Hadith: អំពី អាពូអាប់ទុលរ៉ោះម៉ាន អាប់ទុលឡោះ ពិន អ៊ូមើរ ពិន អាល់ខត្តប رضي الله عنهما បាននិយាយថា៖ ខ្ញុំបានឮរ៉ស៊ូលុលឡោះ ﷺ លោកបានមានប្រសាសន៍ថា៖||“គេស្ថាបនាអ៊ីស្លាមលើមូលដ្ឋានគ្រឹះប្រាំគឺ៖ ធ្វើសាក្សីថា គ្មានទេម្ចាស់ដែលត្រូវគេគោរពសក្ការៈដ៏ពិតប្រាកដ លើកលែងតែអល់ឡោះ ហើយមូហាំម៉ាត់ គឺជាអ្នកនាំសាររបស់អល់ឡោះ ប្រតិបត្ដិសឡាត បរិច្ចាគហ្សាកាត់ ធ្វើធម្មយាត្រាហាជ្ជី និងបួសខែរ៉ម៉ាហ្ទន”។

____
[] - []

អំពី អាពូអាប់ទុលរ៉ោះម៉ាន អាប់ទុលឡោះ ពិន អ៊ូមើរ ពិន អាល់ខត្តប رضي الله عنهما បាននិយាយថា៖ ខ្ញុំបានឮរ៉ស៊ូលុលឡោះ ﷺ លោកបានមានប្រសាសន៍ថា៖
“គេស្ថាបនាអ៊ីស្លាមលើមូលដ្ឋានគ្រឹះប្រាំគឺ៖ ធ្វើសាក្សីថា គ្មានទេម្ចាស់ដែលត្រូវគេគោរពសក្ការៈដ៏ពិតប្រាកដ លើកលែងតែអល់ឡោះ ហើយមូហាំម៉ាត់ គឺជាអ្នកនាំសាររបស់អល់ឡោះ ប្រតិបត្ដិសឡាត បរិច្ចាគហ្សាកាត់ ធ្វើធម្មយាត្រាហាជ្ជី និងបួសខែរ៉ម៉ាហ្ទន”។
[صحيح] - [رواه البخاري ومسلم] - [الأربعون النووية - 3]

Explanation

ណាពី ﷺ លោកបានប្រៀបប្រដូចសាសនាអ៊ីស្លាមទៅនឹងសំណង់អគារដ៏រឹងមាំមួយដែលមានសសរគ្រឹះប្រាំដើមដែលទ្រទ្រង់អគារនោះ ហើយចំណុចពិសេសផ្សេងៗទៀតនៃសាសនាអ៊ីស្លាម គឺជាផ្នែកបន្ថែមនៃអគារនោះ។ សសរគ្រឹះទីមួយ៖ ពាក្យសក្ខីកម្ម(ស្ហាហាហ្ទះ)ទាំងពីរ៖ “لا إله إلا الله محمد رسول الله” (គ្មានទេម្ចាស់ដែលត្រូវគោរពសក្ការៈដ៏ពិតប្រាកដក្រៅពីអល់ឡោះ ហើយពិតណាស់ មូហាំម៉ាត់ គឺជាអ្នកនាំសាររបស់អល់ឡោះ)។ ទាំងពីរនេះ គឺជាសសរគ្រឹះតែមួយ មិនអាចបំបែកចេញពីគ្នាបានឡើយ។ ខ្ញុំបម្រើរបស់អល់ឡោះត្រូវប្រកាស ពោលពាក្យទាំងពីរនេះដោយទទួលស្គាល់នូវភាពជាម្ចាស់តែមួយរបស់អល់ឡោះ និងភាពសក្តិសមរបស់ទ្រង់ក្នុងការគោរពសក្ការៈតែមួយគត់ ពុំមែនអ្នកផ្សេងក្រៅពីទ្រង់ឡើយ និងអនុវត្តនូវអ្វីដែលពាក្យនេះទាមទារ ហើយត្រូវមានជំនឿលើសាររបស់ណាពីមូហាំម៉ាត់ ﷺ និងដើរតាមលោក។ សសរគ្រឹះទីពីរ៖ ការប្រតិបត្តិសឡាត៖ សំដៅលើសឡាតទាំងប្រាំពេលដែលជាកាតព្វកិច្ចត្រូវប្រតិបត្តិក្នុងមួយថ្ងៃមួយយប់ នោះគឺ សឡាតស៊ូពុស(ពេលទៀបភ្លឺ) សឡាតហ្ស៊ូហូរ(ពេលថ្ងៃត្រង់) សឡាតអាសើរ(ពេលរសៀល) សឡាតម៉ាហ្រ្គឹប(ក្រោយពេលថ្ងៃលិច) និងសឡាតអ៊ីស្ហា(ពេលយប់) ដោយត្រូវបំពេញតាមលក្ខខណ្ឌ គោលគ្រឹះ(រូកុន) និងប្រការចាំបាច់(ប្រការវ៉ាជិប)របស់វា។ សសរគ្រឹះទីបី៖ ការបរិច្ចាគហ្សាកាត់៖ វាជាការគោរពសក្ការៈផ្នែកទ្រព្យសម្បត្តិដែលចាំបាច់ត្រូវធ្វើលើទ្រព្យសម្បត្តិណាដែលដល់ចំនួនកំណត់តាមច្បាប់កំណត់ ហើយត្រូវផ្ដល់វាដល់អ្នកដែលមានសិទ្ធិទទួល។ សសរគ្រឹះទីបួន៖ ការធ្វើធម្មយាត្រាហាជ្ជី៖ វាជាការធ្វើដំណើរទៅកាន់ក្រុងម៉ាក្កះដើម្បីបំពេញកិច្ចធម្មយាត្រាក្នុងបំណងគោរពសក្ការៈចំពោះអល់ឡោះជាម្ចាស់។ សសរគ្រឹះទីប្រាំ៖ ការបួសក្នុងខែរ៉ម៉ាហ្ទន៖ វាជាការតមអាហារ ភេសជ្ជៈ និងប្រការទាំងឡាយណាដែលនាំឲ្យខូចបួស ដោយភ្ជាប់នឹងការនៀតគោពសក្ការៈចំពោះអល់ឡោះ ចាប់ពីហ្វាជើររះ(សេតារុណ) រហូតដល់ថ្ងៃលិច។

Benefits from the Hadith

1. ពាក្យសក្ខីកម្ម(ស្ហាហាហ្ទះ)ទាំងពីរ គឺមានទំនាក់ទំនងគ្នាដោយមិនអាចខ្វះមួយណាបានឡើយ។ ដូច្នេះហើយទើបគេចាត់ទុកវាជាសសរគ្រឹះតែមួយ។
2. ពាក្យសក្ខីកម្ម(ស្ហាហាហ្ទះ)ទាំងពីរ គឺជាគ្រឹះនៃសាសនាអ៊ីស្លាម។ ហេតុនេះ គេមិនទទួលយកនូវពាក្យសម្តីឬទង្វើណាមួយនោះឡើយ លើកលែងតែមានវា។