hadiisa: Ani wantoota shan kan na dura nama tokkoof hin kennaminin kenname

عَنْ جَابِرِ بْنِ عَبْدِ اللَّهِ رضي الله عنهما أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ:
«أُعْطِيتُ خَمْسًا لَمْ يُعْطَهُنَّ أَحَدٌ قَبْلِي: نُصِرْتُ بِالرُّعْبِ مَسِيرَةَ شَهْرٍ، وَجُعِلَتْ لِي الأَرْضُ مَسْجِدًا وَطَهُورًا، فَأَيُّمَا رَجُلٍ مِنْ أُمَّتِي أَدْرَكَتْهُ الصَّلاَةُ فَلْيُصَلِّ، وَأُحِلَّتْ لِي المَغَانِمُ، وَلَمْ تَحِلَّ لِأَحَدٍ قَبْلِي، وَأُعْطِيتُ الشَّفَاعَةَ، وَكَانَ النَّبِيُّ يُبْعَثُ إِلَى قَوْمِهِ خَاصَّةً وَبُعِثْتُ إِلَى النَّاسِ عَامَّةً».
[صحيح] - [متفق عليه] - [صحيح البخاري: 335]

Jaabir bin Abdullaah irraa akka odeeffametti -Rabbi isaan lamaan irraa haa jaallatu- Nabiyyiin -nagaa fi rahmatni irra haa jiraatu- akkana jedhan:
«Ani wantoota shan kan na dura nama tokkoof hin kennaminin kenname: Imala ji'a tokkoo irraa diinni na sodaachuunin tumsame, dachiin iddoo salaataa fi xaaharfannaa naaf taasifamte, Kanaaf ummata kiyya irraa namni kamuu kan salaanni itti geesse haa salaatuu, boojuun anaaf halaala ta'e, na dura nama kamiifuu halaala hin turre, shafaa'aan naaf kenname, Nabiyyiin tokko yeroo ergamu ummata isaa qofatti ergama, ani immoo walumaa galatti namootaaf ergame».
[sirrii] - [Bukharif muslim irratti waliigalan] - [Sahiiha bukhaarii - 335]

Ibsaa

Nabiyyiin -nagaa fi rahmatni irra haa jiraatu- wantoota shan kan Nabiyyoonni isaan dura turan keessaa namni tokkolleen hin kennamin akka Rabbiin isaanif kennne himan:
Tokkoffaa: Anaa fi isaan gidduu imalli ji’a tokkoo yoo jiraatellee sodaan onnee diinota kootti darbatamuun tumsameera.
Lammaffaa: Lafti bakka jirru hundatti akka salaannuuf masjiida fi bakka bishaan hin jirretti biyyeedhaan qulqulleessaa naaf taasifamteerti.
Sadaffaa: Boojuun waraanaa nuuf hayyamameera, isheenis boojuu Muslimoonni lola kaafiroota waliin godhan keessatti fudhatanidha.
Afraffaa: Guyyaa Qiyaamaa haala sodaachisaa irraa namoota bilisa baasuu keessatti shafaa'aan guddoon naaf kennameera.
Shanaffaa: Ani gara uumama hundaatti ergame, nama isaanii fi jinnii isaaniitti, kuni faallaa nabiyyoota isaan dura turaniiti, isaan gara ummata isaanii qofatti kan ergaman ta'an.