ဟဒီးဆ်: အကြင်သူသည် “လာအိလာဟ အိလ္လလ္လာဟ်”အား ရွတ်ဆိုပြီး အလ္လာဟ်အရှင်မြတ်မှအပ ခဝပ်ကိုးကွယ်ခံရသော အရာများကို ငြင်းပယ်ခဲ့ပါက ၎င်း၏ ပစ္စည်းဥစ္စာနှင့်အသက်သွေးတို့သည် (အခြားသူတစ်ဦးအတွက်)ဟရာမ်ဖြစ်သွားချေပြီ။ ၎င်းအား စာရင်းစစ်ဆေးခြင်းသည် အလ္လာဟ်အရှင်မြတ်နှင့်သာ သက်ဆိုင်ပေသည်။
عن طارق بن أشيم الأشجعي مرفوعاً: "من قال لا إله إلا الله، وكَفَرَ بما يُعْبَدُ من دون الله حَرُمَ مالُه ودمُه وحِسابُه على الله".
[صحيح] - [رواه مسلم]
المزيــد ...
သွာရိက် ဗင်န် အရှီးမ် အလ်အရှ်ဂျအီ (ရဿွိယလ္လာဟုအန်ဟု)က ဆင့်ပြန်ခဲ့သည်။ တမန်တော်မြတ်(ဆွလ္လလ္လာဟုအလိုင်ဟိဝစလ္လမ်) မိန့်ကြားတော်မူသည်။ အကြင်သူသည် ကလိမာတော် “လာအိလာဟ အိလ္လလ္လာဟ်”အား ရွတ်ဆိုပြီး အလ္လာဟ်အရှင်မြတ်မှအပ ခဝပ်ကိုးကွယ်ခံရသော အရာများကို ငြင်းပယ်ခဲ့ပါက ၎င်း၏ ပစ္စည်းဥစ္စာနှင့်အသက်သွေးတို့သည် (အခြားသူတစ်ဦးအတွက်)ဟရာမ်ဖြစ်သွားချေပြီ။ ၎င်းအား စာရင်းစစ်ဆေးခြင်းသည် အလ္လာဟ်အရှင်မြတ်နှင့်သာ သက်ဆိုင်ပေသည်။
[ဤဟဒီးဆ်သည် ဆွဟီးဟ် အဆင့်ရှိသည်။] - [မွတ်စ်လင်မ်ကျမ်း။]
တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)က ဤဟဒီးဆ်တော်၌ ရှင်းပြထားသည်မှာ လူတစ်ဦးတွင် အချက်နှစ်ချက်ရှိပါက ၎င်းအားသတ်ဖြတ်ခြင်းနှင့် ၎င်း၏ဥစ္စာပစ္စည်းအား သိမ်းပိုက်ခြင်း ဟရာမ်ဖြစ်သည်။ ထိုနှစ်ချက်မှာ- (၁)“လာအိလာဟ အိလ္လလ္လာဟ်”အလ္လာဟ်အရှင်မြတ်မှအပ ခဝပ်ကိုးကွယ်ခြင်း ခံထိုက်သောအရှင် လုံးဝမရှိကြောင်းကို ဝန်ခံထွက်ဆိုခြင်း၊ (၂) အလ္လာဟ်အရှင်မြတ်မှအပ ခဝပ်ကိုးကွယ်ခြင်းခံရသော အရာများကို ငြင်းပယ်ခြင်းတို့ဖြစ်သည်။ လူတစ်ဦး၌ ဖော်ပြပါအချက် နှစ်ချက် ပြည့်စုံသွားပါက ၎င်း၏အပြင်ပိုင်းအခြေအနေအရ သူ့အား ထိခိုက်နစ်နာအောင်ပြုပိုင်ခွင့် မရှိတော့ပေ။ ၎င်း၏ အတွင်းပိုင်းအား အလ္လာဟ်အရှင်မြတ်ထံတော်သို့သာ လွှဲအပ်ထားရမည်။ အကယ်၍ ၎င်းသည် တရားတော်ကသတ်ဖြတ်ရန် ခွင့်ပြုထားသည့်ကိစ္စ ဥပမာ- အစ္စလာမ်ကိုလက်ခံပြီးနောက် ကာဖိရ်ဖြစ်သွားခြင်း၊ သို့မဟုတ် တရားတော်ကဥစ္စာပစ္စည်းကို သိမ်းပိုက်ခွင့်ပြုထားသည့်ကိစ္စ ဥပမာ- ဇကာသ် ပေးရမည့် တာဝန်မှ ရှောင်လွှဲခြင်း၊ သို့မဟုတ် တရားတော်က ဂုဏ်သိက္ခာကို ထိပါးခွင့်ပြုထားသည့်ကိစ္စ ဥပမာ-အကြွေးဆပ်ရန် ကတိမတည်ဘဲ အချိန်ဆွဲနေခြင်း စသည်တို့ကို မကျူးလွန်သရွေ့ ထိခိုက်နစ်နာအောင် ပြုပိုင်ခွင့်မရှိပေ။
ဟဒီးဆ်မှ သိမှတ်ဖွယ်ရာများ
- “လာအိလာဟအိလ္လလ္လာဟ်” ၏အဓိပ္ပါယ်မှာ အလ္လာဟ်အရှင်မြတ်မှအပ ခဝပ်ကိုးကွယ်ခြင်းခံရသော ရုပ်တုများ၊ ကဗရ် သင်္ချိုင်းများနှင့် အခြားသော ကိုးကွယ်ရာများကို ငြင်းပယ်ခြင်းဖြစ်သည်။
- “လာအိလာဟအိလ္လလ္လာဟ်”ကိုနှုတ်ဖြင့်သာရွတ်ဆိုပြီး အလ္လာဟ်အရှင်မြတ်မှအပ ခဝပ်ကိုးကွယ်ခြင်းခံရသောအရာများကို ငြင်းပယ်ခြင်းမပြုပါက ထိုသူသည် ကလိမဟ်၏ အဓိပ္ပါယ်ကိုသိပြီး လက်တွေ့ကျင့်သုံး နေလျှင်လည်း ထိုသို့ ငြင်းပယ်မှု မရှိသေးသမျှ ကာလပတ်လုံး အသက်နှင့် ဥစ္စာပစ္စည်းတို့သည် ကာကွယ်ပေးခြင်းခံရမည်မဟုတ်ပေ။
- အကြင်သူသည် သောင်ဟီးဒ်တရားကို လက်ခံပြီး ရှရီအဟ်တရားတော်၏ အမိန့်ပညတ်ချက်များကို အပြင်ပိုင်းအားဖြင့် လိုက်နာကျင့်သုံးနေပါက ၎င်းထံမှ ရှရီအဟ်တရားတော်နှင့် ဆန့်ကျင်သည့်ကိစ္စ တစ်စုံတစ်ရာ မပေါ်လွင်သေးသမျှ ကာလပတ်လုံး ၎င်း၏ ပစ္စည်းဥစ္စာနှင့် အသက်ကို ထိခိုက်နစ်နာအောင် ပြုလုပ်ခွင့်မရှိပါ။
- စစ်ဖြစ်နေသည့် အချိန်အခါတွင်ဖြစ်စေ ကာဖိရ်တစ်ဦးသည် အစ္စလာမ်သာသနာကို လက်ခံလိုက်ပါက ၎င်းသည် အစ္စလာမ်နှင့်ဆန့်ကျင်ဘက် တစ်စုံတစ်ရာကိုကျူးလွန်ကြောင်း သေချာမသိသေးသမျှ ၎င်းအား အကာအကွယ်ပေးရန် တာဝန်ရှိသည်။
- တစ်ခါတစ်ရံ လူသားသည် “လာအိလာဟအိလ္လလ္လာဟ်”ကို ရွတ်ဆိုသော်လည်း အလ္လာဟ်အရှင်မြတ်မှအပ ခဝပ်ကိုးကွယ်ခြင်းခံရသောအရာများကို ငြင်းပယ်ခြင်းမပြုပေ။
- လောကီ၏ တရားစီရင်ရေးသည် ထင်သာမြင်သာရှိသော အပြင်ပိုင်းကိုသာ အခြေခံသော်လည်း နောင်တမလွန်ဘဝ၌မူ ရည်စူးချက်များနှင့်ရည်ရွယ်ချက်များပေါ် မူတည်၍ တရားစီရင်မည်ဖြစ်သည်။
- တရားတော်က သတ်မှတ်ထားသည့် ခိုင်လုံသော သက်သေ အထောက်အထားမရှိဘဲ မွတ်စ်လင်မ်တစ်ဦး၏ အသက်၊ ပစ္စည်းဥစ္စာတို့အား ထိခိုက်နစ်နာအောင် ပြုလုပ်ခွင့်မရှိပေ။
- အစ္စလာမ်သည် အစ္စလာမ်သာသနာသို့ ကူးပြောင်းလာသူ၏ အသက်နှင့် ပစ္စည်းဥစ္စာတို့အား ကာကွယ်စောင့်ရှောက်ပေးသည်။
- ရှရီအဟ်တရားတော်အရ သတ်မှတ်ထားသော ဇကာသ်နှင့် ထိခိုက်နစ်နာအောင် လုပ်သည့်အတွက် ဒဏ်ရိုက်ခြင်းကဲ့သို့သော ကိစ္စမျိုးမှလွဲ၍ မွတ်စ်လင်မ်တစ်ဦး၏ ဥစ္စာပစ္စည်းအား ရယူပိုင်ခွင့်မရှိပေ။
အမျိုးအစားများ
ထပ်၍
- ဟဒီးဆ်: ယဟူဒီနှင့် နဆွ်ရာနီတို့အပေါ်တွင် အလ္လာဟ်အရှင်မြတ်၏ (လအ်နသ်)ကရုဏာကင်းဝေးမှု ကျရောက်ပါစေ။ ၎င်းတို့သည် မိမိတို့တမန်တော်များ၏ ကဗရ်သင်္ချိုင်းများကို စဂျ်ဒဟ်ဦးချရာနေရာများအဖြစ် သတ်မှတ်ခဲ့ကြသည်။ကိုယ်တော်မြတ်သည် မိမိ၏နောက်လိုက်သားတို့အား ၎င်း(ယဟူဒ်၊နဆွာရာ)တို့လုပ်ကြသကဲ့သို့(မလုပ်ကြရန်) သတိပေးခြိမ်းခြောက်တော်မူသည်။ ထိုသို့ဖြစ် လာမည်ကို မစိုးရိမ်ရပါက ကိုယ်တော်၏ကဗရ်အား ပေါ်လွင်ထင်ရှားစွာ ထားမည်ဖြစ်သည်။ သို့သော် ကိုယ်တော်သည် ကဗရ်အား စဂ်ျဒဟ်ဦးချရာနေရာအဖြစ် သတ်မှတ်မည်ကို စိုးရိမ်ခဲ့သည်။
- ဟဒီးဆ်: ငါအရှင်မြတ်သည် ဖက်စပ်ကိုးကွယ်သူတို့၏ ဖက်စပ်ကိုးကွယ်ခြင်းမှ ကင်းရှင်းတော်မူသည်။ အကြင်သူသည် အမလ်ကောင်းမှုပြုလုပ်ရာတွင် ငါအရှင်မြတ်နှင့်အတူ အခြားတစ်စုံတစ်ရာကို ဖက်စပ်ကိုးကွယ်ခဲ့လျှင် ငါအရှင်မြတ်သည် ထိုသူနှင့် သူ၏ဖက်စပ်ကိုးကွယ်မှုကိုပါ စွန့်ပစ်တော်မူသည်။
- ဟဒီးဆ်: ငါကိုယ်တော်သည် အသင်တို့အနက် တစ်ဦးတစ်ယောက်အား ငါကိုယ်တော်အတွက် အချစ်တော်၊အဆွေတော်အဖြစ် သတ်မှတ်ခြင်းမှ အလ္လာဟ်အရှင်မြတ်ထံတွင် ကင်းရှင်းတော်မူသည်။ အမှန်တကယ်ပင် အလ္လာဟ်အရှင်မြတ်သည် အိဗ်ရာဟီမ်(အလိုင်ဟိစ္စလာမ်)အား (ခလီလ်)အချစ်တော်၊ အဆွေတော်အဖြစ်သတ်မှတ်ခဲ့သလို ငါကိုယ်တော်အားလည်း အချစ်တော်၊ အဆွေတော်အဖြစ်သတ်မှတ်တော်မူခဲ့သည်။ အကယ်၍ ငါကိုယ်တော်သည် ငါ၏နောက်လိုက်သားတို့အနက်မှ အချစ်တော်၊ အဆွေတော်သတ်မှတ်ရမည်ဆိုလျှင် မုချအဗူဗကရ်(ရဿွိရလ္လာဟုအန်ဟု)အား သတ်မှတ်မည်ဖြစ်သည်။
- ဟဒီးဆ်: နဆ်ွရာနီတို့သည် မရ်ယမ်၏သားတော် (အီစာ) (အလိုင်ဟိစ္စလာမ်)အား အတိုင်းထက်အလွန် ကြည်ညိုအမွှမ်းတင်ကြသကဲ့သို့ သင်တို့သည်လည်း ငါကိုယ်တော်အား အတိုင်းထက်အလွန် ကြည်ညိုအမွှမ်းတင်ခြင်း မပြုကြလေနှင့်။ ငါကိုယ်တော်သည် ကျွန်တစ်ဦးသာဖြစ်သည်။ ထို့ကြောင့် ငါကိုယ်တော်အားအလ္လာဟ်အရှင်မြတ်၏ကျွန်နှင့် အရှင်မြတ်၏ ရစူလ်တမန်တော်ဟူ၍သာ အသင်တို့ပြောဆိုကြပါ။
- ဟဒီးဆ်: ကိုယ်တော်၏ ရှဖာအသ်ကြားဝင်အသနားခံပေးမှုဖြင့် နဖူးစာအကောင်းဆုံးဖြစ်မည့်သူမှာ မည်သူပါနည်း။ ကိုယ်တော်က မိန့်ကြားတော်မူသည် ထိုသူမှာ မိမိနှလုံးသားထဲမှ အရှင်မြတ်အတွက်သာ ရည်စူး၍ (လာအိလာဟအိလ္လလ္လာဟ်)အလ္လာဟ်အရှင်မြတ်မှအပ အခြားခဝပ်ကိုးကွယ်ခြင်းခံထိုက်သော အရှင်မရှိ ဟူ၍ ပြောဆိုခဲ့သူဖြစ်သည်။
- ဟဒီးဆ်: အကြင်သူသည် တစ်ပါးတည်းဖြစ်တော်မူသော၊ ဖက်စပ်ယှဉ်တွဲခြင်းကင်းသော အလ္လာဟ်အရှင်မြတ်မှအပ အခြားခဝပ်ကိုးကွယ်ခံထိုက်တော်မူသော အရှင်မရှိကြောင်းနှင့် မုဟမ္မဒ်သည် အလ္လာဟ်အရှင်မြတ်၏ ကျွန်နှင့် ရစူလ်တမန်တော်ဖြစ်တော်မူကြောင်း၊ အီစာ (အလိုင်ဟိစ္စလာမ်)သည် အလ္လာဟ်အရှင်မြတ်၏ ကျွန်နှင့် ရစူလ်တမန်တော်ဖြစ်တော်မူပြီး မရ်ယမ်သခင်မထဲသို့ထည့်သွင်းပေးခဲ့သည့် အလ္လာဟ်အရှင်မြတ်၏ (ကလိမဟ်) မုက္ခပါဌ်တော်နှင့် အရှင်မြတ်ထံတော်မှ(ဖန်ဆင်းခဲ့သည့်)ဝိညာဉ်တော်ဖြစ်ကြောင်း၊ ဂျန္နသ်သုခဘုံသည် အမှန်ဖြစ်ကြောင်း၊ ဂျဟန္နမ်ငရဲဘုံသည် အမှန်ဖြစ်ကြောင်း သက်သေခံခဲ့လျှင် ၎င်း၏အမလ်ကျင့်ဆောင်မှုသည် မည်သို့ပင်ဖြစ်စေ အလ္လာဟ်အရှင်မြတ်သည် သူ့အား ဂျန္နသ်သုခဘုံသို့ ဝင်ရောက်စေတော်မူမည်။
- ဟဒီးဆ်: အကြင်သူသည် အလ္လာဟ်အရှင်မြတ်မှအပ အခြားတစ်စုံတစ်ရာကို ဟစ်ခေါ်ဆုတောင်း၍ သေဆုံးခဲ့လျှင် ထိုသူသည် ဂျဟန္နမ်ငရဲသို့ လားရမည်။