Hadith: ((خودایێ من؛ تو قه‌برێ من نه‌كه‌ په‌یكه‌ره‌ك

عن أبي هريرة رضي الله عنه عن النبي صلى الله عليه وسلم:
«اللهُمَّ لَا تَجْعَلْ قَبْرِي وَثَنًا، لَعَنَ اللهُ قَوْمًا اتَّخَذُوا قُبُورَ أَنْبِيَائِهِمْ مَسَاجِدَ».
[صحيح] - [رواه أحمد] - [مسند أحمد: 7358]

ژ ئه‌بو هوره‌یره‌ی (خودێ ژێ ڕازی بیت) ژ پێغه‌مبه‌ری (صه‌لات و سه‌لامێن خودێ ل سه‌ر بن) گۆت:
((خودایێ من؛ تو قه‌برێ من نه‌كه‌ په‌یكه‌ره‌ك عیباده‌ت بۆ بهێته‌ كرن، خودێ نه‌فره‌ت یێن ل وان كه‌سان كرین یێن قه‌برێن پێغه‌مبه‌رێن خۆ كرینه‌ مزگه‌فت)).
[صحيح] - [رواه أحمد] - [مسند أحمد - 7358]

Explanation

پێغه‌مبه‌ری (صه‌لات و سه‌لامێن خودێ ل سه‌ر بن) دوعا ژ خودایێ خۆ كرن كو ئه‌و قه‌برێ وی وه‌كی وی صه‌نه‌م و په‌یكه‌ری لێنه‌كه‌ت یێ خه‌لك عیباده‌تی بۆ دكه‌ن، ئه‌ڤه‌ ژی ب مه‌زنكرنا وی و سوجده‌برنا ب ڕویێ وی، پاشی پێغه‌مبه‌ری (صه‌لات و سه‌لامێن خودێ ل سه‌ر بن) به‌حس ل وێ ئێكێ كر كو خودێ ئه‌و كه‌س یێ ژ دلۆڤانییا خۆ دویر ئێخستی و ده‌رئێخستى یێ قه‌برێن پێغه‌مبه‌ران دكه‌ته‌ مزگه‌فت، ژ به‌ر كو ده‌مێ ئه‌ڤ قه‌بره‌ وه‌كی مزگه‌فتێ لێ دهێنه‌ كرن؛ ئه‌ڤه‌ دێ بیته‌ ئه‌گه‌ر كو عیباده‌تێ وان بهێته‌ كرن و خه‌لكی باوه‌ری ب وان هه‌بیت كو مفا و زیان یێن د ده‌ستێ واندا.

Benefits from the Hadith

1. زێده‌گاڤیكرن و ده‌ربازكرنا وی سنوورێ شه‌ریعه‌تی بۆ قه‌برێن پێغه‌مبه‌ران و مرۆڤێن چاك داناین؛ دێ وه‌ ل ڤان قه‌بران كه‌ت عیباده‌تێ وان د گه‌ل خودێ بهێته‌ كرن، له‌وا دڤێت موسلمان ژ وان
2. تشتان بهێنه‌ هشیاركرن یێن سه‌ردكێشن بۆ شركێ.
3. چێنابیت مرۆڤ سه‌ره‌دانا قه‌بران بكه‌ت ب مه‌ره‌ما مه‌زنكرن و عیباده‌تكرنێ ل ده‌ڤ وان؛ خۆ خۆدانێن ڤان قه‌بران چه‌ند نێزیكی خودایێ مه‌زن ژی بن.
4. حه‌رامبوونا ئاڤاكرنا مزگه‌فتان ل سه‌ر قه‌بران.
5. حه‌رامبوونا نڤێژكرنێ ل ده‌ڤ قه‌بران، خۆ ئه‌گه‌ر چ مزگه‌فت ژی ل سه‌ر نه‌هاتبنه‌ دروستكرن، ب تنێ نڤێژا جه‌نازه‌ی نه‌بیت كو ئه‌و دروسته‌ ل وێرێ بهێته‌ كرن.