ਗੱਲ ਜਾਂ ਬਾਤਾਂ: ਜਿਸਨੇ ਤਵੀਤ ਲਟਕਾਇਆ, ਉਸਨੇ ਸ਼ਿਰਕ ਕੀਤਾ।

عَنْ عُقْبَةَ بْنِ عَامِرٍ الْجُهَنِيِّ رضي الله عنه:
أَنَّ رَسُولَ اللهِ صَلَّى اللهُ عَلَيْهِ وَسَلَّمَ أَقْبَلَ إِلَيْهِ رَهْطٌ، فَبَايَعَ تِسْعَةً وَأَمْسَكَ عَنْ وَاحِدٍ، فَقَالُوا: يَا رَسُولَ اللهِ، بَايَعْتَ تِسْعَةً وَتَرَكْتَ هَذَا؟ قَالَ: «إِنَّ عَلَيْهِ تَمِيمَةً»، فَأَدْخَلَ يَدَهُ فَقَطَعَهَا، فَبَايَعَهُ، وَقَالَ: «مَنْ عَلَّقَ تَمِيمَةً فَقَدْ أَشْرَكَ».
[حسن] - [رواه أحمد] - [مسند أحمد: 17422]

ਉਕਬਾ ਬਿਨ ਆਮਿਰ ਅਲ-ਜੁਹਨੀ (ਰਜ਼ੀਅੱਲਾਹੁ ਅਨਹੁ) ਤੋਂ ਰਿਵਾਇਤ ਹੈ, ਉਹ ਕਹਿੰਦੇ ਹਨ:
ਅੱਲਾਹ ਦੇ ਨਬੀ ﷺ ਕੋਲ ਦੱਸ ਲੋਕਾਂ ਦਾ ਇੱਕ ਸਮੂਹ ਆਇਆ; ਉਨ੍ਹਾਂ ਵਿਚੋਂ ਨੌਂ ਨਾਲ ਆਪ ﷺ ਨੇ ਬੈਅਤ (ਵਫ਼ਾਦਾਰੀ ਦੀ ਸਹੁੰ) ਲਈ ਪਰ ਇੱਕ ਵਿਅਕਤੀ ਤੋਂ ਨਹੀਂ ਲਈ। ਸੋ ਉਨ੍ਹਾਂ ਲੋਕਾਂ ਨੇ ਪੁੱਛਿਆ: ਹੇ ਅੱਲਾਹ ਦੇ ਰਸੂਲ! ਇਹ ਕੀ ਗੱਲ ਹੋ ਗਈ ਕਿ ਤੁਸੀਂ ਨੌਂ ਨਾਲ ਬੈਅਤ ਲੈ ਲਈ ਤੇ ਇੱਕ ਨੂੰ ਛੱਡ ਦਿੱਤਾ? ਆਪ ﷺ ਨੇ ਜਵਾਬ ਦਿੱਤਾ: "ਉਸ ਨੇ ਤਵੀਤ ਬੰਨ੍ਹਿਆ ਹੋਇਆ ਹੈ।" ਇਸ 'ਤੇ, ਉਸ ਵਿਅਕਤੀ ਨੇ ਆਪਣਾ ਹੱਥ ਪਾ ਕੇ ਉਸ ਨੂੰ ਕੱਟ ਦਿੱਤਾ। ਤਾਂ ਜਾ ਕੇ ਆਪ ﷺ ਨੇ ਉਸ ਤੋਂ ਬੈਅਤ ਲਈ ਤੇ ਫਰਮਾਇਆ: "ਜਿਸਨੇ ਤਵੀਤ ਲਟਕਾਇਆ, ਉਸਨੇ ਸ਼ਿਰਕ ਕੀਤਾ।"
[حسن] - [رواه أحمد] - [مسند أحمد - 17422]

ਵਿਆਖਿਆ

ਅੱਲਾਹ ਦੇ ਨਬੀ ﷺ ਕੋਲ ਲੋਕਾਂ ਦਾ ਇੱਕ ਸਮੂਹ ਆਇਆ। ਕੁਲ ਦਸ ਲੋਕ ਸਨ। ਉਨ੍ਹਾਂ ਵਿੱਚੋਂ ਨੌਂ ਲੋਕਾਂ ਤੋਂ ਆਪ ﷺ ਨੇ ਇਸਲਾਮ ਦੀ ਅਗਿਆਕਰੀ ਤੇ ਵਫ਼ਾਦਾਰੀ ਦੀ ਬੈਅਤ (ਸੁੰਹ) ਲਈ ਅਤੇ ਇੱਕ ਨੂੰ ਛੱਡ ਦਿੱਤਾ। ਜਦੋਂ ਇਸ ਦਾ ਕਾਰਨ ਪੁੱਛਿਆ ਗਿਆ, ਤਾਂ ਆਪ ﷺ ਨੇ ਫਰਮਾਇਆ: ਉਸ ਨੇ ਤਵੀਤ ਬੰਨ੍ਹਿਆ ਹੋਇਆ ਹੈ। ਤਵੀਤ ਅਸਲ ਵਿੱਚ ਉਨ੍ਹਾਂ ਮਣਕੇ ਆਦਿ ਨੂੰ ਕਹਿੰਦੇ ਹਨ, ਜਿਨ੍ਹਾਂ ਨੂੰ ਬੁਰੀ ਨਜ਼ਰ ਜਾਂ ਨੁਕਸਾਨ ਤੋਂ ਬਚਣ ਲਈ ਬੰਨ੍ਹਿਆ ਜਾਂ ਲਟਕਾਇਆ ਜਾਂਦਾ ਹੈ। ਤਾਂ ਉਸ ਵਿਅਕਤੀ ਨੇ ਤਵੀਤ ਦੀ ਥਾਂ 'ਤੇ ਆਪਣਾ ਹੱਥ ਪਾਇਆ ਅਤੇ ਉਸ ਨੂੰ ਕੱਟ ਕੇ ਸੁੱਟ ਦਿੱਤਾ। ਫੇਰ ਉਸਤੋਂ ਬਾਅਦ ਨਬੀ ﷺ ਨੇ ਉਸ ਕੋਲੋਂ ਬੈਅਤ ਲਈ ਅਤੇ ਤਵੀਤ ਆਦਿ ਤੋਂ ਸਾਵਧਾਨ ਕਰਦੇ ਹੋਏ ਅਤੇ ਉਸ ਬਾਰੇ ਹੁਕਮ ਦੱਸਦੇ ਹੋਏ ਫਰਮਾਇਆ: “ਜਿਸਨੇ ਵੀ ਤਵੀਤ ਲਟਕਾਇਆ, ਉਸਨੇ ਸ਼ਿਰਕ ਕੀਤਾ।”

ਹਦੀਸ ਦੇ ਫਾਇਦੇ ਵਿੱਚੋਂ

1. ਜੋ ਗ਼ੈਰੁੱਲਾਹ (ਅੱਲਾਹ ਤੋਂ ਇਲਾਵਾ ਕਿਸੇ ਹੋਰ) 'ਤੇ ਭਰੋਸਾ ਕਰੇਗਾ, ਅੱਲਾਹ ਉਸ ਦੇ ਨਾਲ ਉਸ ਦੇ ਇਰਾਦੇ (ਇੱਛਾ) ਦੇ ਵਿਰੁੱਧ ਮਾਮਲਾ ਕਰੇਗਾ।
2. ਇਹ ਅਕੀਦਾ (ਵਿਸ਼ਵਾਸ) ਰੱਖਣਾ ਕਿ ਤਵੀਤ ਲਟਕਾਉਣਾ ਨੁਕਸਾਨ ਤੇ ਬੁਰੀ ਨਜ਼ਰ ਤੋਂ ਬਚਣ ਦਾ ਸਬੱਬ (ਸਾਧਨ) ਹੈ, ਛੋਟਾ ਸ਼ਿਰਕ (ਸ਼ਿਰਕ-ਏ-ਅਸਗ਼ਰ) ਹੈ। ਜਦੋਂ ਕਿ ਉਸਨੂੰ ਆਪਣੇ ਆਪ ਵਿੱਚ ਲਾਭ ਪਹੁੰਚਾਉਣ ਦੇ ਯੋਗ ਮੰਨਣਾ ਵੱਡਾ ਸ਼ਿਰਕ (ਸ਼ਿਰਕ-ਏ-ਅਕਬਰ) ਹੈ।