Hadith: “ឱអល់ឡោះជាម្ចាស់! សូមទ្រង់មេត្តាកុំធ្វើឲ្យផ្នូររបស់ខ្ញុំក្លាយជារូបបដិមា(ដែលគេគោរពបូជា)

عن أبي هريرة رضي الله عنه عن النبي صلى الله عليه وسلم:
«اللهُمَّ لَا تَجْعَلْ قَبْرِي وَثَنًا، لَعَنَ اللهُ قَوْمًا اتَّخَذُوا قُبُورَ أَنْبِيَائِهِمْ مَسَاجِدَ».
[صحيح] - [رواه أحمد] - [مسند أحمد: 7358]

អំពី អាពូហ៊ូរ៉យរ៉ោះ رضي الله عنه អំពីណាពី ﷺ លោកបានមានប្រសាសន៍ថា៖
“ឱអល់ឡោះជាម្ចាស់! សូមទ្រង់មេត្តាកុំធ្វើឲ្យផ្នូររបស់ខ្ញុំក្លាយជារូបបដិមា(ដែលគេគោរពបូជា)។ អល់ឡោះជាម្ចាស់ទ្រង់បានដាក់បណ្ដាសាចំពោះក្រុមមួយដែលយកផ្នូរណាពីទាំងឡាយរបស់ពួកគេធ្វើជាម៉ាស្ជិត”។
[صحيح] - [رواه أحمد] - [مسند أحمد - 7358]

Explanation

ណាពី ﷺ លោកបានបួងសួងសុំពីព្រះជាម្ចាស់កុំធ្វើឲ្យផ្នូររបស់លោកដូចជារូបបដិមាដែលមនុស្សគោរពបូជា ដោយការលើកតម្កើង និងការតម្រង់ទៅរកក្នុងពេលក្រាបស៊ូជោត។ បន្ទាប់មក ណាពី ﷺ លោកបានប្រាប់ថា អល់ឡោះជាម្ចាស់ទ្រង់បានបណ្តេញឲ្យឃ្លាតឆ្ងាយពីក្ដីមេត្តាករុណារបស់ទ្រង់ចំពោះអ្នកដែលយកផ្នូរណាពីទាំងឡាយធ្វើជាម៉ាស្ជិត( វិហារ ឬកន្លែងគោរពបូជា) ព្រោះថាការយកផ្នូរធ្វើជាម៉ាស្ជិត ជាកត្តាមួយនាំទៅរកការគោរពសក្ការៈចំពោះផ្នូរទាំងនោះ និងមានជំនឿលើផ្នូរទាំងនោះ។

Benefits from the Hadith

1. ការបំពានព្រំដែននៃច្បាប់អ៊ីស្លាមទាក់ទងនឹងផ្នូរណាពី និងកុសលបុគ្គលទាំងឡាយ គឺធ្វើឱ្យផ្នូរទាំងនោះត្រូវបានគេគោរពបូជាក្រៅពីអល់ឡោះ។ ដូច្នេះ ចាំបាច់ត្រូវប្រុងប្រយ័ត្នរាល់មធ្យោបាយទាំងឡាយដែលនាំទៅរកអំពើស្ហ៊ីរិក។
2. ការធ្វើដំណើរទៅកាន់ទីផ្នូរក្នុងបំណងលើកតម្កើង និងគោរពសក្ការៈនៅទីនោះ គឺមិនត្រូវបានអនុញ្ញាតឡើយ ទោះបីជាផ្នូររបស់អ្នកដែលមានឋានៈជិតនឹងអល់ឡោះជាម្ចាស់យ៉ាងណាក៏ដោយ។
3. ហាមឃាត់ការសង់ម៉ាស្ជិតលើផ្នូរ។
4. ហាមឃាត់មិនឱ្យសឡាតនៅទីផ្នូរ ទោះជាគេមិនបានសង់ម៉ាស្ជិតនៅទីនោះក៏ដោយ លើកលែងតែការសឡាតលើសពដែលគេមិនទាន់បានសឡាតឲ្យ។