ഹദീസ്: ആരെങ്കിലും 'ലാ ഇലാഹ ഇല്ലല്ലാഹ്' എന്ന് പറയുകയും, അല്ലാഹുവിന് പുറമെ ആരാധിക്കപ്പെടുന്നവയെ നിഷേധിക്കുകയും ചെയ്താൽ അവന്റെ സമ്പാദ്യവും രക്തവും പവിത്രമായി തീർന്നിരിക്കുന്നു. അവന്റെ വിചാരണ അല്ലാഹുവിങ്കലാണ്.
عن طارق بن أشيم الأشجعي مرفوعاً: "من قال لا إله إلا الله، وكَفَرَ بما يُعْبَدُ من دون الله حَرُمَ مالُه ودمُه وحِسابُه على الله".
[صحيح] - [رواه مسلم]
المزيــد ...
ത്വാരിഖ് ബ്നു അശ്യം അൽ-അശ്ജഈ -رَضِيَ اللَّهُ عَنْهُ- നിവേദനം: നബി -ﷺ- പറഞ്ഞു: "ആരെങ്കിലും 'ലാ ഇലാഹ ഇല്ലല്ലാഹ്' എന്ന് പറയുകയും, അല്ലാഹുവിന് പുറമെ ആരാധിക്കപ്പെടുന്നവയെ നിഷേധിക്കുകയും ചെയ്താൽ അവന്റെ സമ്പാദ്യവും രക്തവും പവിത്രമായിതീർന്നിരിക്കുന്നു. അവന്റെ വിചാരണ അല്ലാഹുവിങ്കലാണ്."
സ്വഹീഹ് - മുസ്ലിം ഉദ്ധരിച്ചത്
രണ്ട് കാര്യങ്ങൾ ഒരുമിക്കുമ്പോഴല്ലാതെ ഒരാളെ വധിക്കുന്നതോ അവന്റെ സമ്പാദ്യം എടുക്കുന്നതോ നിഷിദ്ധമാവില്ല എന്ന് നബി -ﷺ- വിശദീകരിക്കുന്നു. ഒന്ന്: ലാ ഇലാഹ ഇല്ലല്ലാഹ് എന്ന് പറയൽ. രണ്ട്: അല്ലാഹുവിന് പുറമെ ആരാധിക്കപ്പെടുന്നവയെ നിഷേധിക്കൽ. ഈ രണ്ട് കാര്യങ്ങളും ഒരാളിൽ ഒരുമിച്ചു ചേർന്നാൽ അവനെ ഉപദ്രവിക്കുന്നതിൽ നിന്ന് വിട്ടുനിൽക്കുകയും, അവന്റെ ഹൃദയത്തിലുള്ളത് എന്താണെന്നത് അല്ലാഹുവിലേക്ക് വിട്ടുകൊടുക്കുകയും ചെയ്യണം. ഇസ്ലാം പരിത്യാഗം പോലെ അവനെ വധിക്കുന്നത് അനുവദനീയമാക്കുന്ന എന്തെങ്കിലും കാര്യം അവൻ പ്രവർത്തിച്ചാൽ ഈ പവിത്രത നഷ്ടപ്പെടും. സകാത്ത് നൽകാതെ തടഞ്ഞു വെച്ചാൽ അവൻറെ സമ്പത്തിൻറെ പവിത്രതയും, കടം വീട്ടുന്നതിൽ (അന്യായമായി) അലസത പുലർത്തിയാൽ അഭിമാനത്തിനുള്ള പവിത്രതയും നഷ്ടപ്പെടും.
ഹദീഥിൻ്റെ പാഠങ്ങളിൽ നിന്ന്
- * അല്ലാഹുവിന് പുറമെ ആരാധിക്കപ്പെടുന്ന വിഗ്രഹങ്ങളെയും ഖബ്റുകളെയും മറ്റുമെല്ലാം നിഷേധിക്കുക എന്നതാണ് ലാ ഇലാഹ ഇല്ലല്ലാഹ് എന്നതിന്റെ അർത്ഥം.
- * അല്ലാഹുവിന് പുറമെ ആരാധിക്കപ്പെടുന്നവയെ നിഷേധിക്കാതെ കേവലം ലാ ഇലാഹ ഇല്ലല്ലാഹ് എന്നത് നാവ് കൊണ്ട് ഉച്ചരിക്കുന്നത് - അല്ലെങ്കിൽ അതിന്റെ അർത്ഥം അറിയുകയും പ്രാവർത്തികമാക്കുകയും ചെയ്യുന്നത് - ഒരാളുടെ ജീവനോ സമ്പാദ്യത്തിനോ പവിത്രത നൽകുകയില്ല. മറിച്ച് അല്ലാഹുവിന് പുറമെ ആരാധിക്കപ്പെടുന്നവയെ നിഷേധിക്കുക എന്നത് ഈ പറഞ്ഞതിനോടൊപ്പം നിർബന്ധമായും ഉണ്ടാകേണ്ടതുണ്ട്.
- * ആരെങ്കിലും അല്ലാഹുവിനെ മാത്രം ആരാധിക്കുക എന്ന തൗഹീദ് പ്രാവർത്തികമാക്കുകയും, ഇസ്ലാമിക മതനിയമങ്ങൾ പ്രകടമായി പാലിക്കുകയും ചെയ്യുന്നെങ്കിൽ അവനെ യാതൊരു ഉപദ്രവവുമേൽപ്പിക്കരുത്. അതിന് വിരുദ്ധമായത് അവനിൽ നിന്ന് വ്യക്തമാകുന്നത് വരെ.
- * കാഫിറായ ഒരു മനുഷ്യൻ ഇസ്ലാമിൽ പ്രവേശിച്ചാൽ അവനെ യാതൊരു ഉപദ്രവവുമേൽപ്പിക്കരുത്. യുദ്ധത്തിനിടയിലാണെങ്കിൽ പോലും ഈ വിധി ബാധകമാണ്; അതിന് വിരുദ്ധമായി വല്ലതും പ്രകടമാകുന്നത് വരെ.
- * ഒരാൾ ചിലപ്പോൾ ലാ ഇലാഹ ഇല്ലല്ലാഹ് എന്ന വാക്ക് ഉച്ചരിക്കുകയും, എന്നാൽ അല്ലാഹുവിന് പുറമെ ആരാധിക്കപ്പെടുന്നവയെ നിഷേധിക്കാതിരിക്കുകയും ചെയ്യുന്ന അവസ്ഥ ഉണ്ടായേക്കാം.
- * ഇഹലോകത്ത് മനുഷ്യരെ കുറിച്ച് വിധിപറയാനുള്ള അടിസ്ഥാനം അവരിൽ നിന്ന് ബാഹ്യമായി കാണുന്ന കാര്യങ്ങൾ മാത്രമാണ്. എന്നാൽ പരലോകത്ത് ഉദ്ദേശവും (പ്രവർത്തനങ്ങളുടെ പിന്നിലുള്ള) ലക്ഷ്യങ്ങളുമായിരിക്കും മാനദണ്ഡം.
- * മുസ്ലിമിന്റെ സമ്പാദ്യവും രക്തവും നിഷിദ്ധമാണ്; (ഇസ്ലാമിക വിധിവിലക്കുകൾ അറിയിച്ചതു പ്രകാരമുള്ള) ന്യായമായ കാരണമുണ്ടെങ്കിൽ ഒഴികെ.
- * ഇസ്ലാമിന്റെ ശ്രേഷ്ഠത; ഇസ്ലാം സ്വീകരിക്കുന്നവന്റെ രക്തത്തിനും സമ്പാദ്യത്തിനും അത് പവിത്രത നൽകുന്നു.
- * മുസ്ലിമിന്റെ സമ്പാദ്യം എടുക്കുക എന്നത് നിഷിദ്ധമാകുന്നു; മതനിയമങ്ങളുടെ അടിത്തറയിൽ നിശ്ചയിക്കപ്പെട്ട സകാത്തും, എന്തെങ്കിലും നാശനഷ്ടങ്ങൾ വരുത്തിവെച്ചാൽ നൽകേണ്ട നഷ്ടപരിഹാരങ്ങളും ഒഴികെ.
വിഭാഗങ്ങൾ
കൂടുതൽ
- ഹദീസ്: "യഹൂദ നസ്വാറാക്കൾക്ക് മേൽ അല്ലാഹുവിൻ്റെ ശാപമുണ്ടാകട്ടെ! അവരുടെ നബിമാരുടെ ഖബറുകളെ അവർ മസ്ജിദുകളാക്കി." നബി -ﷺ- അവരുടെ പ്രവർത്തിയിൽ നിന്ന് താക്കീത് നൽകുകയായിരുന്നു. അതല്ലായിരുന്നെങ്കിൽ നബി -ﷺ- യുടെ ഖബർ (ജനങ്ങൾക്ക് കാണാവുന്ന രൂപത്തിൽ) വെളിവാക്കപ്പെടുമായിരുന്നു. എന്നാൽ അവിടുത്തെ ഖബ്ർ മസ്ജിദാക്കപ്പെടുമെന്ന് ഭയപ്പെട്ടു.
- ഹദീസ്: എന്നില് പങ്കുചേര്ക്കുന്നവരുടെ പങ്കുചേര്ക്കലുകളില് നിന്നെല്ലാം ഞാന് മുക്തനാണ്. അതിനാല് ആരെങ്കിലും വല്ല പ്രവൃത്തിയിലും എന്നോടൊപ്പം മറ്റാരെയെങ്കിലും പങ്കുചേര്ത്താല് അവനെയും അവന് പങ്കുചേര്ത്തതിനെയും ഞാന് ഉപേക്ഷിക്കും
- ഹദീസ്: "നിങ്ങളിൽ നിന്നും എനിക്ക് ഒരു കൂട്ടുകാരൻ (ഖലീൽ) ഉണ്ടാകുന്നതിൽ നിന്ന് ഞാൻ അള്ളാഹുവിൽ അഭയം തേടുകയാണു, കാരണം അള്ളാഹു എന്നെ കൂട്ടുകാരനായി സ്വീകരിച്ചിരിക്കുന്നു, അള്ളാഹു. ഇബ്രാഹീമിനെ. കൂട്ടുകാരനായി സ്വീകരിച്ചത് പോലെ; എന്റെ ഉമ്മത്തിൽ നിന്നും വല്ലവരെയും ഞാൻ കൂട്ടുകാരനാക്കുമായിരുന്നെങ്കിൽ ഞാൻ അബൂബക്കറിനെ കൂട്ടുകാരനായി സ്വീകരിക്കുമായിരുന്നു."
- ഹദീസ്: നസ്വാറാക്കൾ മർയമിൻ്റെ മകനെ അമിതമായി പുകഴ്ത്തിയതു പോലെ നിങ്ങൾ എന്നെ അമിതമായി പുകഴ്ത്തരുത്. ഞാൻ അല്ലാഹുവിൻ്റെ അടിമ മാത്രമാണ്. അതിനാൽ അല്ലാഹുവിൻ്റെ അടിമയും അവൻ്റെ ദൂതനുമാണ് എന്ന് പറഞ്ഞു കൊള്ളുക.
- ഹദീസ്: "ആരാണ് അങ്ങയുടെ ശുപാർശ കൊണ്ട് ഏറ്റവും ഭാഗ്യം ലഭിച്ചവർ." നബി -ﷺ- പറഞ്ഞു: "തൻ്റെ ഹൃദയത്തിൽ നിന്ന് നിഷ്കളങ്കമായി ലാ ഇലാഹ ഇല്ലല്ലാഹ് (അല്ലാഹുവല്ലാതെ ആരാധനക്ക് അർഹനായി മറ്റാരുമില്ല) എന്ന് പറഞ്ഞവനാണ്."
- ഹദീസ്: അല്ലാഹുവല്ലാതെ ആരാധനക്ക് അർഹനായി മറ്റാരുമില്ലെന്നും (ലാ ഇലാഹ ഇല്ലല്ലാഹ്), (ആരാധിക്കപ്പെടാനുള്ള അർഹത) അവന് മാത്രമേയുള്ളുവെന്നും, അതിൽ അവന് ഒരു പങ്കാളിയും ഇല്ലെന്നും, മുഹമ്മദ് നബി -ﷺ- അല്ലാഹുവിൻ്റെ അടിമയും അവൻ്റെ ദൂതനുമാണെന്നും (മുഹമ്മദുൻ അബ്ദുഹു വ റസൂലുഹു), ഈസ -عَلَيْهِ السَّلَامُ- അല്ലാഹുവിൻ്റെ അടിമയും അവൻ്റെ ദൂതനും, മർയമിലേക്ക് ഇട്ടുനൽകിയ അല്ലാഹുവിൻ്റെ വചനവും, അവൻ്റെ പക്കൽ നിന്നുള്ള ആത്മാവുമാണെന്നും, സ്വർഗം സത്യമാണെന്നും, നരകം സത്യമാണെന്നും ഒരാൾ സാക്ഷ്യം വഹിച്ചാൽ - അവൻ്റെ പ്രവർത്തനത്തിൻ്റെ അടിസ്ഥാനത്തിൽ - അല്ലാഹു അവനെ സ്വർഗത്തിൽ പ്രവേശിപ്പിക്കുന്നതാണ്.
- ഹദീസ്: "ആരെങ്കിലും അല്ലാഹുവിനു പുറമെ മറ്റു വല്ല സമന്മാരെയും വിളിച്ചുതേടുന്നവനായിക്കൊണ്ട് മരിച്ചാൽ അവൻ നരകത്തിൽ പ്രവേശിക്കുന്നതാണ്."