Hadith: هه‌ر كه‌سێ بمریت و ئه‌و هه‌ڤپشكه‌كی (شریكه‌كی) بۆ خودێ چێكه‌ت (عیباده‌تێ وی بكه‌ت و دوعا ژێ بكه‌ت)، دێ چیته‌ ئاگرێ جه‌هنه‌مێ

عَنْ عَبْدِ اللهِ بنِ مَسْعُودٍ رضي الله عنه قال:
قَالَ النَّبِيُّ صلى الله عليه وسلم كَلِمَةً وَقُلْتُ أُخْرَى، قَالَ النَّبِيُّ صلى الله عليه وسلم: «مَنْ مَاتَ وَهُوَ يَدْعُو مِنْ دُونِ اللهِ نِدًّا دَخَلَ النَّارَ» وَقُلْتُ أَنَا: مَنْ مَاتَ وَهُوَ لَا يَدْعُو لِلهِ نِدًّا دَخَلَ الْجَنَّةَ.
[صحيح] - [متفق عليه] - [صحيح البخاري: 4497]

عه‌بدولڵاهێ كوڕێ مه‌سعوودی (خودێ ژێ ڕازی بیت) دبێژیت:
پێغه‌مبه‌ری (صه‌لات و سه‌لامێن خودێ ل سه‌ر بن) گۆتنه‌ك گۆت و من ژی ئێكا دی گۆت، پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((هه‌ر كه‌سێ بمریت و ئه‌و هه‌ڤپشكه‌كی (شریكه‌كی) بۆ خودێ چێكه‌ت (عیباده‌تێ وی بكه‌ت و دوعا ژێ بكه‌ت)، دێ چیته‌ ئاگرێ جه‌هنه‌مێ))، من ژی گۆت: هه‌ر كه‌سێ بمریت و ئه‌و چ هه‌ڤپشكان بۆ خودێ چێنه‌كه‌ت، دێ چیته‌ به‌حه‌شتێ.
[صحيح] - [متفق عليه] - [صحيح البخاري - 4497]

Explanation

پێغه‌مبه‌ر (صه‌لات و سه‌لامێن خودێ ل سه‌ر بن) مه‌ ئاگه‌هدار دكه‌ت كو هه‌ر كه‌سێ تشته‌كی ژ وان عیباده‌تێن كو پێدڤییه‌ بۆ خودێ ب تنێ بهێنه‌ كرن بۆ ئێكێ دی بكه‌ت، وه‌كی دوعاكرنێ ژ غه‌یری خودێ، یان هه‌واركرنا ئێكێ دی و ل سه‌ر وێ چه‌ندێ بمریت، ئه‌و دێ ژ وان كه‌سان بیت یێن دچنه‌ ئاگرێ جه‌هنه‌مێ. ئبن مه‌سعوودی ژی (خودێ ژێ ڕازی بیت) ل سه‌ر زێده‌كر كو هه‌ر كه‌سێ بمریت و چ شرکێ بۆ خودێ نه‌كه‌ت؛ ئه‌نجامێ وی چوونا به‌حه‌شتێیه‌.

Benefits from the Hadith

1. دوعاكرن عیباده‌ته‌ و نابیت بۆ كه‌سێ بهێته‌ كرن ژ بلی خودایێ مه‌زن.
2. قه‌در و بهایێ ته‌وحیدێ و كو هه‌ر كه‌سێ ل سه‌ر وێ بمریت دێ چیته‌ به‌حه‌شتێ، هه‌تا ئه‌گه‌ر ل سه‌ر هنده‌ك گونه‌هێن خۆ هاتبیته‌ سزادان ژی.
3. مه‌ترسییا شركێ و كو هه‌ر كه‌سێ ل سه‌ر بمریت دێ چیته‌ ئاگرێ جه‌هنه‌مێ.