فەرموودە: ((ب ڕاستی خودایێ مه‌زن هه‌وه‌ پاشڤه‌ دبه‌ت كو سویند ب دایك و بابێن خۆ بخۆن

عَنْ عُمَرَ بْنِ الْخَطَّابِ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«إِنَّ اللهَ عَزَّ وَجَلَّ يَنْهَاكُمْ أَنْ تَحْلِفُوا بِآبَائِكُمْ»، قَالَ عُمَرُ: فَوَاللهِ مَا حَلَفْتُ بِهَا مُنْذُ سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ نَهَى عَنْهَا ذَاكِرًا وَلَا آثِرًا.
[صحيح] - [متفق عليه] - [صحيح مسلم: 1646]

عومه‌رێ كوڕێ خه‌طابی (خودێ ژێ ڕازی بیت) دبێژیت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت:
((ب ڕاستی خودایێ مه‌زن هه‌وه‌ پاشڤه‌ دبه‌ت كو سویند ب دایك و بابێن خۆ بخۆن)). عومه‌ری گۆت: ئه‌ز ب خودێ كه‌مه‌ ئه‌ڤه‌ ژ وێ ڕۆژا من گوهـ ل پێغه‌مبه‌رێ خودێ (صه‌لات و سه‌لامێن خودێ ل سه‌ر بن) بووی پاشڤه‌برن ژ ڤێ چه‌ندێ كری من ئه‌و سوینده‌ نه‌خوارییه، نه‌ ب مه‌ره‌م و نه من‌ ژ كه‌سه‌كێ دی ڤه‌گوهاستییه‌.
[صحيح] - [متفق عليه] - [صحيح مسلم - 1646]

شیکردنەوە

پێغه‌مبه‌ر (صه‌لات و سه‌لامێن خودێ ل سه‌ر بن) مه‌ ئاگه‌هدار دكه‌ت كو خودایێ مه‌زن هه‌وه‌ پاشڤه‌ دبه‌ت ژ سویندخوارنێ ب دایك و بابان، ڤێجا هه‌ر كه‌سێ بڤێت سویندێ بخۆت؛ بلا ب تنێ ب خودێ بخۆت و ب كه‌سێ دی نه‌خۆت. پاشی عومه‌رێ كوڕێ خه‌طابی (خودێ ژێ ڕازی بیت) به‌حس دكه‌ت كو ئه‌ڤه‌ ژ ده‌مێ گوهـ ل پێغه‌مبه‌ری (صه‌لات و سه‌لامێن خودێ ل سه‌ر بن) بووی وی ئه‌ڤ پاشڤه‌برنه‌ كرى؛ وی ئه‌و سوینده‌ نه‌خوارییه‌، نه‌ ب ڤیانا خۆ و نه‌ ژی ژ كه‌سێ دی ڤه‌گوهاستییه‌.

لە سوودەکانی فەرموودەکە

1. حه‌رامبوونا سویندخوارنێ ب غه‌یری خودێ، و ب تایبه‌ت به‌حسێ دایك و بابان هاته‌كرن؛ چونكی ئه‌ڤه‌ ژ نه‌ریتێن سه‌رده‌مێ نه‌زانینێ (جاهلییه‌تێ) بوو.
2. سویندخوارن: ئه‌وه‌ مرۆڤ سویند ب خودێ یان ب ناڤێن وی یان ب سالۆخه‌تێن وی بخۆت ل سه‌ر كاره‌كی بۆ پشتڕاستكرنا وی كاری.
3. قه‌در و بهایێ عومه‌ری (خودێ ژێ ڕازی بیت) د له‌زاتییا به‌رسڤدان و بجهئینانا فه‌رمانان و جوان تێگه‌هشتنا وی و پارێزگارییا ویدا.