Hadithi: Mos thoni: "Siç dëshiron Allahu dhe siç dëshiron filani!", por thoni: "Siç dëshiron Allahu, pastaj siç dëshiron filani!
عَنْ حُذَيْفَةَ رضي الله عنه أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«لَا تَقُولُوا: مَا شَاءَ اللهُ وَشَاءَ فُلَانٌ، وَلَكِنْ قُولُوا: مَا شَاءَ اللهُ ثُمَّ شَاءَ فُلَانٌ».
[صحيح بمجموع طرقه] - [رواه أبو داود والنسائي في الكبرى وأحمد] - [السنن الكبرى للنسائي: 10755]
المزيــد ...
Hudhejfe (Allahu qoftë i kënaqur me të!) transmeton se i Dërguari i Allahut ﷺ ka thënë:
"Mos thoni: "Siç dëshiron Allahu dhe siç dëshiron filani!", por thoni: "Siç dëshiron Allahu, pastaj siç dëshiron filani!"
- - [Es-Sunen el-Kubra i Nesaiut - 10755]
Profeti ﷺ ndaloi që muslimani të thotë gjatë të folurit të tij: “Siç dëshiron Allahu dhe siç dëshiron filani!" Ose: "Siç dëshiron Allahu dhe filani!!" Kjo është për shkak se dëshira dhe vullneti i Allahut janë absolut, ku askush nuk është bashkëpjesëmarrës me Të në to. Kur të përdoret lidhëza "dhe" - (ar. ve), lë për të kuptuar bashkëpjesëmarrjen e ndokujt me Allahun ose barazimin mes tyre. Por, të thotë: "Siç dëshiron Allahu, pastaj siç dëshiron filani!" Kësisoj, dëshirën e njeriut e bën pasuese të dëshirës së Allahut, me ndajfoljen "pastaj", - (ar. thumme), në vend të lidhëzës "dhe", për faktin se ndajfolja "pastaj" tregon për diçka që vjen dhe e pason një gjë më pas.
Mësime nga hadithi
- Është haram të thuhet: “Çfarë dëshiroi Allahu dhe deshe ti!” e shprehje të ngjashme që tregojnë lidhjen me emrin e Allahut përmes lidhëzës “dhe”, sepse kjo është formë shirku (idhujtarie) në shprehje dhe në fjalë.
- Është e lejuar të thuhet: “Siç dëshiron Allahu e pastaj siç dëshiron ti!", dhe shprehje të ngjashme që tregojnë lidhjen me emrin e Allahut përmes ndajfoljes "pastaj", sepse kështu e ndaluara mënjanohet.
- Pohimi i dëshirës së Allahut dhe pohimi i dëshirës së njeriut dhe se dëshira e këtij të fundit është pasuese e dëshirës së Allahut të Lartësuar.
- Është e ndaluar që njerëzit të bëhen ortakë me Allahun në dëshirën e Tij, qoftë dhe verbalisht.
- Nëse ai që e barazon dëshirën e Allahut me dëshirën e ndonjë krijese në të shprehur beson se dëshira e njeriut është sikurse dëshira e Allahut të Lartmadhëruar, respektivisht e barabartë me të në gjithëpërfshirje e përgjithësim, ose se njeriu ka dëshirë të pavarur, atëherë kjo është shirk i madh, e, nëse beson se është poshtë kësaj, atëherë është shirk i vogël.
Kategoritë
Më shumë
- Hadithi: "Allahu i mallkoftë hebrenjtë dhe të krishterët: varret e të dërguarve i shndërruan në faltore!" Pra, tërhiqte vërejtjen kundër veprimeve të tyre. Po të mos ishte kjo, varri i tij do të ekspozohej, megjithatë ai kishte frikë mos (varri i tij) shndërrohej në faltore.
- Hadithi: Unë nuk kam nevojë për asnjë ortak. Kushdo që bën një vepër duke me bërë Mua ortak me dikë tjetër në këtë vepër, Unë e braktis atë së bashku me shirkun e tij.
- Hadithi: Tek Allahu distancohem prej të pasurit mik të ngushtë nga mesi juaj, sepse Allahu më ka zgjedhur mik të ngushtë, ashtu siç e ka zgjedhur Ibrahimin. Sikur të kisha ndonjë mik të ngushtë nga umeti im, do ta zgjidhja Ebu Bekrin
- Hadithi: Mos e teproni duke më lavdëruar ashtu siç e kanë tepruar të krishterët me (Isain) të birin e Merjemes. Vërtet unë jam vetëm rob i Tij, andaj thoni (për mua): "Rob i Allahut dhe i dërguar i Tij."
- Hadithi: Kush është njeriu më fatlum që do ta fitojë ndërmjetësimin (shefatin) tënd? "Ai që deklaron 'la ilahe il-lallah' (s'ka të adhuruar të denjë përveç Allahut) me zemër të sinqertë”, - tha Profeti ﷺ
- Hadithi: Atë që dëshmon se s’ka të adhuruar me të drejtë përveç Allahut të Vetëm e pa ortak, se Muhamedi është rob dhe i Dërguari i Tij, se Isai është rob i Allahut, i dërguar i Tij dhe Fjala e Tij (bëhu), të cilën ia ka drejtuar Merjemes, si dhe shpirt (i krijuar) prej Tij, dhe se Xheneti është i vërtetë e Zjarri është i vërtetë, Allahu e fut në Xhenet, sido që të ketë punuar
- Hadithi: Ai që vdes duke i bërë Allahut shok, do të hyjë në Zjarr