayi ,ngawa mkwakamuchisya ligongo pangali lisiku liwawecheteko kuti: Ambuje aku Mlungu, timunguluchile yakulemwa yangu pa lisiku lya mbesi".
[صحيح] - [رواه مسلم] - [صحيح مسلم - 214]

Kusalichisya

Mtume-chanasa ni utendele wa Mlungu iwe pa jwelejo-akusala yakusana ni Abdullah mwanache jwa Jad'an, wawaliji jumo mwa achimlongola wa ma Quraysh Chisilamu nkanichiwiche. Mu masengo gakwe gambone gawakamulaga :waliji ali nkulumbikanya ulongo ni achalongo achimijawo nikwatendelaga yambone, walisyaga wandu wakulaga, ni masengo gane gambone ganti chisilamu chilimbikasisye kuti mundu agatendeje, nikuti masengo gelega ni gawa gakamuchisye welewo umi waukuwika; ligongo lyanti waji wakanila mwa Mlungu,nikuti pangali nantamuno lisiku limo liwawechete malowe ganti: Ambuje, timungululuchile ilewi yangu lyuwa lya mbesi.

Gane m'mafaida ga Hadisi

1. Kulongosola umbone wa chikulupililo, nikuti chikulupililocho chiwele chindu chakutendekasya masengo kupocheledwa.
2. Kulongosola kusakala kwa kanila mwa Mlungu, nikuti kanila mwa Mlungu chiwele chimu mu yakonanga masengo gambone.
3. Wandu wakanila mwa Mlungu, masengo gawo gambone ngagajakwakamuchisya lyuwa lya mbesi ligongo lyangakulupilila kwawo mwa Mlungu ni lyuwa lya mbesi.
4. Masengo gambone gakusakamulaga mundu nkanajinjile Chisilamu, gakusalembedwaga naga ajinjile Chisilamu nakusapedwa malipilo gambone pa masengogo.