Hadith: مافێ خودێ ل سه‌ر عه‌بدان ئه‌ڤه‌یه‌ ئه‌و عیباده‌تێ وی ب تنێ بكه‌ن و چ شریكان بۆ دروست نه‌كه‌ن، مافێ عه‌بدان ژی ل سه‌ر خودێ ئه‌ڤه‌یه‌ ئه‌و وی كه‌سی عه‌زاب نه‌ده‌ت یێ چ شریك بۆ وی دروست نه‌كربن

عَنْ مُعَاذٍ رَضِيَ اللَّهُ عَنْهُ، قَالَ:
كُنْتُ رِدْفَ النَّبِيِّ صَلَّى اللهُ عَلَيْهِ وَسَلَّمَ عَلَى حِمَارٍ يُقَالُ لَهُ عُفَيْرٌ، فَقَالَ: «يَا مُعَاذُ، هَلْ تَدْرِي حَقَّ اللَّهِ عَلَى عِبَادِهِ، وَمَا حَقُّ العِبَادِ عَلَى اللَّهِ؟»، قُلْتُ: اللَّهُ وَرَسُولُهُ أَعْلَمُ، قَالَ: «فَإِنَّ حَقَّ اللَّهِ عَلَى العِبَادِ أَنْ يَعْبُدُوهُ وَلا يُشْرِكُوا بِهِ شَيْئًا، وَحَقَّ العِبَادِ عَلَى اللَّهِ أَنْ لا يُعَذِّبَ مَنْ لا يُشْرِكُ بِهِ شَيْئًا»، فَقُلْتُ: يَا رَسُولَ اللَّهِ أَفَلاَ أُبَشِّرُ بِهِ النَّاسَ؟ قَالَ: «لا تُبَشِّرْهُمْ، فَيَتَّكِلُوا».
[صحيح] - [متفق عليه] - [صحيح البخاري: 2856]

ژ موعازی (خودێ ژێ ڕازی بیت) گۆت:
ئه‌ز ل پشت پێغه‌مبه‌ری (صه‌لات و سه‌لامێن خودێ ل سه‌ر بن) ل سه‌ر گوهدرێژه‌كی یێ سویار بووم كو دگۆتنێ (عوفه‌یر)، ئینا گۆت: ((موعاز؛ ئه‌رێ تو دزانی مافێ خودێ ل سه‌ر عه‌بدان چییه و مافێ عه‌بدان ل سه‌ر خودێ چییه‌؟ من گۆت: خودێ و پێغه‌مبه‌رێ وی باشتر دزانن، ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((مافێ خودێ ل سه‌ر عه‌بدان ئه‌ڤه‌یه‌ ئه‌و عیباده‌تێ وی ب تنێ بكه‌ن و چ شریكان بۆ دروست نه‌كه‌ن، مافێ عه‌بدان ژی ل سه‌ر خودێ ئه‌ڤه‌یه‌ ئه‌و وی كه‌سی عه‌زاب نه‌ده‌ت یێ چ شریك بۆ وی دروست نه‌كربن))، من گۆت: ئه‌ی پێغه‌مبه‌رێ خودێ؛ ئه‌رێ ما ئه‌ز ڤێ مزگینییێ نه‌ده‌مه‌ خه‌لكی؟ گۆت: ((نه‌خێر مزگینییێ نه‌ده‌ وان، چونكی دێ خۆ هێلنه‌ ب هیڤییا وێ چه‌ندێڤه‌ و كار ناكه‌ن)).
[صحيح] - [متفق عليه] - [صحيح البخاري - 2856]

Explanation

پێغه‌مبه‌ر (صه‌لات و سه‌لامێن خودێ ل سه‌ر بن) دیار دكه‌ت كا مافێ خودێ ل سه‌ر عه‌بدان چییه‌ و كا مافێ عه‌بدان ل سه‌ر خودێ چییه‌، مافێ خودێ ل سه‌ر عه‌بدان ئه‌ڤه‌یه‌ ئه‌و عیباده‌تێ وی ب تنێ بكه‌ن و چ شریكان بۆ دروست نه‌كه‌ن، مافێ عه‌بدان ژی ل سه‌ر خودێ ئه‌ڤه‌یه‌ ئه‌و عه‌بدێن خۆ یێن ئێكتاپه‌رست ئه‌وێن چ شریك بۆ وی دروست نه‌كرین عه‌زاب نه‌ده‌ت. پاشی موعازی گۆت: ئه‌ی پێغه‌مبه‌رێ خودێ؛ ئه‌رێ ما ئه‌ز ڤێ مزگینییێ نه‌ده‌مه‌ خه‌لكی دا كه‌یفا وان بهێت و ژ به‌ر ڤێ قه‌نجییا خودێ خۆشحال بن؟ پێغه‌مبه‌ری (صه‌لات و سه‌لامێن خودێ ل سه‌ر بن) ئه‌و ژ ڤێ چه‌ندێ پاشڤه‌بر، ئه‌ڤه‌ ژی ژ ترسێن هندێ ئه‌و خۆ بهێلنه‌ ب هیڤییا وێ چه‌ندێڤه و پشتبه‌ستنێ ل سه‌ر بكه‌ن.

Benefits from the Hadith

1. دیاركرنا مافێ خودایێ مه‌زن ئه‌وێ وی ل سه‌ر عه‌بدێن خۆ فه‌ركری، كو ئه‌و ژی ئه‌ڤه‌یه‌ عیباده‌تێ وی ب تنێ بكه‌ن و چ شریكان بۆ دروست نه‌كه‌ن.
2. دیاركرنا مافێ عه‌بدان ل سه‌ر خودایێ مه‌زن ئه‌وێ خودێ ژ باشی و قه‌نجییا خۆ د گه‌ل وان ل سه‌ر خۆ فه‌ركری، كو ئه‌و ژی ئه‌ڤه‌یه‌ ئه‌و وان ببه‌ته‌ به‌حه‌شتێ و عه‌زاب نه‌ده‌ت.
3. مزگینییه‌كا مه‌زن بۆ وان ئێكتاپه‌رستێن چ شریكان بۆ خودایێ مه‌زن دروست ناكه‌ن تێدایه‌، ئه‌و ژی ئه‌ڤه‌یه‌ كو چاره‌نڤیسێ وان چوونا به‌حه‌شتێیه‌.
4. موعازی به‌ری مرنا خۆ ئه‌ڤ فه‌رمووده‌یه‌ ڤه‌گێڕا، ئه‌ڤه‌ ژی ژ ترسێن هندێدا بكه‌ڤیته‌ د ناڤ گونه‌ها ڤه‌شارتنا زانینێدا.
5. هشیاركرن ژ به‌لاڤنه‌كرنا هنده‌ك فه‌رمووده‌یێن ل ده‌ڤ هنده‌ك كه‌سان هه‌ین، ژ ترسێن وان كه‌ساندا یێن ڕامانا وێ نزانن، ئه‌ڤه‌ ژی بۆ وان فه‌رمووده‌یان دهێته‌ گۆتن یێن چ كاركرن د ناڤدا نه‌بیت و چ سزایێن شه‌رعی ژی تێدا نه‌هاتبنه‌ دیار كرن.
6. گونه‌هكارێن ئێكتاپه‌رست یێن ل بن حه‌ز و ڤیانا خودێ، ئه‌گه‌ر خودێ ڤیا دێ وان عه‌زاب ده‌ت و ئه‌گه‌ر ڤیا دێ گونه‌هێن وان ژێبه‌ت و لێ بووریت، پاشی چاره‌نڤیسێ وان بۆ به‌حه‌شتێیه‌.