ئه‌ز ژ هه‌می كه‌سان بێمننه‌تترم كو شریك و هه‌ڤپشكه‌ك بۆ من بهێته دروستكرن، له‌وا هه‌ر كه‌سێ كاره‌كی بكه‌ت و د وی كاریدا كه‌سه‌كێ دی د گه‌ل من بكه‌ته شریك و هه‌ڤپشك؛ وی ده‌می دێ وی كه‌سی و هه‌ڤپشك دروستكرنا وی هێلم
ئه‌ز به‌رائه‌تا خۆ ل ده‌ڤ خودێ دكه‌م كو ئێك ژ هه‌وه بكه‌مه خه‌لیلێ خۆ (بلندترين پله‌يا ڤيان و حه‌زژێكرنێيه)، چونكی ب ڕاستی خودایێ مه‌زن ئه‌ز یێ كریمه خه‌لیلێ خۆ، هه‌روه‌كی كا چاوا ئیبراهیم كريه خه‌لیلێ خۆ
((هوین زێده‌گاڤییێ د په‌سنكرنا مندا نه‌كه‌ن و من ژ ئاستێ من مه‌زنتر لێ نه‌كه‌ن وه‌كی فه‌ڵه‌یان زێده‌گاڤی د عیسایێ كوڕێ مه‌ریه‌مێدا كری، چونكی ئه‌ز ب تنێ عه‌بدێ خودێ مه، له‌وا هوین بێژین: عه‌بدێ خودێیه و پێغه‌مبه‌رێ وییه))
به‌خته‌وه‌رترین مرۆڤ ب شه‌فاعه‌تا من ل ڕۆژا قیامه‌تێ ئه‌وه یێ ژ نیڤا دلێ خۆ گۆتی: ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن (لا إله إلا الله)))
هه‌ر كه‌سێ بمریت و ئه‌و هه‌ڤپشكه‌كی (شریكه‌كی) بۆ خودێ چێكه‌ت (عیباده‌تێ وی بكه‌ت و دوعا ژێ بكه‌ت)، دێ چیته ئاگرێ جه‌هنه‌مێ
ئه‌رێ ما ئه‌ز ته فڕێنه‌كه‌م بۆ وی تشتێ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) ئه‌ز بۆ فڕێكریم؟ ئه‌و تشت ئه‌ڤه‌یه هه‌ر په‌یكه‌ره‌كێ تو ببینی؛ تو نه‌هێلی و خراب بكه‌ی و هه‌ر قه‌بره‌كێ بلندكری ژ ئه‌ردی؛ د گه‌ل ئه‌ردی ڕاست بكه‌ی
بلا چ ڕستكێن ژ داڤێ تیركڤانێ یان هه‌ر تشته‌كێ دی هاتبنه دروستكرن ب ستویێ حێشترانڤه نه‌مینن و پێدڤییه هه‌می بهێنه بڕین و پڕچاندن))
((هه‌ر كه‌سێ بێژیت: ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن (لَا إِلَهَ إِلَّا اللهُ) و كوفرێ ب هه‌ر تشته‌كێ دی بكه‌ت كو ژ بلی خودێ عیباده‌ت بۆ بهێته كرن؛ هنگی مالا وی و خوینا وی دێ حه‌رام بن، حساب و لێپرسینا وی ژی ل سه‌ر خودێیه))
ئه‌جنه ڤێ په‌یڤا ڕاست و دروست (ژ ئه‌سمانان) دبه‌ت و پاشی وه‌كی قدقدا مریشكێ دبه‌ت و دكه‌ته د گوهێ هه‌ڤالێ خۆدا (كو كاهن و فالگرن یێن كو بانگه‌شه‌یا زانینا غه‌یبێ دكه‌ن)، ئه‌و ژی زێده‌تر ژ سه‌د دره‌وان تێكه‌لی وێ په‌یڤا ڕاست و دروست دكه‌ن))
ئه‌و ملله‌ته‌كه ئه‌گه‌ر عه‌بده‌كێ باش یان زه‌لامه‌كێ باش د ناڤ واندا مربا؛ دا مزگه‌فته‌كێ ل سه‌ر گۆڕێ وی ئاڤا كه‌ن
مافێ خودێ ل سه‌ر عه‌بدان ئه‌ڤه‌یه ئه‌و عیباده‌تێ وی ب تنێ بكه‌ن و چ شریكان بۆ دروست نه‌كه‌ن، مافێ عه‌بدان ژی ل سه‌ر خودێ ئه‌ڤه‌یه ئه‌و وی كه‌سی عه‌زاب نه‌ده‌ت یێ چ شریك بۆ وی دروست نه‌كربن
هه‌ر كه‌سێ بمریت و وی چ شریك و هه‌ڤال بۆ خودێ په‌یدا نه‌كربن؛ دێ چیته به‌حه‌شتێ و هه‌ر كه‌سێ بمریت و وی شریك و هه‌ڤال بۆ خودێ په‌یدا كربن؛ دێ چیته جه‌هنه‌مێ))
((عه‌دوا (ڤه‌گوهاستنا نه‌خۆشییێ ژ ئێكی بۆ ئێكی ب خۆرستی ئانكو ئه‌و ب خۆ كارتێكرنێ بكه‌ت) نينه (به‌لكی ئه‌و ب حه‌زا خودێیه)، طيه‌ره (فالگرتن ب بالنده‌یان و تشتێن دی) نينه و كه‌یفا من ب گه‌شبینییێ (فه‌ئلێ) دهێت)) گۆتن: فه‌ئل چییه؟ گۆت: ((په‌یڤا خۆش و جوانه))
ئه‌رێ ڤێجارێ ئه‌م به‌یعه‌تێ ل سه‌ر چ بده‌ینه ته؟ گۆت: ((ل سه‌ر هندێ كو خودێ بپه‌رستن و چ شریكان بۆ چێنه‌كه‌ن، هه‌ر پێنج نڤێژێن خۆ د ده‌مێ واندا بكه‌ن، و گوهدارییێ بكه‌ن -پاشی ب ده‌نگه‌كێ نزم په‌یڤه‌ك گۆت- و چ تشتان ژ خه‌لكی نه‌خوازن))
زه‌لامه‌ك هاته ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) و ده‌رباره‌ی كاره‌كی د گه‌ل ئاخڤت، پاشی گۆت: ئه‌وا خودێ بڤێت و ته بڤێت. ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((ئه‌رێ ته ئه‌ز كرمه هه‌ڤئاست و شریك بۆ خودێ؟ بێژه: ئه‌وا خودێ ب تنێ بڤێت))
