عن عمر بن الخطاب رضي الله عنه قال: سمعت النبي صلى الله عليه وسلم يقول: «لا تُطْروني كما أَطْرت النصارى ابنَ مريم؛ إنما أنا عبده، فقولوا: عبد الله ورسوله».
[صحيح] - [رواه البخاري]
المزيــد ...

ওমৰ ইবনুল খাত্তাব ৰাদ্বিয়াল্লাহু আনহুৰ পৰা বৰ্ণিত, তেওঁ কৈছেঃ মই নবী চাল্লাল্লাহু আলাইহি অছাল্লামক কওঁতে শুনিছোঁ: "c2">“তোমালোকে মোৰ বিষয়ে সীমালংঘন নকৰিবা, যিদৰে খ্ৰীষ্টানসকলে ইবনে মাৰইয়াম সম্পৰ্কে সীমালংঘন কৰিছিল। মই হৈছোঁ কেৱল এজন বান্দা। গতিকে তোমালোকে মোক কেৱল আল্লাহৰ বান্দা আৰু তেওঁৰ ৰাছুল বুলি কোৱা।”। ছহীহ - ইয়াক বুখাৰীয়ে বর্ণনা কৰিছে।
ছহীহ - বুখাৰীয়ে বৰ্ণনা কৰিছে।

ব্যাখ্যা

আল্লাহ তা‘আলাৰ তাওহীদৰ প্ৰতি নবী চাল্লাল্লাহু আলাইহি অছাল্লামৰ আগ্রহ অধিক আছিল, লগতে তেখেত চাল্লাল্লাহু আলাইহি অছাল্লামে নিজ উম্মতৰ ওপৰত শ্বিৰ্ক সম্পৰ্কেও আশংকা কৰিছিল, যি শ্বিৰ্কত পূৰ্বৱৰ্তী উম্মতসমূহ পতিত হৈছিল, তেখেতে নিজ উম্মতক সেই বিষয়ে সীমালংঘন কৰা সম্পৰ্কে আৰু তেখেতৰ প্ৰশংসা কৰাৰ ক্ষেত্রতো সীমালংঘনৰ পৰা সতৰ্ক কৰিছে। উদাহৰণস্বৰূপে, আল্লাহৰ গুণসমূহ আৰু তেওঁৰ বিশেষ কৰ্মসমূহৰ দ্বাৰা তেখেত চাল্লাল্লাহু আলাইহি অছাল্লামক গুনান্বিত কৰা। যিদৰে খ্ৰীষ্টানসকলে ঈছা আলাইহিচ্ছালামক উপাস্য তথা সন্তান সাব্যস্ত কৰি সীমালংঘন কৰিছিল। ফলত সিহঁত শ্বিৰ্কত নিপতিত হৈছিল। যেনে, আল্লাহ তা‘আলাই কৈছেঃ "c2">“যিসকলে কয়, ‘মছিহ ইবনে মাৰইয়ামেই হৈছে আল্লাহ’, নিশ্চয় সিহঁতে কুফৰী কৰিছে। অথচ মছিহে কৈছে, ‘হে ইছৰাঈলৰ সন্তানসকল! তোমালোকে আল্লাহৰ ইবাদত কৰা, যিজন মোৰো ৰব্ব আৰু তোমালোকৰ ৰব্ব’। নিশ্চয় যিয়ে আল্লাহৰ লগত অংশীদাৰ স্থাপন কৰে আল্লাহে তাৰ ওপৰত জান্নাত হাৰাম কৰি দিছে আৰু তাৰ ঠিকনা হ’ব জাহান্নাম; আৰু যালিমসকলৰ বাবে কোনো সহায়কাৰী নাই”। ইয়াৰ পিছত তেখেতে কৈছেঃ মই হৈছোঁ কেৱল তেওঁৰ বান্দা। গতিকে তোমালোকে মোক আল্লাহৰ বান্দা আৰু তেওঁৰ ৰাছুল বুলি কোৱা। অৰ্থাৎ, তোমালোকে মোক আল্লাহৰ বান্দা আৰু তেওঁৰ ৰাছুল হিচাপে আখ্যায়িত কৰা, যিদৰে আল্লাহ তা‘আলাই মোক আখ্যায়িত কৰিছে। মোৰ বিষয়ে তোমালোকে উবূদিয়্যাতৰ (দাসত্বৰ) সীমা অতিক্রম কৰি মোক উলুহিয়্যাত বা ৰুবুবিয়্যাতৰ স্থানত লৈ নাযাবা, যিদৰে খ্ৰীষ্টানসকলে কৰিছিল। কিয়নো, নবীসকলৰ প্ৰাপ্য হৈছে আল্লাহৰ দাসত্ব আৰু তেওঁৰ ৰিচালত। আনহাতে উলুহিয়্যাতৰ একক প্ৰাপ্য হৈছে আল্লাহৰ অধিকাৰ। এই সতৰ্কৰ পিছতো বহুতো মানুহে সেই শ্বিৰ্কত লিপ্ত হৈছে, যিটোকলৈ ৰাছুলুল্লাহ চাল্লাল্লাহু আলাইহি অছাল্লামে সতৰ্ক কৰিছিল। গতিকে হে পাঠক! আপুনি সিহঁতৰ অর্ন্তভুক্ত হোৱাৰ পৰা সতৰ্ক থাকক।

অনুবাদ: ইংৰাজী ফৰাচী স্পেনিচ তুৰ্কী উৰ্দু ইন্দোনেচিয়ান বোছনিয়ান ৰুচিয়ান বাংলা চাইনিজ ফাৰ্চি তাগালোগ হিন্দী ভিয়েতনামীজ ছিনহালী উইঘোৰ কুৰ্দী হাউছা পুৰ্তুগিজ মালয়ালম তেলেগু ছাৱাহিলী তামিল বৰ্মী থাই জাৰ্মান জাপানিজ পুস্তু আল বানিয়ান السويدية الأمهرية
অনুবাদ চাওক

হাদীছৰ পৰা সংগৃহীত উপকাৰিতাসমূহ

  1. প্ৰশংসা কৰাৰ ক্ষেত্রত অতিৰঞ্জন আৰু সীমা চেৰাই যোৱাৰ পৰা বিৰত থকা তথা সীমালংঘন আৰু অসত্য প্ৰশংসাৰ পৰা বিৰত থকা উচিত। কাৰণ, এইটোৱে মানুহক শ্বিৰ্কৰ পিনে লৈ যায়। লগতে বান্দাক প্ৰতিপালকৰ মর্যাদা দিয়া বুজায় তথা প্ৰতিপালকৰ গুণেৰে গুণান্বিত কৰা বুজায়।
  2. খ্ৰীষ্টানসকলে ঈছা আলাইহিচ্ছালামৰ বিষয়ে আৰু তেওঁৰ পিছত পূণ্যৱান নৰ-নাৰীসকলৰ বিষয়ে সীমালঙ্ঘন কৰাৰ ফলত কুফৰীত লিপ্ত হৈছিল। ইয়াৰ বাহিৰেও সিহঁতে ঈছা আলাইহিচ্ছালামক আল্লাহৰ পুত্ৰ বুলি ধাৰণা কৰিছিল। আনকি সিহঁতে পৱিত্ৰ ধৰ্ম গ্ৰন্থকো বিকৃত কৰিছিল, যাতে ইয়াৰ দ্বাৰা সিহঁতে নিজৰ বাতিল ধাৰণাক বিশুদ্ধ প্ৰমাণ কৰিব পাৰে।
অধিক