Hədis: Müsəlmandan qəbirdə soruşulduqda: Allahdan başqa ilah olmadığına və Məhəmmədin Allahın Rəsulu olduğuna şəhadət verər”

عَنِ البَرَاءِ بْنِ عَازِبٍ رضي الله عنه أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«المُسْلِمُ إِذَا سُئِلَ فِي القَبْرِ: يَشْهَدُ أَنْ لاَ إِلَهَ إِلَّا اللَّهُ وَأَنَّ مُحَمَّدًا رَسُولُ اللَّهِ»، فَذَلِكَ قَوْلُهُ: {يُثَبِّتُ اللَّهُ الَّذِينَ آمَنُوا بِالقَوْلِ الثَّابِتِ فِي الحَيَاةِ الدُّنْيَا وَفِي الآخِرَةِ} [إبراهيم: 27].
[صحيح] - [متفق عليه] - [صحيح البخاري: 4699]

Bəra ibn Azibdən (Allah ondan razı olsun) rəvayət edilir ki, Allah Rəsulu (Allahın salavatı və salamı onun üzərinə olsun) belə buyurdu:
Müsəlmandan qəbirdə soruşulduqda: Allahdan başqa ilah olmadığına və Məhəmmədin Allahın Rəsulu olduğuna şəhadət verər”, və bu, Allahın bu ayəsidir: {Allah iman gətirənləri dünya həyatında və axirətdə möhkəm sözlə sabit edər.} (İbrahim, 27)
[Səhih] - [Müttəfəqun aleyhi(əl-Buxari və Musliminsəhih gördüyü hədislər)] - [Sahihul-Buxari - 4699]

Şərh (izah)

Mömin qəbirdə soruşulacaq. Və onu, bu işə təyin edilmiş iki mələk soruşacaq. Onlar, adları bir neçə hədisdə keçən Münkər və Nəkirdir. O (mömin), Allahdan başqa ilah olmadığına və Məhəmmədin Allahın elçisi olduğuna şəhadət verər. Peyğəmbər (Allahın salavatı və salamı onun üzərinə olsun) dedi: Bu, məhz Allahın (Quranda haqqında) buyurduğu möhkəm sözdür: {Allah iman gətirənləri dünya həyatında və axirətdə möhkəm sözlə sabit edər.}(İbrahim, 27)

Hədisin faydalarından

1. Qəbr sorğu-sualı haqdır.
2. Allahın mömin qullarını möhkəm sözlə sabit etməklə dünya və axirətdə onlara olan lütfü.
3. Tövhid şəhadətinin və onun üzərində ölməyin fəziləti.
4. Allah mömini dünyada imanda davamlılıq və doğru yolla getməklə, ölüm anında tövhid üzərində ölməklə, qəbirdə isə iki mələyin sorğu-sualı zamanı sabit edir.