حدیث: چا چې تنګ لاسي ته مهلت ورکړ، او یا یې ترې قرض سپک کړ، د قیامت په ورځ به یې الله تعالی د خپل عرش د سورې لاندې راولي، په هغه ورځ چې د هغه د عرش له سیوري پرته به بل سیوری نه وي.
عن أبي هريرة رضي الله عنه قال: قال رسول الله صلى الله عليه وسلم : «مَنْ أَنْظَرَ مُعْسِرا، أو وضع له، أظَلَّهُ الله يوم القيامة تحت ظِل عرشه يوم لا ظِلَّ إلا ظِلُّه».
[صحيح] - [رواه الترمذي والدارمي وأحمد]
المزيــد ...
له ابو هریرة - رضي الله عنه - څخه روایت دی فرمایي : چې رسول الله - صلی الله علیه وسلم - فرمایلي دي: «چا چې تنګ لاسي ته مهلت ورکړ، او یا یې ترې قرض سپک کړ، د قیامت په ورځ به یې الله تعالی د خپل عرش د سورې لاندې راولي، په هغه ورځ چې د هغه د عرش له سیوري پرته به بل سیوری نه وي».(۱)
صحيح - ترمذی روایت کړی دی
أبو هریرة - رضی الله عنه - خبر ورکوي چې پیغمبر - صلی الله علیه وسلم - فرمایلي دي: (من أنظر معسراً) چا چې تنګ لاسي ته مهلت ورکړ؛ یعنې د خپل قرض یوه برخه یې ورته وبخښله، او د أبو نعیم په روایت کې راغلي (أو وهب له) یعنې ورته یې بخشش کړ، نو بدله یې دا ده چې : (أظله الله يوم القيامة تحت ظل عرشه) الله به یې د قیامت په ورځ د خپل عرش د سیوري لاندې راولي، داسې چې یا به یې په حقیقي توګه د عرش د سیوري لاندې راولي او یا دا چې جنت ته به یې داخل کړي؛ نو د قیامت له ګرمۍ څخه به نجات ورکړي، او دا بدله هغه مهال لاسته راوړل کیږي چې: (يوم لا ظل إلا ظله) چې د الله له سیوري پرته به بل سیوری نه وي، نو بخښونکی انسان ځکه د دې اجر مستحق وپیژندل شو چې قرضدار ته یې پر خپل ځان لومړيتوب ورکړ او ارام یې کړ، نو الله تعالی دی هم په راحت کې کړ، او بدله د کړنې له جنس څخه وي.
د حديث له ګټو څخه
- د قرض حسنه ورکولو استحباب، او د قرض دار سره په مهربانۍ او نرمښت چلند کول.
- تنګ لاسي ته مهلت ورکول او یا ورته ټول قرض او یا د قرض یوه برخه بخښل له هغه خویونو څخه دي چې انسان د رحمان ذات د عرش د سیوري لاندې ځای ناستی کوي، په هغه ورځ چې د هغه له سیوري پرته به بل سیوری نه وي.
- د زغم خاوند پور ورکوونکي فضیلت او هغه لوی اجر چې په آخرت کې به یې تر لاسه کوي.
- د الله - تعالی - پر بندګانو د اسانۍ راوستلو فضیلت
- په قرض سره د معاملې جواز
- د استازي له خوا - یو چاته د څه - بخښلو صحت کله چې د موکل ( اصلي خاوند ) په اجازه وي.
ډلبندیانې
نور
- حدیث: چا چې - پدې خبره - ګواهي ورکړه چې نشته دی په حقه سره معبود مګر یوازې الله دی، شریک نه لري او محمد د الله بنده او رسول دی، او عیسی د الله بنده او رسول دی، او د هغه - کلمه - (په کلمه د کن سره پیدا شو)، او د هغه له روح ( د الله تعالی د طرفه) څخه دی، او دا چې جنت حق او اور(دوزخ) حق دی، الله به یې جنت ته ننباسي که هر عمل یې کړی وي.
- حدیث: په داسې حال کې چې یوه ورځ مونږ د رسول الله صلی الله علیه وسلم سره ناست وو، ناڅاپه پر مونږ یو سړی راڅرګند شو چې تکې سپینې جامې او تک تور ویښتان یې درلودل او د سفر هیڅ نښه پرې نه لیدل کیده. او زموږ څخه هیچا هم نه پیژانده.
- حدیث: اې زما بندګانو، ما پر ځان ظلم حرام کړی او ستاسو تر منځه مې هم حرام ګرځولی نو یو پر بل ظلم مه کوئ، ای زما بنده ګانو تاسو ټول ګمراه یاست مګر هغه څوک چې ما ورته هدایت کړی، نو زما څخه هدایت وغواړئ زه به تاسو ته هدایت وکړم.
- حدیث: ژر دی چې تاسو به خپل رب ووینئ لکه څرنګه چې تاسو دا سپوږمۍ وینئ پرته له کومې ستړتیا او سختۍ څخه.
- حدیث: الله تعالی ظالم ته مهلت ورکوي، کله یې چې راونیسي بیا یې نه پریږدي.
- حدیث: ?إِنَّ اللهَ سَيُخَلِّصُ رَجُلًا مِنْ أُمَّتِي عَلَى رُءُوسِ الْخَلَائِقِ يَوْمَ الْقِيَامَةِ
- حدیث: ?لَمَّا خَلَقَ اللَّهُ الْجَنَّةَ وَالنَّارَ أَرْسَلَ جِبْرِيلَ عَلَيْهِ السَّلَامُ