Hadith: ((هه‌ر كه‌سێ خۆ وه‌كی هنده‌كێن دی لێ بكه‌ت؛ ئه‌و ژ وانه‌))

عن ابنِ عُمَرَ رضي الله عنهما قال: قال رسولُ الله صلَّى الله عليه وسلم:
«مَن تَشَبَّهَ بِقَوْمٍ فَهُوَ مِنْهُمْ».
[حسن] - [رواه أبو داود وأحمد] - [سنن أبي داود: 4031]

ژ ئبن عومه‌ری (خودێ ژ هه‌ردووکان ڕازی بیت) گۆت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت:
((هه‌ر كه‌سێ خۆ وه‌كی هنده‌كێن دی لێ بكه‌ت؛ ئه‌و ژ وانه‌)).
[حسن] - [رواه أبو داود وأحمد] - [سنن أبي داود - 4031]

Explanation

پێغه‌مبه‌ر (صه‌لات و سه‌لامێن خودێ ل سه‌ر بن) به‌حسێ هندێ دكه‌ت كو هه‌ر كه‌سێ خۆ وه‌كی هنده‌ك مرۆڤان لێ بكه‌ت ژ كافران یان فاسقان یان مرۆڤێن باش - ئه‌ڤه‌ ژی ب ئه‌نجامدانا تشته‌كێ تایبه‌ت ب وانڤه‌ ژ بیروباوه‌ران یان عیباده‌تان یان نه‌ریتان -؛ هنگی ئه‌و ژ وانه‌، چونكی خۆوه‌كلێكرنا ب سه‌رڤه‌ دێ سه‌ركێشیت بۆ خۆوه‌كلێكرنا ژ ناڤدا ژی و گومان تێدا نینه‌ خۆوه‌كلێكرنا د گه‌ل هنده‌ك كه‌سان ژ ئه‌نجامێ كه‌يف پێ هاتنا ب وان كه‌سان په‌یدا دبیت و دبیت سه‌ربكێشیت بۆ حه‌زژێكرن و مه‌زنكرن و چوونا به‌ره‌ڤ وانڤه‌، ئه‌ڤه‌ ژی دبیت مرۆڤی ڕاكێشیت بۆ هندێ كو هه‌تا د ناڤداهی و عیبادەتی ژیدا خۆ وه‌كی وان لێ بكه‌ت - خودێ مه‌ بپارێزیت -.

Benefits from the Hadith

1. هشیاركرن ژ هندێ مرۆڤێ موسلمان خۆ وه‌كی كافر و فاسقان لێ بكه‌ت.
2. هاندان ل سه‌ر هندێ مرۆڤێ موسلمان خۆ وه‌كی مرۆڤێن باش لێ بكه‌ت و چاڤ ل وان بكه‌ت.
3. ئه‌گه‌ر مرۆڤی ب سه‌رڤه‌ خۆ وه‌كی ئێكی لێكر؛ ئه‌ڤ چه‌نده‌ دێ حه‌زژێكرنا ناڤداهی ب دویڤ خۆدا ئینیت.
4. مرۆڤ ل دویڤ ئاستێ خۆوه‌كلێكرن و جۆرێ وێ دێ گه‌ف و گونه‌هێ وه‌رگریت.
5. پاشڤه‌برن ژ هندێ مرۆڤ خۆ وه‌كی كافران لێ بكه‌ت د دین و نه‌ریتێن تایبه‌ت ب وانڤه‌، به‌لێ ئه‌گه‌ر بابه‌ت یێ گرێدایی دین و نه‌ریتێ وان نه‌بیت؛ وه‌كی فێربوونا پیشه‌ و كاران و تشتێن وه‌سا؛ ئه‌ڤێن هه‌نێ ناچنه‌ د بن پاشڤه‌برنێڤه‌.