Hədis: Allah kimə xeyir istərsə, onu müsibətlə imtahana çəkər

عن أبي هريرة رضي الله عنه قال: قال رسول الله صلى الله عليه وسلم:
«مَنْ يُرِدِ اللهُ بِهِ خَيْرًا يُصِبْ مِنْهُ».
[صحيح] - [رواه البخاري] - [صحيح البخاري: 5645]

Əbu Hureyra (Allah ondan razı olsun) rəvayət edir ki, Peyğəmbər (Allahın salavatı və salamı onun üzərinə olsun) belə demişdir:
"Allah kimə xeyir istərsə, onu müsibətlə imtahana çəkər".
[Səhih] - [Əl-Buxari rəvayət etdi] - [Sahihul-Buxari - 5645]

Şərh (izah)

Peyğəmbər (Allahın salavatı və salamı onun üzərinə olsun) xəbər verir ki, Allah mömin qullarından birinə xeyir istərsə, onu özü ilə, var-dövləti ilə, ailəsi ilə imtahana çəkər. Nəticə olaraq mömin də, günahlarının təmizlənməsi və dərəcəsinin artması üçün duaya sarılar.

Hədisin faydalarından

1. Həqiqətən mömin müxtəlif növ bəlalara məruz qalır.
2. Bəla, müsibət Allahın qulunu sevməsinin işarəsi ola bilər. Onun dərəcəsini artırar, məqamını yüksəldər və günahlarını silər.
3. Müsibətlərə səbr etməyə və dözümlüyə təşviq.