فەرموودە: ‌ ئه‌و ملله‌ته‌كه‌ ئه‌گه‌ر عه‌بده‌كێ باش یان زه‌لامه‌كێ باش د ناڤ واندا مربا؛ دا مزگه‌فته‌كێ ل سه‌ر گۆڕێ وی ئاڤا كه‌ن

عَنْ عَائِشَةَ أُمِّ المؤمنين رضي الله عنها:
أَنَّ أُمَّ سَلَمَةَ ذَكَرَتْ لِرَسُولِ اللهِ صَلَّى اللهُ عَلَيْهِ وَسَلَّمَ كَنِيسَةً رَأَتْهَا بِأَرْضِ الْحَبَشَةِ، يُقَالُ لَهَا مَارِيَةُ، فَذَكَرَتْ لَهُ مَا رَأَتْ فِيهَا مِنَ الصُّوَرِ، فَقَالَ رَسُولُ اللهِ صَلَّى اللهُ عَلَيْهِ وَسَلَّمَ: «أُولَئِكَ قَوْمٌ إِذَا مَاتَ فِيهِمُ الْعَبْدُ الصَّالِحُ، أَوِ الرَّجُلُ الصَّالِحُ، بَنَوْا عَلَى قَبْرِهِ مَسْجِدًا، وَصَوَّرُوا فِيهِ تِلْكَ الصُّوَرَ، أُولَئِكَ شِرَارُ الْخَلْقِ عِنْدَ اللهِ».
[صحيح] - [متفق عليه] - [صحيح البخاري: 434]

عائیشا‌یا دایكا باوه‌رداران (خودێ ژێ ڕازی بیت) دبێژیت:
ئۆم سه‌له‌مه‌یێ بۆ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) به‌حسێ كەنیسەیەکێ كر كو وێ یا ل ئه‌ردێ حه‌به‌شه‌ دیتی، دگۆتنێ (ماریا)، ڤێجا به‌حسێ وان وێنەیێن وێ تێدا دیتین بۆ وی كر، ئینا پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت: ((‌ ئه‌و ملله‌ته‌كه‌ ئه‌گه‌ر عه‌بده‌كێ باش یان زه‌لامه‌كێ باش د ناڤ واندا مربا؛ دا مزگه‌فته‌كێ ل سه‌ر گۆڕێ وی ئاڤا كه‌ن و دا ئه‌وان وێنه‌یان تێدا چێكه‌ن، ب ڕاستی ئه‌و‌ خرابترین چێكرینه‌ ل ده‌ڤ خودێ)).
[صحيح] - [متفق عليه] - [صحيح البخاري - 434]

شیکردنەوە

ئۆم سه‌له‌مه‌یا دایكا باوه‌رداران (خودێ ژێ ڕازی بیت) بۆ پێغه‌مبه‌ری (صه‌لات و سه‌لامێن خودێ ل سه‌ر بن) به‌حسێ هندێ كر كو ده‌مێ ئه‌و ل ئه‌ردێ حه‌به‌شه‌یێ بوو، وێ کەنیسەیەك دیتییه‌ -دگۆتنێ ماریا‌- وێنه‌ و نه‌خش و نیگار تێدا بوون؛ ڤێجا وێ ئه‌ڤ چه‌نده‌ وه‌ك سه‌رسورمانه‌ك به‌حسكر! ئینا پێغه‌مبه‌ری (صه‌لات و سه‌لامێن خودێ ل سه‌ر بن) ئه‌گه‌رێ دانانا ڤان وێنه‌یان بۆ وێ دیار كر ڤێجا گۆت: ئه‌وێن تو به‌حس ژێ دكه‌ی، هه‌ر ده‌مێ زه‌لامه‌كێ باش د ناڤ واندا مربا؛ دا مزگه‌فته‌کێ ل سه‌ر گۆڕێ وی ئاڤا كه‌ن دا كو نڤێژێ تێدا بكه‌ن و ئه‌و وێنه‌ تێدا دكێشان و دیار كر كو ئه‌و كه‌سێ ڤی كاری بكه‌ت؛ خرابترینێ چێكرییانه‌ ل ده‌ڤ خودایێ مه‌زن؛ چونكی كریارا وی سه‌ردكێشیت بۆ په‌یداكرنا شركێ بۆ خودایێ مه‌زن.

لە سوودەکانی فەرموودەکە

1. حه‌رامبوونا ئاڤاكرنا مزگه‌فتان ل سه‌ر گۆڕان، یان نڤێژكرنا ل ده‌ڤ وان، یان ڤه‌شارتنا مریان د ناڤ مزگه‌فتاندا؛ بۆ هندێ دا كو ڕێك ل به‌ر شركێ بهێته‌ گرتن.
2. ئاڤاكرنا مزگه‌فتان ل سه‌ر گۆڕان و دانانا وێنه‌یان تێدا، كریارا جوهی و فه‌له‌یانه‌ و هه‌ر كه‌سێ ڤی كاری بكه‌ت؛ ئه‌ڤه‌ ئه‌و وه‌كی لێ هات د ڤی كاریدا.
3. حه‌رامبوونا دروستكرن و كێشانا وێنه‌یێن تشتێن خودان ڕح.
4. هه‌ر كه‌سێ مزگه‌فته‌كێ ل سه‌ر گۆڕه‌كی ئاڤا بكه‌ت و وێنه‌یان تێدا بكێشیت، ئه‌و ژ خرابترینێ چێكرییێن خودێیه‌.
5. پاراستنا ته‌مام یا شه‌ریعه‌تی بۆ ته‌وحیدێ، ب ڕێگریكرن ژ وان هه‌می ئه‌گه‌رێن به‌ره‌ڤ شركێ دچن.
6. ڕێگریكرن ژ زێده‌گاڤیكرنێ د مرۆڤێن باشدا؛ چونكی ئه‌ڤه‌ ئه‌گه‌رێ كه‌ڤتنا د ناڤ شركێدایه‌.