Hədis: Ən böyük cihadlardan biri, zalım hökmdar qarşısında ədaləti söyləməkdir”
عَنْ أَبِي سَعِيدٍ الخُدْرِيِّ رضي الله عنه أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ:
«إِنَّ مِنْ أَعْظَمِ الجِهَادِ كَلِمَةَ عَدْلٍ عِنْدَ سُلْطَانٍ جَائِرٍ».
[حسن لغيره] - [رواه أبو داود والترمذي وابن ماجه وأحمد] - [سنن الترمذي: 2174]
المزيــد ...
Əbu Səid Əl-Xudridən (Allah ondan razı olsun) Peyğəmbərin (Allahın salavatı və salamı onun üzərinə olsun) belə buyurduğu rəvayət edilir:
"Ən böyük cihadlardan biri, zalım hökmdar qarşısında ədaləti söyləməkdir”.
- [Əbu Davud, Ət-Tirmizi, İbn Məcə, Əhməd rəvayət ediblər] - [Sünən Ət-Tirmizi - 2174]
Peyğəmbər (Allahın salavatı və salamı onun üzərinə olsun) bəyan etmişdir ki, Uca Allah yolunda cihadın ən böyük və ən faydalı növlərindən biri ədalətsiz və zalım hökmdar və ya rəhbərin qarşısında ədalət və haqq sözünü deməkdir. Çünki o, istər sözlə, istər yazı ilə, istər əməllə və ya məsləhətin əldə edildiyi, məfsədənin uzaqlaşdırıldığı hər hansı bir şeylə də olsa, yaxşılığı əmr edib pislikdən çəkindirmək şüarının yerinə yetirilməsidir.
Hədisin faydalarından
- Yaxşılığı əmr edib və pislikdən çəkindirmək cihaddan sayılır .
- Hökmdara nəsihət etmək cihadın ən böyük növlərindəndir, lakin bunu elm, hikmət və məsləhətləşmə və dəqiqləşdirmədən sonra etmək lazımdır.
- Xəttabi demişdir: “Bu, ən üstün cihaddır, çünki düşmənə qarşı cihad edən qorxu ilə ümid arasında tərəddüd edir və bilmir ki, düşmənə qalib gələcək, yoxsa məğlub olacaq. Lakin hökmdar qarşısında olan kəs tamamilə onun ixtiyarındadır və əgər həqiqəti söyləsə və ona yaxşılığı əmr etsə, özünü həlak və ölüm təhlükəsinə atar. Beləliklə bu, qorxuya qalib gəlindiyi üçün ən yaxşı cihad növü olur. Həmçinin deyilir ki, bu ona görə ən yaxşı cihaddır ki, çünki əmr sahibi (hökmdar) onun sözünə qulaq assa, bu, çoxlu sayda insana fayda verə bilər və məsləhət hasil olar”.