ஹதீஸ்: அல்லாஹ்வைத் தவிர வேறு இறைவன் இல்லை என்று யார் (உறுதிமொழி) கூறி, (மக்களால்) வழிபாடு செய்யப்படும் இதர தெய்வங்களை நிராகரித்து விடுகிறாரோ அவரது உடைமையும், உயிரும் பாதுகாப்புப் பெற்றுவிடும். அவரது (அந்தரங்கம் குறித்த) விசாரணை அல்லாஹ்வின் பொறுப்பில் உள்ளது.
عن طارق بن أشيم الأشجعي مرفوعاً: "من قال لا إله إلا الله، وكَفَرَ بما يُعْبَدُ من دون الله حَرُمَ مالُه ودمُه وحِسابُه على الله".
[صحيح] - [رواه مسلم]
المزيــد ...
நபி (ஸல்) அவர்கள் கூறியதாக தாரிக் பின் அஷ்யம் அல்அஷ்ஜஈ (ரலி) அவர்கள் கூறினார்கள் : "அல்லாஹ்வைத் தவிர வேறு இறைவன் இல்லை (லாஇலாஹ இல்லல்லாஹ்) என்று யார் (உறுதிமொழி) கூறி, (மக்களால்) வழிபாடு செய்யப்படும் இதர தெய்வங்களை நிராகரித்து விடுகிறாரோ அவரது உடைமையும் உயிரும் பாதுகாப்புப் பெற்றுவிடும். அவரது (அந்தரங்கம் குறித்த) விசாரணை அல்லாஹ்வின் பொறுப்பில் உள்ளது".
ஸஹீஹானது-சரியானது - இதனை முஸ்லிம் பதிவு செய்துள்ளார்
ஒரு மனிதனைக் கொல்வதும், அவனது உடமையை அபகரிப்பதும் இரு விடயங்கள் ஒருங்கிணையும் போதே தவிர ஹராமாக மாட்டாது என நபியவர்கள் இந்நபிமொழியில் விளக்குகின்றார்கள். 1. லாஇலாஹ இல்லல்லாஹ் எனும் வார்த்தையை மொழிதல். 2. அல்லாஹ் அல்லாது வணங்கப்படுபவற்றை மறுக்க வேண்டும். இவ்விரு விடயங்களும் அவனிடம் காணப்பட்டால் வெளிப்படையாக அவனைப் பாதுகாப்பது அவசியமாகும்,உள்ரங்கத்தை அல்லாஹ்விடம் சாட்டிவிட வேண்டும், மதம் மாறுதல் போன்ற மரணதண்டனைக் குற்றம், ஸகாத் தர மறுத்தல், கடனைத் திருப்பிச் செலுத்துவதில் இழுத்தடித்தல் போன்ற உடமை, மானம் தொடர்பான குற்றச் செயல்களில் ஈடுபட்டாலே தவிர, .
ஹதீஸிலிருந்து பெறப்பட்ட சில பயன்கள்
- லாஇலாஹ இல்லல்லாஹ் என்பதன் அர்த்தம் சிலைகள், சமாதிகள் போன்ற அல்லாஹ் அல்லாது வணங்கப் படுபவற்றை மறுப்பதாகும்.
- அல்லாஹ் அல்லாது வணங்கப் படுபவற்றை மறுக்காமல் வெறுமனே லாஇலாஹ இல்லல்லாஹ் என மாத்திரம் மொழிவதால்- அதனை அறிந்து, செயல்பட்டாலும்- உயிருக்கோ, உடமைக்கோ உத்தரவாதம் கிடையாது. மாறாக அல்லாஹ் அல்லாது வணங்கப் படுபவற்றை மறுப்பதையும் அதனுடன் இணைக்க வேண்டும்.
- வெளிப்படையாக ஓரிறைக் கொள்கையை ஏற்று, அதன் சட்ட திட்டங்களைக் கடைபிடித்தால் அதற்கு முரணான விடயங்கள் தெளிவாகும் வரை அவனது உயிர், உடமைகளுக்குத் தீங்கிழைக்காது தடுத்துக் கொள்வது அவசியமாகும்.
- போர்க் களத்திலும் சரி ஒரு காபிர் இஸ்லாத்தில் இணைந்து விட்டால் அதற்கு முரணான நிலை அறியப்படும் வரை அவனது உயிர், உடமைகளுக்குத் தீங்கிழைக்காது தடுத்துக் கொள்வது அவசியமாகும்.
- ஒரு மனிதன் சிலவேளை லாஇலாஹ இல்லல்லாஹ் என்று கூறுவான், ஆனால் அல்லாஹ் அல்லாது வணங்கப் படுபவற்றை மறுக்க மாட்டான்.
- இவ்வுலகில் வெளிப்படையை வைத்தே தீர்ப்பு வழங்கப்படும். மறுமையில் எண்ணங்கள், நோக்கங்களை வைத்துத் தீர்ப்பளிக்கப்படும்.
- ஒரு முஸ்லிமின் உடமை, உயிர் புனிதமானது, தகுந்த காரணமின்றி அதற்கு சேதம் விளைவிக்க முடியாது.
- இஸ்லாம் ஒரு மனிதனின் உயிர், உடமைகளைப் பாதுகாப்பதால் அதன் சிறப்பு தெளிவாகின்றது.
- மார்க்க அடிப்படையில் விதியாகும் ஸகாத், அல்லது சேதம் விளைவித்ததற்காக நட்டஈடு வழங்க வைத்தல் போன்ற காரணங்களுக்காகத் தவிர ஒரு முஸ்லிமுடைய உடமையை அபகரிப்பது ஹராமாகும்.
பிரிவுகள்
மேலதிக விபரங்களுக்கு
- ஹதீஸ்: தங்கள் நபிமார்களின் அடக்கஸ்தலங்களை வணக்கத் தலங்களாக ஆக்கிய யூத கிறிஸ்தவர்களின் மீது அல்லாஹ்வின் சாபம் ஏற்படட்டும்!'' எனக் கூறி அவர்களின் செய்கை பற்றி எச்சரித்தார்கள். இந்த பயம் மட்டும் இல்லாதிருந்தால் நபி(ஸல்) அவர்களின் கப்ரும் திறந்த வெளியில் அமைக்கப்பட்டிருக்கும். எனினும் நபி (ஸல்) அவர்கள் இந்த விஷயத்தில் பயந்தே உள்ளார்கள்.
- ஹதீஸ்: (வளமும் உயர்வும் மிக்க அல்லாஹ் கூறினான்): நான் இணையாளர்களைவிட்டும் இணை கற்பித்தலைவிட்டும் அறவே தேவையற்றவன். யாரேனும் என்னுடன் பிறரையும் இணையாக்கி (எனக்காகவும் பிறருக்காகவும்) நற்செயல் புரிந்தால்,அவனையும் அவனது இணைவைப்பையும் (தனியே) விட்டுவிடுவேன்.
- ஹதீஸ்: "உங்களில் ஒருவர் என் (தேவைகளுக்காக நான் அணுகும்) உற்ற தோழராக இருப்பதிலிருந்து (விலகி) நான் அல்லாஹ்வையே சார்ந்திருக்கிறேன். ஏனெனில், உயர்வுக்குரிய அல்லாஹ் இப்ராஹீம் (அலை) அவர்களை (தன்) உற்ற தோழராக ஆக்கிக்கொண்டதைப் போன்று என்னையும் (தன்) உற்ற தோழனாக ஆக்கிக்கொண்டான். நான் என் சமுதாயத்தாரில் ஒருவரை என் உற்ற தோழராக ஆக்கிக்கொள்வதாயிருந்தால் அபூபக்ர் அவர்களையே நான் என் உற்ற தோழராக ஆக்கிக்கொண்டிருப்பேன்.
- ஹதீஸ்: "கிறிஸ்தவர்கள் மர்யமின் புதல்வரை (ஈஸாவை) உயர்த்தியதைப் போன்று என்னை நீங்கள் உயர்த்திட வேண்டாம், நான் ஓர் அடியானே, எனவே அல்லாஹ்வின் அடியார், தூதர் என்றே கூறுங்கள்".
- ஹதீஸ்: மக்களில் உமது பரிந்துரைக்கு மிகத் தகுதியானவர் யார்? "உளத்தூய்மையுடன் லாஇலாஹ இல்லல்லாஹ் எனக் கூறியவர்" என்றார்கள்.
- ஹதீஸ்: வணக்கத்திற்குரியவன் அல்லாஹ்வைத் தவிர வேறெவருமில்லை' என்றும் 'முஹம்மது அல்லாஹ்வின் அடியாரும் அவனுடைய தூதரும் ஆவார்' என்றும் 'ஈஸா(அலை) அவர்கள் அல்லாஹ்வின் அடியாரும அவனுடைய தூதரும் ஆவார்' என்றும், 'அல்லாஹ் மர்யமை நோக்கிச் சொன்ன ('ஆகுக!' என்னும்) ஒரு வார்ததை(யால் பிறந்தவர்)' என்றும், 'அவனிடமிருந்து (ஊதப்பட்ட) ஓர் உயிர்' என்றும், சொர்க்கம், நரகம் (இருப்பது) உண்மை தான்' என்றும், (சொல்லால் உரைத்து, உள்ளத்தால் நம்பி) உறுதிமொழி கூறுகிறவரை அல்லாஹ் அவரின் செயல்களுக்கேற்ப சொர்க்கத்தில் புகுத்துவான்'
- ஹதீஸ்: அல்லாஹ்வுக்கு நிகராக வேறொருவரை அழைக்கும் நிலையில் மரணித்தவர் நரகில் நுழைவார்.