हदीस: जसको हातमा मेरो जीवन छ, तिमीहरू निश्चित रूपमा आफ्नो अगाडिका राष्ट्रहरूको पाइला पछ्याउनेछौ ।”

عَنْ أَبِي وَاقِدٍ اللَّيْثِيِّ رضي الله عنه:
أَنَّ رَسُولَ اللهِ صَلَّى اللَّهُ عَلَيْهِ وَسَلَّمَ لَمَّا خَرَجَ إِلَى حُنَيْنٍ مَرَّ بِشَجَرَةٍ لِلْمُشْرِكِينَ يُقَالُ لَهَا: ذَاتُ أَنْوَاطٍ يُعَلِّقُونَ عَلَيْهَا أَسْلِحَتَهُمْ، فَقَالُوا: يَا رَسُولَ اللهِ، اجْعَلْ لَنَا ذَاتَ أَنْوَاطٍ كَمَا لَهُمْ ذَاتُ أَنْوَاطٍ، فَقَالَ النَّبِيُّ صَلَّى اللَّهُ عَلَيْهِ وَسَلَّمَ: «سُبْحَانَ اللهِ! هَذَا كَمَا قَالَ قَوْمُ مُوسَى {اجْعَلْ لَنَا إِلَهًا كَمَا لَهُمْ آلِهَةٌ} [الأعراف: 138] وَالَّذِي نَفْسِي بِيَدِهِ لَتَرْكَبُنَّ سُنَّةَ مَنْ كَانَ قَبْلَكُمْ».
[صحيح] - [رواه الترمذي وأحمد]

अबू वाकिद लैसी (रजियल्लाहु अन्हु) ले बयान गरेका छन्,
जब नबी (सल्लल्लाहु अलैहि वसल्लम) हुनैन (युद्ध) को लागि प्रस्थान गर्नुभयो । उहाँ ‘जात अन्वात’ भनिने बहुदेववादीहरूको रूखबाट जानुभयो, जसमा तिनीहरूले आफ्ना हतियारहरू झुण्ड्याउने गर्थे । तब मानिसहरूले भने: हे अल्लाहको रसूल! तिनीहरूको ‘जात अन्वात’ जस्तै हाम्रो लागि पनि एउटा ‘जात अन्वात’ बनाउनुहोस् । उहाँले भन्नुभयो: "c2">“सुब्हानल्लाह, (अल्लाह पवित्र हुनुहुन्छ)! यो उही कुरा हो जुन मोशाका मानिसहरूले भनेका थिए: {हाम्रो लागि पनि एउटा देवता बनाउनुहोस् जसरी तिनीहरूका देवताहरू छन्} [सूरह अल-अराफ: १३८] जसको हातमा मेरो जीवन छ, तिमीहरू निश्चित रूपमा आफ्नो अगाडिका राष्ट्रहरूको पाइला पछ्याउनेछौ ।”
सही - तिर्मीजीले वर्णन गरेका छन्

व्याख्या

रसूल (सल्लल्लाहु अलैहि वसल्लम) हुनैनको लागि निस्कनुभयो, जुन ताएफ र मक्का बीचको एक उपत्यका हो, र उहाँसँग भर्खरै इस्लाम धर्म परिवर्तन गरेका केही साथीहरू थिए । उनीहरू ‘जात अन्वात’ भनिने रूखको छेउबाट गए, जसलाई बहुदेववादीहरूले सम्मान गर्थे र बर्कत (आशीर्वाद) लिनको लागि त्यसमा आफ्ना हतियारहरू र अन्य चीजहरू झुण्ड्याउने गर्थे । त्यसैले उनीहरूले रसूल (सल्लल्लाहु अलैहि वसल्लम) लाई ‘जात अन्वात’ जस्तै एउटा रूख स्थापना गर्न आग्रह गरे, ताकि उनीहरूले आशीर्वाद प्राप्त गर्नका लागि आफ्ना हतियारहरू त्यसमा झुण्ड्याउन सकुन्; वास्तवमा, तिनीहरूले यो गर्न जायज छ ठानेर भनेको । त्यसैले रसूल (सल्लल्लाहु अलैहि वसल्लम) ले तिनीहरूको भनाइको निन्दा गर्दै र अल्लाहको महानताको वर्णन गर्दै, "सुभानल्लाह" भन्नुभयो र यो कथन मोशाका समुदायको भनाइसँग मिल्दोजुल्दो छ भनेर बताउनुभयो: {हाम्रो लागि पनि एउटा देवता बनाउनुहोस् जसरी तिनीहरूका देवताहरू छन्} । जब तिनीहरूले मूर्तिपूजा गर्नेहरूलाई देखे, तिनीहरूले बहुदेववादीहरू जस्तै केही मूर्तिहरू राख्न माग गरे र यो माग वास्तवमा उनीहरुको मार्गलाई पछ्याउने हो । त्यसपछि उहाँलेले भन्नुभयो, यो उम्मतले यहूदी र इसाईहरूको मार्ग पछ्याउनेछ र उनीहरू जस्तै गर्नेछ । उहाँको उद्देश्य यस्ता कार्यहरू विरुद्ध चेतावनी दिनु थियो ।