Xaddiis: (Qofka dhaha: laa ilaaha illa-llaah, ee ku gaalooba wax kastoo Ilaahay sokadii la caabudo Ilaahay wuu xarimay maalkiisa iyo dhiigiisaba, Ilaahay ayaana xisaabin doona)
عن طارق بن أشيم الأشجعي رضي الله عنه قال: سمعت رسول الله صلى الله عليه وسلم يقول:
«مَنْ قَالَ: لَا إِلَهَ إِلَّا اللهُ، وَكَفَرَ بِمَا يُعْبَدُ مِنْ دُونِ اللهِ حَرُمَ مَالُهُ وَدَمُهُ، وَحِسَابُهُ عَلَى اللهِ».
[صحيح] - [رواه مسلم] - [صحيح مسلم: 23]
المزيــد ...
Daariq Binu Ashiim Alashjaci Allaha ka raali ahaade wuxuu yiri: waxaan ka maqlay Rasuulka Ilaahay scw isagoo dhahaya:
(Qofka dhaha: laa ilaaha illa-llaah, ee ku gaalooba wax kastoo Ilaahay sokadii la caabudo Ilaahay wuu xarimay maalkiisa iyo dhiigiisaba, Ilaahay ayaana xisaabin doona).
[Xadiis Saxiix ah] - [Waxa wariyay Muslim] - [Saxiix Muslim - 23]
Nabigu scw wuxuu sheegay in qofka dhaha isagoo carabkiisana kaga dhawaaqaya:(laa ilaaha illa-llaah), macneheeduna yahay: majiro ilaah xaq lagu caabudo oo Ilaahay ahayn, oo iska diida waxa Ilaahay sokadii la caabudo, kana bari noqda diimaha aan islaamka ahayn oo dhan, qofkaa Ilaahay wuu ka xarimay muslimiinta, maalkiisa iyo naftiisaba, camalkiisa muuqda mooyaane wax kale daymon mayno, maalkiisa la xoogimaayo, dhiigiisa la daadin maayo, inuu danbi ama jariimo galo ay waajibto in dhiigiisa la daadiyo iyado axkaanta islaamka waafaqsan mooyee.
Ilaahay baana maamulaya xisaabtiisa maalinta qiyaamaha, hadduu runlow ahaa isagaa ka ajar siin, hadduu munaafaq noqdana isagaa cadaabin.
Faa'iidooyinka xaddiiska laga faa'iideysanayo waxaa kamid ah.
- Ku dhawaaqa (laa ilaaha illa-llaah) iyo ku gaalawga wax kastoo Ilaahay sokadii la caabudo shardi bay u tahay soo galida Islaamka.
- Macnaha (laa ilaaha illa-llaah) waa ku gaalowga wax kastoo Ilaahay sokodi la caabudo, sida sanamyada, qabuuraha, iyo qayrkood, iyo in Ilaahay loo kali yeelo cibaadada.
- Qofka la yimaadda tawxiidka una hogaansama shareecada islaamka si muuqata waxaa waajib ah, in la ammaan siiyo, ilaa laga arkayo oo ku caddaanayo wax arinkaa khilaafsan.
- Waa xaaraan maalka muslimka, dhiigiisa, cirdigiisa, xaq la'aan.
- Adduunka inta la joogo dadka waxa lagu xukumayaa waxa laga arko ee ay ficilkooda ku muujinayaan, aakhiro marka la tagana Ilaahay wayne niyadooda iyo qasdigooda ayuu kula xisaabtamin.
dheeraad/kordhin
- Xaddiis: Allaha lacnado Yuhuud iyo Nasaaro, qubuuraha nabiyadooda ayey masaajid ka dhigteen
- Xaddiis: ((Ha ku xad gudbina amaantayda siday ugu xad gudubtay Nasaaradu Ibnu Maryam, anigu waxaan ahay adoon Ilaahay ee i dhaha adoonka Ilaahay iyo Rasuulkiisa))
- Xaddiis: , qofka dadka ugu mudan shafaacadayda maalinta qiyaame, waa qofka qalbigiisa ama naftiisa si ikhlaas ah uga yiraahda laa ilaaha ilaa Allaah.)
- Xaddiis: Ilaahay ayaa janada gelinaaya camalkuu doono hawatee
- Xaddiis: qofka dhinta isagoo wax aan Ilaahay ahayn baryaaya naartuu galayaa
- Xaddiis: (Way halaagsameen kuwa diinta
- Xaddiis: Islaamku waa inaad qirto in Ilaahay maahee inuusan jirin Ilaah kaloo xaq lagu caabudo, Maxamedna Rasuulka Ilaahay yahay, oo aad salaada oogtid, sakadana bixisid, ramadaankana soontid, oo aad xajkana gudatid hadaad awoodo