ဟဒီးဆ်: ကျွန်တော်တို့က ကိုယ်တော်သည် ကျွန်တော်မျိုးတို့၏ အရှင်သခင်ဖြစ်ပါသည်ဟု ပြောကြားခဲ့သည်။ ထိုအခါ ကိုယ်တော်က အလ္လာဟ်အရှင်မြတ်သာလျှင် အရှင်သခင်ဖြစ်သည်ဟု မိန့်ကြားတော်မူသည်။ ကျွန်တော်တို့က (ကိုယ်တော်သည်) ကျွန်တော်တို့ထဲတွင် အမွန်မြတ်ဆုံး၊ ပေးကမ်းမှုအရှိဆုံး ဖြစ်တော်မူပါသည်ဟု ပြောကြားခဲ့သည်။ ထိုအခါ ကိုယ်တော်က မိန့်ကြားတော်မူသည်မှာ အသင်တို့ပြောရမည့် စကားကိုသာပြောပါ သို့မဟုတ် အသင်တို့ပြောရမည့် အချို့စကားကိုသာပြောပါ။ (ငါကိုယ်တော်အား ချီမွမ်းရာတွင်) ရှိုင်သွာန်မိစ္ဆာက သင်တို့အား မလှည့်ဖျားပါစေနှင့်။

عَن عَبدِ الله بنِ الشِّخِّير رضي الله عنه قَالَ:
انْطَلَقْتُ في وَفدِ بَنِي عَامِرٍ إِلى رَسُولِ الله صلى الله عليه وسلم، فَقُلنا: أَنتَ سيّدُنَا، فقال: «السَّيدُ اللهُ»، قُلنا: وَأَفْضَلُنا فَضْلاً، وأعظَمُنا طَوْلاً، فقال: «قُولُوا بِقَولِكُم، أَو بَعضِ قولِكُم، وَلَا يَسْتَجْرِيَنَّكُم الشَّيطَانُ».
[صحيح] - [رواه أبو داود وأحمد] - [سنن أبي داود: 4806]

ဤဘာသာပြန်ဆိုချက်ကို ပိုမိုသုံးသပ်ရန်နှင့် စစ်ဆေးရန်လိုအပ်သည်။.

အဗ်ဒုလ္လာဟ် ဗင်န် ရှိခ်ခီးရ် (ရဿွိယလ္လာဟုအန်ဟု)က ဆင့်ပြန်ခဲ့သည်။
ကျွန်တော်သည် ဗနီအာမိရ် ကိုယ်စားလှယ်အဖွဲ့နှင့်အတူ အလ္လာဟ်ရှင်မြတ်၏ ရစူလ်တမန်တော် (ဆွလ္လလ္လာဟုအလိုင်းဟိဝစလ္လမ်)ဆီသို့ သွားရောက်ခဲ့သည်။ ကျွန်တော်တို့က ကိုယ်တော်သည် ကျွန်တော်မျိုးတို့၏ အရှင်သခင်ဖြစ်ပါသည်ဟု ပြောကြားခဲ့သည်။ ထိုအခါ ကိုယ်တော်က အလ္လာဟ်အရှင်မြတ်သာလျှင် အရှင်သခင်ဖြစ်သည်ဟု မိန့်ကြားတော်မူသည်။ ကျွန်တော်တို့က (ကိုယ်တော်သည်) ကျွန်တော်တို့ထဲတွင် အမွန်မြတ်ဆုံး၊ ပေးကမ်းမှုအရှိဆုံး ဖြစ်တော်မူပါသည်ဟု ပြောကြားခဲ့သည်။ ထိုအခါ ကိုယ်တော်က မိန့်ကြားတော်မူသည်မှာ အသင်တို့ပြောရမည့် စကားကိုသာပြောပါ သို့မဟုတ် အသင်တို့ပြောရမည့် အချို့စကားကိုသာပြောပါ။ (ငါကိုယ်တော်အား ချီမွမ်းရာတွင်) ရှိုင်သွာန်မိစ္ဆာက သင်တို့အား မလှည့်ဖျားပါစေနှင့်။
[ဤဟဒီးဆ်သည် ဆွဟီးဟ် အဆင့်ရှိသည်။] - [رواه أبو داود وأحمد] - [سنن أبي داود - 4806]

ရှင်းလင်းချက်

လူတစ်စုသည် တမန်တော်မြတ် (ဆွလ္လလ္လာဟုအလိုင်းဟိဝစလ္လမ်)ထံသို့ လာရောက်ခဲ့ကြသည်။ ၎င်းတို့သည် ကိုယ်တော့်ထံ ရောက်သည့်အခါ ကိုယ်တော်မနှစ်သက်သည့် စကားအချို့အား (ကိုယ်တော်အား ချီမွမ်းသည့်အနေဖြင့်) ပြောဆိုခဲ့ကြသည်။ ၎င်းတို့က ကိုယ်တော်သည် ကျွန်တော်မျိုးတို့၏ အရှင်သခင်ဖြစ်ပါသည်ဟု ပြောကြားခဲ့သည်။ ထိုအခါ ကိုယ်တော်မြတ်(ဆွလ္လလ္လာဟုအလိုင်းဟိဝစလ္လမ်)က ၎င်းတို့အား ပြောကြားတော်မူသည်။ အလ္လာဟ်အရှင်မြတ်သာလျှင် အရှင်သခင်ဖြစ်သည်။ ထိုအရှင်မြတ်သည် မိမိအဖန်ဆင်းခံများအပေါ် ပြီးပြည့်စုံသည့် ဩဇာအာဏာရှိပြီး ၎င်းတို့သည် အရှင်မြတ်၏ ကျွန်များသာဖြစ်ကြသည်။ ၎င်းတို့က ကိုယ်တော်သည် ကျွန်တော်တို့ထဲတွင် အမွန်မြတ်ဆုံးဖြစ်တော်မူပြီး အဆင့်အတန်း၊ ဂုဏ်သိက္ခာ၊ ဂုဏ်အရည်အချင်းအားဖြင့် အမြင့်မားဆုံး ဖြစ်တော်မူပြီး၊ ကိုယ်တော်သည် ပေးကမ်းမှုအရှိဆုံး အကြီးမြတ်ဆုံး၊ အရက်ရောဆုံး၊ အကြီးကျယ်ဆုံးနှင့ ဂုဏ်အသရေ အကြီးမြတ်ဆုံးဖြစ်တော်မူပါသည်ဟု ပြောကြားခဲ့သည်။ ထို့နောက် တမန်တော်မြတ် (ဆွလ္လလ္လာဟုအလိုင်းဟိဝစလ္လမ်)က ၎င်းတို့အား သာမာန်စကားများကိုသာ ပြောဆိုရန်၊ စကားလုံးများကို ချဲ့ကားခြင်းမပြုရန်နှင့် တားမြစ်ထားသည့် ‘ရှိရ်က်’ဖက်စပ်ယှဉ်တွဲ ကိုးကွယ်မှုနှင့် ၎င်း၏အကြာင်းခံများဆီသို့ ကျရောက်စေသော အစွန်းရောက်ခြင်းနှင့် အလွန်အကျူး ချီမွမ်းခြင်းဆီသို့ ရှိုင်သွာန်မိစ္ဆာက ၎င်းတို့အား လှည့်စားခေါ်ဆောင်သွားခြင်းမျိုး မဖြစ်စေရန် ညွှန်ကြားတော်မူသည်။

ဟဒီးဆ်မှ သိမှတ်ဖွယ်ရာများ

1. ဆွဟာဗဟ် သာဝကများ၏ စိတ်နှလုံးသားထဲတွင် တမန်တော်မြတ် (ဆွလ္လလ္လာဟုအလိုင်းဟိဝစလ္လမ်)၏ အဆင့်အတန်းသည် အလွန်ပင်ကြီးကျယ်လှသည်။ ဆွဟာဗဟ် သာဝကများသည် ကိုယ်တော့်အား အလွန်ပင် ဂုဏ်ပေးလေးစားကြသည်။
2. စကားလုံးများ ချဲ့ကားခြင်းကို တားမြစ်ထားပြီး အလယ်အလတ်ကျသည့် စကားမျိုးကိုသာ ပြောဆိုရန် တိုက်တွန်းထားသည်။
3. သောင်ဝ်ဟီးဒ် တရားတော်ကို ထိခိုက်စေမည့် စကားများ၊ လုပ်ရပ်များမှ သောင်ဝ်ဟီးဒ်အား ကာကွယ်ထားသည်။
4. ချီးမွမ်းရာတွင် အစွန်းရောက်ခြင်းကို တားမြစ်ထားသည်။ ယင်းသည် ရှိုင်သွာန်မိစ္ဆာ၏ ဝင်ပေါက်များပင်ဖြစ်သည်။
5. တမန်တော်မြတ် (ဆွလ္လလ္လာဟုအလိုင်းဟိဝစလ္လမ်)သည် လူသားအားလုံး၏ ခေါင်းဆောင်ဖြစ်တော်မူသည်။ ဟဒီးဆ်တော်၏ ဖော်ပြချက်များသည် ရိုကျိုးမှုနှင့် မိမိနှင့်ပတ်သက်၍ ၎င်းတို့ အစွန်းရောက်ကြမည်ကို စိုးရိမ်သည့်အတွက်ကြောင့်သာဖြစ်သည်။