Hadithi: “Frika nga njerëzit të mos e pengojë askënd prej jush, që ta thotë të vërtetën kur e sheh ose e di atë.”

عَنْ أَبِي سَعِيدٍ الْخُدْرِيِّ رَضِيَ اللَّهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ أَنَّهُ قَالَ:
«لَا يَمْنَعَنَّ رَجُلًا مِنْكُمْ مَخَافَةُ النَّاسِ أَنْ يَتَكَلَّمَ بِالْحَقِّ إِذَا رَآهُ أَوْ عَلِمَهُ».
[صحيح] - [رواه الترمذي وابن ماجه وأحمد] - [مسند أحمد: 11403]

Ebu Seid Hudriu (Allahu qoftë i kënaqur me të!) transmeton se Profeti ﷺ ka thënë:
“Frika nga njerëzit të mos e pengojë askënd prej jush, që ta thotë të vërtetën kur e sheh ose e di atë.”
[Sahih] - [Transmetojnë Tirmidhiu, Ibn Maxhe dhe Ahmedi] - [Musnedi i Ahmedit - 11403]

Shpjegimi

Profeti ﷺ iu drejtua shokëve të tij dhe, ndër këshillat që u dha, ishte se muslimani nuk duhet të pengohet nga frika apo pushteti i njerëzve për ta thënë të vërtetën ose për ta urdhëruar atë kur e sheh apo e di.

Mësime nga hadithi

1. Nxitja për ta shfaqur të vërtetën dhe për të mos e fshehur atë nga frika e njerëzve.
2. Thënia e së vërtetës nuk do të thotë shpërfillje e mirësjelljes, urtësisë dhe këshillës së mirë në mënyrën se si ajo shprehet.
3. Është detyrë të kundërshtohet e keqja dhe t’u jepet përparësi të drejtave të Allahut të Lartësuar mbi interesat e njerëzve që e kundërshtojnë Atë.