Ҳадис: Ким Аллоҳга бирон нарсани шерик қилиб (ширк келтириб) ўлса, жаҳаннамга киради

عَنْ عَبْدِ اللهِ بنِ مَسْعُودٍ رضي الله عنه قال:
قَالَ النَّبِيُّ صلى الله عليه وسلم كَلِمَةً وَقُلْتُ أُخْرَى، قَالَ النَّبِيُّ صلى الله عليه وسلم: «مَنْ مَاتَ وَهُوَ يَدْعُو مِنْ دُونِ اللهِ نِدًّا دَخَلَ النَّارَ» وَقُلْتُ أَنَا: مَنْ مَاتَ وَهُوَ لَا يَدْعُو لِلهِ نِدًّا دَخَلَ الْجَنَّةَ.
[صحيح] - [متفق عليه] - [صحيح البخاري: 4497]

Абдуллоҳ ибн Масъуд разияллоҳу анҳудан ривоят қилинади:
Набий соллаллоҳу алайҳи ва саллам бир сўз айтдилар. Мен ҳам бошқачароқ сўз айтаман. Набий соллаллоҳу алайҳи ва саллам: «Ким Аллоҳга бирон нарсани шерик қилиб (ширк келтириб) ўлса, жаҳаннамга киради», дедилар. Мен (Абдуллоҳ ибн Масъуд) айтаман-ки: «Ким Аллоҳга бирон нарсани шерик қилмай (ширк келтирмай) ўлса, жаннатга киради».
[Тўғри матн] - [Муттафақун алайҳ] - [Саҳиҳул Бухорий - 4497]

Изоҳ

Набий соллаллоҳу алайҳи ва саллам бу ҳадиси шарифда ким Аллоҳга қилиниши керак бўлган дуо, паноҳ сўраш каби нарсаларни бошқа бирортага сарфлаб вафот этса, дўзах аҳлидан бўлишини хабар бердилар. Ибн Масъуд разияллоҳу анҳу ким Аллоҳга ширк келтирмай ўлса, борар жойи жаннат эканини қўшиб қўйдилар.

Ҳадиснинг фойдалари

1. Дуо ибодатдир ва у Аллоҳдан бошқасига сарфланмайди.
2. Тавҳиднинг фазли. Ким тавҳиднинг устида вафот этса, гарчи гуноҳлари учун азобланса ҳам охир-оқибат жаннатга киради.
3. Ширкнинг хатари. Ким ширкнинг устида вафот этса дўзахга киради.