ဟဒီးဆ်: ငါတမန်တော် အသင်တို့အား တားမြစ်ထားသောအရာများကို ရှောင်ကြဉ်ကြပါ၊ ထို့နောက် ငါတမန်တော် အသင်တို့အား အမိန့်ပေးထားသောအရာများကို အသင်တို့ တတ်စွမ်းနိုင်သမျှ လိုက်နာကျင့်သုံးကြပါ။

عَنْ أَبِي هُرَيْرَةَ عَبْدِ الرَّحْمَنِ بْنِ صَخْرٍ رَضِيَ اللَّهُ عَنْهُ قَالَ: سَمِعْت رَسُولَ اللَّهِ صَلَّى اللَّهُ عَلَيْهِ وَسَلَّم يَقُولُ:
«مَا نَهَيْتُكُمْ عَنْهُ فَاجْتَنِبُوهُ، وَمَا أَمَرْتُكُمْ بِهِ فَافْعَلُوا مِنْهُ مَا اسْتَطَعْتُمْ، فَإِنَّمَا أَهْلَكَ الَّذِينَ مِنْ قَبْلِكُمْ كَثْرَةُ مَسَائِلِهِمْ، وَاخْتِلَافُهُمْ عَلَى أَنْبِيَائِهِمْ».
[صحيح] - [رواه البخاري ومسلم] - [الأربعون النووية: 9]

ဤဘာသာပြန်ဆိုချက်ကို ပိုမိုသုံးသပ်ရန်နှင့် စစ်ဆေးရန်လိုအပ်သည်။.

အဗူဟူရိုင်ရဟ် အဗ်ဒွရ်ရဟ်မားန် ဗင်န် စွခ်ရ်(ရဿွိယလ္လာဟုအန်ဟု)က ဆင့်ပြန်ခဲ့သည်။ ကျွန်တော်သည် အလ္လာဟ်အရှင်မြတ်၏ ရစူလ်တမန်တော် (ဆွလ္လလ္လာဟုအလိုင်းဟိဝစလ္လမ်) မိန့်ကြားတော်မူသည်ကို ကြားသိခဲ့ရသည်။
" ငါတမန်တော် အသင်တို့အား တားမြစ်ထားသောအရာများကို ရှောင်ကြဉ်ကြပါ၊ ထို့နောက် ငါတမန်တော် အသင်တို့အား အမိန့်ပေးထားသောအရာများကို အသင်တို့ တတ်စွမ်းနိုင်သမျှ လိုက်နာကျင့်သုံးကြပါ။ ဧကန်အမှန်ပင် အသင်တို့အလျင် ရှိခဲ့ကြသောသူများအား ( မလိုအပ်ဘဲ ) အမေးမြန်းထူခြင်းနှင့် ၎င်းတို့၏ တမန်တော်များအား သွေဖည်ဆန့်ကျင်ကြခြင်းတို့က ပျက်စီးစေခဲ့ခြင်းဖြစ်သည်"။
[صحيح] - [رواه البخاري ومسلم] - [الأربعون النووية - 9]

ရှင်းလင်းချက်

တမန်တော်(ဆွလ္လလ္လာဟု အလိုင်ဟိ ဝစလ္လမ်) သည် အရှင်မြတ်က ကျွန်ုပ်တို့အား တစ်စုံတစ်ရာကို မပြုလုပ်ရန် တားမြစ်ထားပါက မည်သည့်ခြွင်းချက်မှမရှိဘဲ ရှောင်ကြဉ်ရမည်ဖြစ်ပြီး၊ တစ်စုံတစ်ရာကို ပြုလုပ်ရန် ညွှန်ကြားထားပါက ကျွန်ုပ်တို့ စွမ်းဆောင်နိုင်သမျှကို ပြုလုပ်ရမည်ဖြစ်ကြောင်း ရှင်းလင်းတင်ပြ တော်မူခဲ့၏။ ထို့နောက် အရှင်မြတ်သည် ကျွန်ုပ်တို့အား ယခင်က လူမျိုးအချို့ကဲ့သို့ မဖြစ်စေရန် သတိပေးခဲ့သည်။ ထိုလူများသည် မိမိတို့၏နဗီတမန်တော်များအား သူတို့ကို ဆန့်ကျင်ကာ မေးခွန်းများစွာမေးမြန်းခဲ့ကြ‌လေ၏။ သို့ဖြစ်ရာ အလ္လာဟ်အရှင်မြတ်သည် ၎င်းတို့အား ဖျက်ဆီးခြင်းအမျိုးမျိုးဖြင့် အပြစ်ပေး‌တော်မူခဲ့ သည်။ ထို့ကြောင့် ကျွန်ုပ်တို့သည် ၎င်းတို့ကဲ့သို့ ဖျက်စီးခြင်းမခံရစေရန် ၎င်းတို့နည်းတူ မဖြစ်သင့်ပေ။

ဟဒီးဆ်မှ သိမှတ်ဖွယ်ရာများ

1. ဤ ဟဒီးစ်တော်သည် သာသနာမှ ညွှန်ကြားထားသောအရာများကို ပြုလုပ်ရန်နှင့် တားမြစ်ထားသောအရာများကို ရှောင်ကြဉ်ရန် တာဝန်ဝတ္တရားကို ရှင်းလင်းတင်ပြသည့် ကိစ္စရပ်နှင့် ပတ်သတ်၍ အခြေခံမူတစ်ရပ်ဖြစ်သည်။
2. တားမြစ်ထားသောအရာများအနက် မည်သည့်အရာကိုမျှ ကျူးလွန်ခွင့်မရှိပေ။သို့သော် အမိန့်ပေးထားသောအရာကို ကျင့်သုံးနိုင်စွမ်းဖြင့် ကန့်သတ်ထားသည်။ အဘယ်ကြောင့်ဆိုသော် တားမြစ်ချက်ကို စွန့်လွှတ်ရန်မှာ တတ်စွမ်းနိုင်သော ကိစ္စဖြစ်ပြီး၊ အမိန့်ပေးထားသောအရာကို အကောင်အထည်ဖော်ရာတွင် စွမ်းဆောင်နိုင်စွမ်းရှိရန် လိုအပ်သောကြောင့်ဖြစ်သည်။
3. တစ်စုံတစ်ရာအား တားမြစ်ထားလျှင် ၎င်းကိစ္စသည် နည်းသည်ဖြစ်စေ၊ များသည်ဖြစ်စေ တားမြစ်ချက်၌ အကျုံးဝင်သည်။ အဘယ့်ကြောင့်ဆိုသော် တားမြစ်ချက်အား အနည်းငယ်ပင်ဖြစ်စေ၊ အများအပြားပင်ဖြစ်စေ ကျူးလွန်ခြင်းအား ရှောင်ကြဉ်မှသာ အပြည့်အဝရှောင်ကြဉ်ခြင်းဖြစ်မည်။ ဥပမာအားဖြင့် အရှင်မြတ်သည် ကျွန်တော်တို့အား အတိုးစားခြင်းကို တားမြစ်ထားရာ ၎င်းအတိုးသည် နည်းသည်ဖြစ်စေ၊ များသည်ဖြစ်စေ ထိုတားမြစ်ချက်တွင် ပါဝင်ပေသည်။
4. ဟရာမ် တားမြစ်ထားသောအရာသို့ ပို့ဆောင်ပေးသော အကြောင်းခံများကို စွန့်လွှတ်ရမည်။ အဘယ့်ကြောင့်ဆိုသော် ထိုသို့စွန့်လွှတ်ခြင်းသည် ရှောင်ကြဉ်ခြင်း၏ အဓိပ္ပါယ်တွင် ပါဝင်ပေသည်။
5. တမန်တော်မြတ်က “ ထို့ကြောင့် ငါတမန်တော် အသင်တို့အား အမိန့်ပေးထားသောအရာများကို အသင်တို့ တတ်စွမ်းနိုင်သမျှ လိုက်နာကျင့်သုံးကြပါ။” ဟုမိန့်ဆိုထားသောကြောင့် တစ်ဦးတစ်ယောက်သည် အလ္လာဟ်အရှင်မြတ်၏ ရစူလ်တမန်တော် (ဆွလ္လလ္လာဟုအလိုင်ဟိဝစလ္လမ်)၏ အမိန့်ကိုကြားသိသောအခါ ထိုအမိန့်သည် ဝါဂျစ်ဗ်လား သိုမဟုတ် မွတ်စ်သဟဗ်လား ဟုမမေးမြန်းသင့်ပေ။
6. မေးခွန်းများစွာမေးမြန်းခြင်းသည် ပျက်စီးခြင်း၏ အကြောင်းတစ်ရပ်ဖြစ်သည်။ အထူးသဖြင့် (လူသား၏အသိ)
7. ရောက်ရှိရန် မဖြစ်နိုင်သော အရာများ ဥပမာ အကွယ်၌ရှိသောအရာများနှင့် ကိယာမသ်နေ့၏ အခြေအနေများ စသည့်ကိစ္စရပ်များတွင် မေးခွန်းများ အလွန်အမင်း မမေးမြန်းသင့်ပေ။ ထိုသို့ပြုလုပ်ပါက ပျက်စီးခြင်းသို့ ရောက်ရှိနိုင်ပြီး စွက်ဖက်ဝင်ရောက် လွန်ကျူးသူနှင့် အလွန်အမင်း နက်နဲစွာ ဆင်ခြင်စဉ်းစားသူ ဖြစ်သွားနိုင်သည်။