حدیث: پرېښتې په وریځو کې راښکته کیږي، نو د هغه چارې یادونه کوي چې په اسمان کې فیصله شوې وي، نو شیطان یې په پټه خبرې واوري، بیا یې هغوی کاهنانو ( غیب ویونکو ته ) ورسوي، نو هغوی ورسره له ځانه سل دروغه نور هم جوړ کړي.
عن عائشة رضي الله عنها ، قالت: سَأَل رسول الله صلى الله عليه وسلم أُنَاسٌ عن الكُهَّان، فقال: «ليْسُوا بشيء» فقالوا: يا رسول الله إنهم يُحَدِّثُونَا أحْيَانَا بشيء، فيكون حَقَّا؟ فقال رسول الله صلى الله عليه وسلم : «تلك الكلمة من الحَقِّ يخْطفُها الجِنِّي فَيَقُرُّهَا في أُذُنِ وليِّه، فَيَخْلِطُونَ معها مائة كَذِبَة».
وفي رواية للبخاري عن عائشة رضي الله عنها : أنها سمعت رسول الله صلى الله عليه وسلم يقول: «إن الملائكة تَنْزِل في العَنَانِ -وهو السَّحَاب- فَتَذْكُرُ الأمر قُضِيَ في السماء، فَيَسْتَرِقُ الشيطان السَّمْعَ، فيسمعه، فيُوحِيَه إلى الكُهَّان، فيكذبون معها مائة كَذْبَة من عند أَنْفُسِهم».
[صحيح] - [الرواية الأولى: متفق عليها.
الرواية الثانية: رواها البخاري]
المزيــد ...
له عائشې - رضي الله عنها - څخه روایت دی فرمایي: ځینې خلکو له رسول الله - صلی الله علیه وسلم - څخه د کاهنانو په اړه پوښتنه وکړه، نو ویې فرماییل: هغوی هیڅ هم ندي، نو هغوی وویل: ای د الله رسوله! هغوی کله مونږ ته ځینې ویناوي کوي چې ریښتیا وي؟ نو رسول الله - صلی الله علیه وسلم- وفرمایل: هغه خبره یې له رښتیا څخه وي چې پیری یې په پټه واوري او د خپل بادار غوږ ته یې ورتېره کړي، نو هغوی ورسره سل دروغ نور ګډ کړي، او د بخاري په روایت کې له عائشې - رضي الله عنها - څخه روایت دی چې هغې له رسول الله -صلی الله علیه وسلم- څخه واوریدل چې وییل یې: پرېښتې په عنان کې راښکته کیږي او هغه وریځې دي، نو د هغه چارې یادونه کوي چې په اسمان کې فیصله شوې وي، نو شیطان یې په پټه خبرې واوري، بیا یې هغوی کاهنانو ( غیب ویونکو ) ته ورسوي، نو هغوی ورسره له ځانه سل دروغه نور هم جوړ کړي.
صحيح - بخاري روايت کړی دی
عائشة - رضي الله عنها - خبر ورکوي چې ځینې خلکو له رسول الله - صلی الله علیه وسلم - څخه د هغه خلکو په اړه پوښتنه وکړه چې په راتلونکې کې له غیبو خبر ورکوي نو ویې فرمایيل: پروا یې مه ساتئ او خبره یې مه منئ او چارو ته یې هیڅ ارزښت مه ورکوئ. نو هغوی وویل: د هغوی وینا د حقیقت سره سمه وي، نو هغه - صلی الله علیه وسلم - وفرمایل: پيریان د اسمان هغه خبرونه غلا کوي چې اوري یې، بیا له کاهنانو څخه خپلو بادارانو ته راکوزیږي او په هغه څه یې خبروي چې اوریدلې یې دي، بیا کاهن له آسمان څخه اوریدل شوو خبرو ته سل خبرې نورې ورزیاتې کړي. او د بخاري د روایت معنا دا ده چې پریښتې په آسمان کې د الله تعالی هغه پریکړې اوري چې له حوادثو څخه یې د زمکې د خلکو په اړه کوي بیا په وریځو کې راښکته کیږي، نو ځینې یې د ځینو نورو سره خبرې کوي، نو شیطان په غلا سره دا خبرونه واوري، بیا یې له کاهنانو څخه خپلو بادارانو ته راورسوي او په هغه څه یې خبر کړي چې اوریدلي یې دی، بیا کاهن هغه څه ته چې اوریدلې یې دي سل او یا زیات دروغ نور ورزیات کړي.
د حديث له ګټو څخه
- په کاهنانو د باور کولو حراموالی او دا چې هغه څه چې دوی وايي دروغ او له ځانه جوړې شوې - ویناوې دي - اګر چې کله کله رښتیا ووایی.
- هغه څه چې د کاهنانو له ویناوو رښتیا وي، هغه دي چې پیریان یې په پټه اوري، او دوی به د پیغمبر - صلی الله علیه وسلم - له بعثت نه وړاندې اسمان ته نږدې کېناستل، هغه څه ته یې غوږ نیوه چې پورته په آسمانونو کې کېدل، خو د پیغمبر - صلی الله علیه وسلم- د بعثت سره یې دا کار باطل شو او منعه شول خو بیا به یې هم د اوریدلو پلټنه کوله خو د اور په ستورو به ویشتل کېدل، دا هغه څه دي چې قرآن کریم یې په اړه خبر ورکړی.
- پېریان د ځان لپاره له انسانانو څخه دوستان نیسي.
- شیطانان اوس هم غوږ څارنه کوي، خو په ډیره کمه او نادره کچه تر دې چې د جاهلیت د وخت په پرتله د نش سره برابر دی.
ډلبندیانې
نور
- حدیث: په یهودانو او نصاراوو دې د الله لعنت وي، دوی د خپلو پیغمبرانو قبرونه د جوماتونو په توګه نیولي - له هغه څه خبرداری ورکوي چې هغوی کړي - او که داسې نه وای، نو د هغه قبر به ښکاره کړای شوی و ، خو له دې وېرې دا کار ونشو چې هسی نه جومات وګرځول شي.
- حدیث: زه د شریکانو له شراکت څخه تر ټولو زیات مستغني یم، نو چا چې یو کار وکړ او په هغه کې یې زما سره بل څوک شریک کړ، زه به هغه کس د هغه شرک ته پریږدم.
- حدیث: زه د الله تعالی په وړاندې لدې بیزاره یم چې له تاسو څخه یو څوک په دوستۍ ونیسم، ځکه چې الله جل جلاله زه په دوستۍ سره داسې نیولی یم لکه څرنګه یې چې ابراهیم په دوستۍ سره نیولی، او که چېرته ما له خپل امت څخه څوک په خالصې دوستۍ سره نیوه، نو خامخا به مې ابوبکر په دوستۍ سره نیولی و.
- حدیث: زما په صفت کې له حد نه مه اوړئ لکه څرنګه چې مسیحیانو د مریم د زوی په صفت کې له حد نه اوړیدلي دي، زه یو بنده یم، نو ووایئ: د الله بنده او پیغمبر.
- حدیث: ستا په شفاعت تر ټولو نیکمرغه خلک څوک دي؟ ويې فرمايل: څوک چې د زړه له اخلاصه ووايي چې له الله پرته بل معبود نشته.
- حدیث: چا چې - پدې خبره - ګواهي ورکړه چې نشته دی په حقه سره معبود مګر یوازې الله دی، شریک نه لري او محمد د الله بنده او رسول دی، او عیسی د الله بنده او رسول دی، او د هغه - کلمه - (په کلمه د کن سره پیدا شو)، او د هغه له روح ( د الله تعالی د طرفه) څخه دی، او دا چې جنت حق او اور(دوزخ) حق دی، الله به یې جنت ته ننباسي که هر عمل یې کړی وي.
- حدیث: څوک چې مړ شو او له الله پرته یې بل شریک راباله اور ته داخلیږي.