Hadithi: Uzavuga ati: LA ILAHA ILA LLAH: Nta yindi mana ikwiye kugaragirwa by'ukuri, agahakana ibindi bigaragirwa bitari Allah, icyo gihe umutungo we n'amaraso ye biba ari ikizira, ibarura rye rikaba kwa Allah
عن طارق بن أشيم الأشجعي رضي الله عنه قال: سمعت رسول الله صلى الله عليه وسلم يقول:
«مَنْ قَالَ: لَا إِلَهَ إِلَّا اللهُ، وَكَفَرَ بِمَا يُعْبَدُ مِنْ دُونِ اللهِ حَرُمَ مَالُهُ وَدَمُهُ، وَحِسَابُهُ عَلَى اللهِ».
[صحيح] - [رواه مسلم] - [صحيح مسلم: 23]
المزيــد ...
Hadithi yaturutse kwa Twariq Ibun Ashim Al Ash'djaiyu (Imana imwishimire) yaravuze ati: Numvise Intumwa y'Imana (Imana iyihe amahoro n'imigisha) ivuga iti:
"Uzavuga ati: LA ILAHA ILA LLAH: Nta yindi mana ikwiye kugaragirwa by'ukuri, agahakana ibindi bigaragirwa bitari Allah, icyo gihe umutungo we n'amaraso ye biba ari ikizira, ibarura rye rikaba kwa Allah."
[Hadithi y'impamo] - [Yakiriwe na Muslim] - [Swahih Muslim - 23]
Intumwa y'Imana (Imana iyihe amahoro n'imigisha) iragaragaza ko umuntu uvuze akanahamya n'ururimi rwe ko nta yindi mana ikwiye kugaragirwa usibye Allah, agahakana ibindi bigaragirwa mu cyimbo cye, akitandukanya n'andi madini atari Isilamu, icyo gihe umutungo we n'amaraso ye biba bibaye ikizira ku bayisilamu, twe tureba ibigaragara mu bikorwa akora. Icyo gihe ntiyamburwa umutungo we, ndetse nta n'ubwo yicwa, cyeretse akoze icyaha gikomeye cyangwa se ubundi bugome busaba ko yicwa mu mategeko ya Isilamu.
Allah akaba ari we uzamucira urubanza ku munsi w'imperuka, niba ari umunyakuri akabimuhembera, niba ari indyarya akabimuhanira.
Zimwe mu nyungu dukura muri Hadithi.
- Kuvuga ijambo LA ILAHA ILA LLAH, no guhakana ibigaragirwa bindi mu cyimbo cye, ni cyo cya mbere umuntu asabwa kugira ngo abe umuyisilamu.
- Igisobanuro cy'ijambo (LA ILAHA ILA LLAH) ni uguhakana icyo ari cyo cyose kigaragirwa mu cyimbo cya Allah, mu bishushanyo, imva n'ibindi, ndetse no kumuharira (Allah) kugaragirwa.
- Uwemeye (Tawhid), akitwararika amategeko ategetswe mu bigaragara, dutegetswe kumureka cyeretse agaragaweho n'ibinyuranye nabyo.
- Umutungo, amaraso n' icyubahiro by'umuyisilamu ni ikizira kubimuvutsa cyeretse biri mu kuri abikwiye.
- Hano ku isi, dushingira ku bigaragara, naho ku munsi w'imperuka hazashingirwa ku migambi n'ibyo umuntu yari agamije.
Ibyiciro
Ibirenzeho.
- Hadithi: Umuvumo wa Allah uzabe ku bayahudi n'abanaswara, bafashe imva zishyinguyemo Intumwa zabo bazigira imisigiti (aho gusengera)
- Hadithi: Njyewe ndihagije sinkeneye kubangikanywa n’ikindi kintu. Uzakora igikorwa icyo ari cyo cyose ambangikanyijemo n’ikindi kintu, ntabwo nkimwakirira
- Hadithi: Mpakanye ko nagira muri mwe inshuti magara, kubera ko Allah yangize inshuti ye magara nkuko Ibrahim yamugize inshuti ye magara
- Hadithi: Ntimuzankabirize nkuko abakirisitu bakabirije mwene Mariya, kuberako njye ndi umugaragu we, bityo mujye muvuga muti; Ndi umugaragu wa Allah nkaba n'Intumwa ye
- Hadithi: umuntu uzabona ubuvugizi bwanjye ku munsi w'imperuka, ni uwo ari we wese wavuze LA ILAHA ILA LLAH: Nta yindi mana ikwiye gusengwa by'ukuri uretse Allah, abikuye ku mutima we cyangwa se muri we bimurimo
- Hadithi: Allah azamwinjiza mu ijuru kubera ibyo yakoze
- Hadithi: Uzapfa asaba ikindi kitari Allah mu cyimbo cya Allah azinjira mu muriro